تسجيل الدخول

مشاهدة النسخة كاملة : يااهل الباترول الربع ....لا هنتو ..


ذيب العيص
06/09/2010, 05:00 PM
اخواني ...السلام عليكم ورحمة الله وبركاته...
اسال الله العظيم ان يعتق رقابنا ورقابكم من النار ....
اخواني عندى باترول سلقه 99 كلبريتر فيه صوت طقطقه بالمكينه او تكتكه ...صوتها كانها مكينة ديزل ..
هل هذا طبيعي ؟؟؟ او في خلل لا سمح الله مع العلم اني لي يومين شاريه ......وكيف صرفيه البنزين الطبيعيه
الفل كم كيلو ؟؟
رحم الله والديكم ...
ذيب العيص
07/09/2010, 02:54 AM
وينكم يارجال
تناساني
07/09/2010, 03:03 AM
بالنسبة للصوت بالمكينه اكيد فيها مشكله
اقرب ورشه ميكانيكا رح لها

صرفية البنزين فل بـ 50 ريال. (95)
ويمشيك في حدود الـ 500 كيلو أو اقل بشوي.

بس تبي نصيحتي اذا الباترول مو بخاخ من 2003 وفوق لا تحسبه جيب
لانه بيغربلك في البرد بالتقطيع و غير كذا صرفية كبيرة للبنزين.


الله يعطيك خيره ويكفيك شرهـ
فهد الميهوبي
07/09/2010, 03:17 AM
انا عندي نفس مشكلتك
لكن عندي ربع 84
مريت على مكانيكي قال عندك البلوف مرتخيه شوي يبيلها وزن
وقال ما يضر بالعكس اريح للمكينه من الحراره وخليتها
عيبها العزم يخف شوي
والله اعلم يفيدونا الاخوان
R2R8
07/09/2010, 03:35 AM
صوت خفيف مهب طقطقه بس كانه تك تك اذا فتحت الكبوت تسمعه هذا طبيعي

والمكينه الي عندك 4200 فل 91 بـ 35 من الرياض الى بريده يبقى فيه الربع الاخير 360 كيلو تقريبا

عن تجربه طبعاا...

تحياتي لك والله يطعمك من خيره ويكفيك شره
خالد العمراني
07/09/2010, 03:39 AM
ياخوك صوت المكينه

اللي كنه وزنة بلوووووف

تراه عادي في البترول

ولا يضر

كان معي 97 به صوت ورحت لعدد مكانيكيه وكلا يقول عادي ولا تشيل همها

لك تحياتي
برايدوي عنيد
07/09/2010, 04:23 AM
هلابك اخوي ..

صوت الطقطقه الله العالم ان بلوف تبي وزن عاادي ماتضر وبعض الميكانيكين يرخونهن شوي يقول ابرد للموتر ويصير العزم لك عليه شوي .

اما هل هو يصرف بنزين واجد والا لا؟

طبعا على صفاوه اشتغال الموتر وكذلك دوسك انت له ..

اشياء تقلل من صرفيته : تركيب فرارات , مراوح كهرب

تقبل مروري ولايقصرون باقي الاخوان ...
فهد الميهوبي
07/09/2010, 06:35 AM
للررررررررررررررررررررررررررررررررررررررفع
الوسطاوي
07/09/2010, 07:28 AM
عوافي اخوي عادي هذا صوت البلوف يبن وزن حتى لو وزنت راح يرجع وعندي المشكله اكثر من سنتين ونص
بموتري ورحت كذا ميكانيكي وقال عادي بس لو زادت مشكله وانتبه لنقص الزيت ممكن مع الوقت ينقص
اتمنى لك التوفيق
بترووول
07/09/2010, 09:45 AM
هاذا البلوف تبغا وزن
عادي ماتضر بس اذا صوتها قوي صلحها
اما بالنسبه للزيت ينقص مالها دخل نهائيا هاذي بلوف هواء ونار فقط
ذيب العيص
08/09/2010, 07:56 PM
الله يعطيكم العافيه ...............شاكر لمرور الجميع وتقبل الله منا ومنكم صالح الاعمال ...