باترول 90 ربع متعوب عليه

[samiksa]

السلام عليكم ورحمة الله وبركاته
تقبل الله منا ومنكم صالح الأعمال
طبعا الباترول باب واحد سياحي (سلق)
راعيه اللي قبلي يقول كان حكومي
اللون أبيض مرشوش للتجديد
مدري كم ماشي يوم شريته العداد خربان
نجي للمفيد الموتر له معي 3 سنوات
وخلال استخدامي غيرت حاجات كثيرة
مثل
1
ليات الماء (الخراطيش) كلها أصلي
ليات الهواء كلها
2
باكم الفرامل من التشليح
باكم الكلتش من التشليح
علبة الكلتش وعلبة الفرامل كلها أصلي اللي فوق واللي تحت
3
حذاف + دزق + كلتش + فحمه. كلها أصلي
4
راس المكينة أصلي
طقم بلوف أصلي
جلد بلوف أصلي
طقم وجيه للمكينة أصلي
طرمبة ماء أصلي
طرمبة بانزين أصلي
عوامة بانزين أصلي
علبة الدركسون كانت تهرب
وركبت إصلاح أصلي والحين تمام
رديتر كنت مركب أصلي وتشقق
وركبت صيني قبل سنه ممتاز ألمنيوم طبعا
5
قبل كم شهر ركبت بويبينة للديلكو
واسطنس للكويل وبليتين
وبواجي
6
قبل سنة غيرت الكمبروسر من التشليح
ونظفت الثلاجة بيدي زي ماتشوفون في الصورة
المكيف ثلج ماشاء الله


http://www14.0zz0.com/2010/09/06/20/345578525.jpg (http://www.0zz0.com)


7
مركب مراوح كهرب
وقبل 3 شهور ركبت مروحة مكيف
قيمتها بدون تركيب 450 ريال ورا الشبك
8
مغير ربلات ذراع التوازن أمامي وخلفي أصلي
9
راعي الموتر كان شاق الرفارف ومركب اسطبات
جانبية حقت سفاري
أنا شلت الرفارف ورميتها
وركبت رفرفين أصلي
+ شبك 97 أصلي
+ نور صغير واسطبات خلفية أصلي
+ شمعات ألماني
9
راعي الموتر كان مسوي تبريز للصدام
شلت قواعد الصدام ورميتها
وركبت قواعد أصلي
+ صدام تجاري
10
هوبات أصلي
والفحمات جديده ما أبطت
+ فرارات
11
الربلات الرصاصية اللي بالرفرف الخلفي أصلي
خطوط 91 خامة ألمانية من الأمارات
وجنوط باجيرو وكفرات هانكوك
12
ياي أمامي حق باترول ديزل
ياي خلفي استرالي + كعكات 4سم واللي يبي 2سم موجودة
مساعدات شاص أمامي + تدبيل مساعادت مرسدس
مساعدات GXR خلفي
+ مساعد دركسون استرالي
13
قبل شهرين مركب علبة دركسون أصلي
والسيور جديدة
14
تانكي ماء ماله 3 شهور
هذا بالنسبة للمحرك والتعليق والشكل الخارجي


http://www10.0zz0.com/2010/09/06/20/205908567.jpg (http://www.0zz0.com)



http://www9.0zz0.com/2010/09/06/20/157470634.jpg (http://www.0zz0.com)


http://www2.0zz0.com/2010/09/06/20/999082592.jpg (http://www.0zz0.com)


http://www6.0zz0.com/2010/09/06/20/226065512.jpg (http://www.0zz0.com)


http://www10.0zz0.com/2010/09/06/20/445189013.jpg (http://www.0zz0.com)


http://www10.0zz0.com/2010/09/06/20/507654503.jpg (http://www.0zz0.com)


نجي للداخلي
1
شلت الديكورات كلها ورميتها
وركبت مراتب سفاري أمامي وخلفي
مع الدرج اللي بين الراكب والسواق
ومنجدها لونين رصاصي + بيج
عند النافورة في بريده
+ دركسون سفاري 93
+ تدبيل عازل للأرضية
+ عازل للسقف
ولمبة السقف جديدة
مع إضافة لمبة شاص للسقف تخدم السواق
الطبلون منجد جلد
والديكورات نظيفة
مع تغيير فتحة المكيف
الراكب والسواق أصلي
2
تنجيد ديكور الأبواب والديكورات الجانبية
شراع ياباني مع إضافة (مخابي) جيوب
3
الأمبيرات موديل 95 اللون أخضر
+ أمبير الحرارة أصلي
مع تغيير كامل اللمبات للأمبيرات والديكور
4
ربلات الأبواب الأمامية أصلي + مجرى القزاز أصلي
+ الربلتين اللي تمسخ القزاز خارجية وداخلية أصلي
ربلات القزاز الجانبي + المرجرى حق القزاز أصلي
ربلات القزاز الخلفي أصلي
5
طقم أقفال + دقمة أصلي
عظمة عصى القير أصلي
سماعات JVC أمامي وخلفي
عيوب الموتر
فيه نقص إذا مشيت من حايل الرياض
الرياض حايل نص علبة
والممشى 150 وفوق
والموتر يمشي زي ماتشوفون


http://www7.0zz0.com/2010/09/06/20/178869620.jpg (http://www.0zz0.com)


آسف على الإطالة
لكن هذا لإبراء الذمة
والموتر يستاهل ومتعوب عليه
نسمع سوماتكم
واللي يسوم سومة طيبة من حقة
يجرب ويفحص قبل لا يشتري
على طاري الفحص
الموتر مفحوص ومجدد
قبل كم شهر
موقع السيارة حايل
والسلام على من اتبع الهدى

[بنوتميم]

الله يرزقك . كم ساعه تكتب الموضوع <<<< هههههههههههههههه
ماشاءالله عليك

[samiksa]

الله يرزقنا وياك
كم ساعة؟؟؟
تقدر تقول
5 ساعات
و21 دقيقة
و3 ثواني

كل الموضوع ربع ساعة
......................
.............
.......
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صدق من قال
ماكل مجهد مصيب

[أبي ددسن]

ماقصرة والله يرزقك والجميع

لاهنت ولا تهون حائل وأهلها

[محمد الشمروخي]

الله يرزقك
لو منت محتاج نصيحه لا تفرطبه ابداً

[مكشإإت]

ياخوي تتعب عليه وتبيعه
يعني وش بيجيب

انصحك والله لاتبيعه
خله للبر

[samiksa]

الله لا يهينكم
الله يرزق الجميع
أنا ماعندي طاري في البيع لكن بصراحة
الموتر صار ضيق علي
العيال كبروا الله يصلحهم

[مكشإإت]

ماصورت داخلى الموتر

[نادر سعد]

السلام عليكم ماانسام منك

[واوك]

الله يرزقك انشاء الله

ولله يستاهل الموتر

شغل متعوب عليه

(( لكن نصيحه اترك السرعه مافيها فايده ))

[5 مايو]

الله يرزقك بالقيمه اللي بخاطرك

[abo-lma]

بسم وماشالله

مافية صور للسيارة من الداخل

[رسمت الوفاء]

الله يوفقك بسومه الطيبه

[samiksa]

الله يجزاكم خير
بكرا إن شاء الله أصور الداخلي
بالنهار يكون واضح
ودمتم بخير

[وايلي شمالي]

كم حادة اجيبها من الاخير

[نادر سعد]

اخوي نزل رقمك

[صدى الاطلال]

الله يوفقك ويرزقك من واسع فضله ويسر لك البيعة اللي طيب خاطرك امين

[محمد الشمروخي]

الله يرزقك

[مسدح الحيل]

ماشوف احد سام

نفتح بابه 15000 الف

[fg2011]

كم حدك بالموتر
وين مكانك

[ابو وااافي]

اخوي سامي الله يرزقنا واياك مشكوور على التوضيح الوافي عن الموتر


وعساك تبيعه البيعه الي تسرك


انا اقول بـــ 16000

حبيت اسئلك كيف حرارة الموتر

[الناقل1]

تحياتي لك
20000 الف

[مسدح الحيل]

نسوومه 20500

[ذيب الزور]

موتر متعوب عليه ونصيحه لا تفرط فيه بعد هالتعب والله يرزقك البيعه الطيبه

[Y.Y.Y]

الموتر ب 22 صافي
ارسلي على الخاص اذا ناسبك...

[مسدح الحيل]

نسووووم 23000

[سرطوقا]

الله يرزقك وانا اخوك

[صدق النوى]

ماشاء الله تبارك الله
الله يرزقك البيعة الي تسر خاطرك والموتر يستاهل
بس حبيت أستفسر الي تحت الصدام وشو تانكي ماء
إذا كان تانكي كيف ركبته ووين

http://www6.0zz0.com/2010/09/06/20/226065512.jpg

[مسدح الحيل]

الرجاء ارسال رقم الجوال

[ابومطيره]

الرجاء ارسال رقم الجوال

[4800VTC]

الله يرزقك
متعوب عليه

[الباثفندر 3.5]

الله يرزقك

[نسيم المطر]

الله يرزقك عز الله انه متعوب عليه جدا

[هجود]

السلام عليكم أسومه 23500 وتراني صامل وهذا رقمي ان كنت صامل 0552363696

[samiksa]

بالنسبة للأخ العزيز اللي يسأل عن الحرارة
يوم الجمعة الماضي مشيت للرياض الساعة 2.00 الظهر
مع المكيف وسرعة 150كم الحرارة على الربع

وأخوي اللي يسأل عن التانكي
هذا تانكي ماء أنا مركبة عند ورشة توارن في حائل
لكن أي ورشة توانك يسويه
ومايشيل واجد قارورتين ماء كبيره أم 7 ريال
وقيمتة تقريبا 370 ريال

[SRAAAB]

ابوحميدان
عز الله انك وفيت وكفيت
ماشاء الله تبارك الله بدون مبالغة شي الموتر الله يعطيك خيرة ويكفيك شرة
أجل بجيب لك موتري وأخلية معك سنة وش بتسويبة هههه
صدق شغل وتوكل على الله
سبحان الله وبحمدة
سبحان الله العظيم
الله يرزقك إن شاء الله اللي بخاطرك يارب ويبعد عنك كل شر قل آمين والسامعين

[towpaco]

ماشاء الله تبارك الله

شغل نظيف ما يسويه الا من صدره شمالي وراعي صنف .. الله يرزقك البيعة اللي تسر خاطرك

[NAIFAT]

الله يرزقك البيعه اللي تسر خاطرك

[زيدالتميمي]

الله يرزقك البيعة الطيبة

[samiksa]

الله يجزاكم خير ويقبل دعواتكم
وتستاهل وأنا أخوك
هات الموتر مشكلتي لازم أشتغل بالسيارة
ما أعرف شغل وأمش ما يمشي عندي

[العايد999]

الله يرزك ان شاء الله

الله يستر على الباترول حقي 90 ما شفت انظف منه

الله يرزك راعيه

[عزيز8181]

وين اللي يبي يستعمل
والله غلطان اللي يتعداه
الموتر يستاهل وراعيه يستاهل
الله يرزقه البيعة اللي ماتخسره

[فارس العيون]

ماشاء الله تبارك الله

موتر عز الله ان اللي يشريه ربحان ...

الله يرزقك ويوفقك ياراعيه

لكن سؤالي وشو ياي الديزل وليش مركب.؟؟ يرفع ولاينزل..؟ كم موديله

[صامولي]

الله يعطي الشاري خيرها ويكفيه شرها

[jasser]

ما شاء الله الله يوفقك باللي يرضيك

[مسدح الحيل]

نسوووم 24000 الف

[جبل غرابة]

ألف مبروك للي شرى الموتر
وألف مبروك البيعة
نسأل الله لكم التوفيق والبركة

[برق الشمال A]

الله يرزقك والله انك تعبان عليه
انصحك لا تبيعه وخله للبر

[wafian]

الله لا يهينكم
الله يرزق الجميع
أنا ماعندي طاري في البيع لكن بصراحة
الموتر صار ضيق علي
العيال كبروا الله يصلحهم


الله يخلي لك عيالك و يخليك لهم يا رب

تحياتي

[المكتمل]

أخوى الموتر مازال موجود

[abode2222]

يعني يبي يبيع؟؟

[ابو زنه]

الله يرزقك

[مخاوي ذيابة]

مشاء الله والله يرزقك والله موتر يستاهل ومتعوب عليه