هل يوجد سياره بقسط 500 ريال شهرياً

[محب الشمال]

اخواني اعضاء مكشات
السلام عليكم ورحمة الله وبركاته
تحيه طيبه وبعد
عندي جمس وكثير من المشاوير اكون لحالي بالسياره وتعرفون الجمس زين للعائله وللسفر بأذن الله
ففكرت يكون عندي سياره عمليه بقسط شهري معقول يعني 500 ريال او يزيج شوي وبدون دفعه اولى يعني حق الدوام والمشاوير اليوميه
وزي ما انتم عارفين الجمس يحتاج مداراه وولا يبي قربعه كثيره
قالوا فيه كيا ريو بس قالي واحد جزاه الله خير انحش عنها بسرعه تخرب يعني ثلاجه المكيف يمكن بعد 1500كيلو تخرب المساعدات بعد 8000 كيلو وغيرها

ارجوا ان تكون الفكره وصلت ولا تقصرون معنا يا شباب

والله يعطيكم العافيه

[ع.ف.الدرويش]

السلام عليكم ورحمة الله وبركاته

اخي الكريم.. فيه الهونداي اكسنت 4 سلندر ولا تستهلك شئ وتكد وبشدة قيمتها بالوكالة 25 ألف ريال بالمعارض اقل بشويات..
انت خذها بالتقسيط عن طريق شركة او بنك لمدة 3 سنوات بدون دفعه هنا راح يكون القسط بين الـ500 ريال الـ 600 ريال.. ولو السنوات اكثر صار القسط اقل بشوي..
فنصيحـــة توجه مباشر الى اقرب بنك او شركة او معرض يتم عن طريقه التقسيط واسال وهم بيفيدونك اكثر..

والله يوفقنا واياك لكل خير

عبدالرحمـــن

[صالح المطيري]

فعلاً مثل ما قال زميلنا الدرويش الآكسنت افضل خيار وسيارة مكدة والدليل سيارات التأجير اكثرها آكسنت وهي مريحة ومكيفها ممتاز وتعيش طويل اذا حافظت عليها ومناسبة جداً كسيارة دوام ومشاوير المدينة .
بس حاول انك تشتريها عن طريق قرض بنكي بأي وسيلة لأنهم في البنوك يأخذون فوائد ما تتعدى 7% أو 8% بالكثير بينما الوكالات تأخذ أضعاف هذه النسبة .

http://www.mekshat.com/pix/upload/images9/mk11967_accent1.jpg

http://www.mekshat.com/pix/upload/images9/mk11967_accent2.jpg

[ع.ف.الدرويش]

السلام عليكم ورحمة الله وبركاته

القرض البنكي الخاص افضل من شراء سيارة بالتقسيط
حيث ان النسبة التي تاخذها البنوك لا تتجاوز الـ6% في السنة الواحده
بينما الوكالات واغلب شركات التقسيط تصل الى 12% في السنة الواحده
لذلك توجه إلى البنك فهو الخيار الافضل بإذن الله..

ودمتم بخير..

عبدالرحمن

[محب الشمال]

الاخ عبدالرحمن (( الدرويش))
الاخ صالح المطيري
الله يجزاكم خير ويطول في عمرك على طاعته
والف شكرا على تجاوبكم وهذا من طيبكم لكن البنوك ما اعتقد اني باخذ منهم لان بنك الراحجي يطلب كفيل وباقي البنوك بعضها غير شرعيه والله اعلم فلا بد من اخذ من نفس الشركة ان شاء الله

والله يحفظكم ويرعاكم

[محب الشمال]

اتصلت على هونداي الوعلان وسالته عن الاكسنت وقالي لي الموظف
دفعة اولى 8525 ريال
والقسط الشهري 997 ريال
والله يعطيكم العافية

[ع.ف.الدرويش]

اتصلت على هونداي الوعلان وسالته عن الاكسنت وقالي لي الموظف
دفعة اولى 8525 ريال
والقسط الشهري 997 ريال
والله يعطيكم العافية

السلام عليكم ورحمة الله وبركاته

أخي محب الشمال.. ذكرت في ردودي السابقة بأن شراء سيارة بواسطة قرض بنكي ميسر أفضل من شراؤها بالتقيسط من الوكيل أو حتى الموزع.. فنسبــة البنك بالفعل قليلة مقارنة بـ الوكيل أو الموزع.. لذلك توجه إلى البنك مباشرة واستفسر عن الإجراءات.. وقارن بين النتيجيتين.. بالنسبة لي فقد أخذت قرض ميسر من البنك البريطاني قبل فترة ولم يطلب معرف وغيره مجرد بيانات ولم يتبق لي إلا القليل وسأسدده قبل زواجي إن شاء الله..:p

أتمنى لك التوفيق.. ودمت بخير

[محب الشمال]

ع.ف.الدرويش

مشكور على اهتمامك والله يعطيك العافية
اخوي عبدالرحمن انت تقول لي البنوك تصدق انك البنك الهولندي وافق لي على قرض بس طبعاً ما كنت ابي اخذه عشان سياره بس بعد الموافقه قريب فتوى للشيخ الشبيلي ان البنك الهولندي ومنها البريطاني محرمة شرعاً فكلمت البنك وقلت لهم ما بي خلاص ولم اكمل باقي الاوراق فعشان كذا مضطر اني اخذ من نفس الشركة على الاقل اهون من حقين المعارض الي يبيعك الددسن اقساط بـ 55000 ريال وتبعها بـ 33000 ريال شوف كم العموله يعلمه ما يربحون

اسأل الله ان يوفقك في زواجك وان يبارك لك في حياتك واهلك ومالك ... آمين
والله يحفظك

[ماجد الشمري]

اخوي محب الشمال ...
شف السوزوكي التو ..قيمتها كاش 18 الف ريال ..اتوقع قصدها رخيص والسيارة ماتصرف ابدا وهذا عن تجربة ...







اخوكم ماجد الشمري

[صالح المطيري]

فعلاً يا ماجد السوزوكي سيارة طيبة ويكفي انها يابانية ومناسبة لمشاوير المدينة والدوام واعتقد سعرها مناسب جداً وهي على كل حال افضل من الكيا ريو ولكن يا محب الشمال إذا تقدر تحصل على مبلغ بسيط عشرة الآف مثلاً وتدور سيارة مستعملة وزينة افضل من شر الأقساط ومشاكله :light: ... اعتقد الفورد كراون فيكتوريا موديلات 92-93-94 ما تتعدى عشرة الآف في معارض السيارات وهن عمليات وقطع غيارها رخيص جداً ومريحة جداً وممتازة للسفر وصرفية البنزين فيها أقل بكثير من الجمس اللي معاك . إذا تسمع شوري اترك الأقساط عنك .

[نمر بن حثلين]

طيب ياخوي البنك العربي عندهم تورق معادن محليه وماظن الشيخ الشبيلي عنده اعتراض عليها

وانا مع الاخوان اقول خذ لك قرض بنك شرعي ازين لك

لان مافيه دفعه مقدمه والقسط معقول والربح منخفض
وغير كذا لو جمعت روحك وجيت تسدد قبل نهاية المده يطيح عنك جزء من ربحهم

[المرابط]

انصحك تغير البنك الي الراجحي وتاخذ اسهم نقيه بالتقصيد وتبيعها كاش وهي حلال 100 بال100 والنسبه الفوائد 4.8 تقريبا ورتاح :good:

[حرباش]

هلا وغلا اخوي محب الشمال

الإكسنت سياره بالفعل حلوه وتأدي غرضك
بس انا اشوف انك تاخذلك الينترا من هاونداي سياره قويه وحجمها اكبر واستهلاكيه بنفس الوقت ، وتنفعك للمشاوير الطويله افضل بكثير من الإكسنت ، قيمتها كاش في الوكاله قرابه 32 ألف، واقساط دفعه أولى 6000 وقسط شهري 960 ريال تقريبا ، هذا النوع العادي فيها وفي مواصفات اخرى ومكينه اكبر 2000 سي سي ، زورهم وشوف اللي يناسبك .

انصحك فيها واسأل اللي جربوها :d

تحياتي لك

[محب الشمال]

اخواني الاعزاء
الدرويش
ماجد الشمري
صالح المطيري
نمر بن حثلين
المرابط
حرباش
مشكور على مروركم وردوكم الطيبه وهذا من طيبكم انتم ومن مميزات اعضاء مكشات

اكثر البنوك ما عطوني قرض والراجحي طالب كفيل والبنك السعودي الهولندي عطاني قرض ووافقوا بس سمعت انه حرام من فتوى للشبيلي في الانترنت
اخوي ماجد فكره السوزوكي جيده واكيد قسطها بيكون قليل على سعرها الاساسي18000 ريال كاش لكن يمكن تروح للشركة وتصير الامور غير كذا ويطلع قسطها وسعرها غير الي حنا نقوله لكن بامرهم واشوف وش عندهم من هرجه واعلمكم ايش صار معي ان شاء الله
الاخ صالح المطيري رايك جيد في شراء سيارة مستعمله بس انا ابي جديده .

المرابط البنك العربي رفض يعطيني قرض
حرباش بمر اشوف ان شاء الينترا واذا قسطهم اقل من الف ريال ممكن اشتري وحده بس بشرط ما يبلشوني بشروط معقده

اكرري شكري وتقديري لكم جميعاً والله يحفظكم ويعافيكم