فزعتكم يا جماعة الخير - ارشدوني

[متمكشت]

السلام عليكم ورحمه الله وبركاته

اخواني الكرام
السلام عليكم ورحمه الله وبركاته :
أسعد الله جميع اوقاتكم بكل خير ، تقبل الله منا ومنكم الصيام والقيام وصالح الاعمال ،، وكل عام وانتم بخير ,,
عندي مشكله بقير الـ vxr موديل 2002 أتوماتيك وهي عندما يكون القير بالنمره الاولى عزم الموتر ضعيف جدا (يحن يالله يمشي)، والنمره الثانية احسن شوي وعند ما يلقم الثالثه تسلك اموره ويمشي صح الى 160كم عادي.
مريت اكثر من ميكانيكي يقولون كلتشات وبصراحه ما ني مقتنع للأن !
لأن الموتر نظيف ولاجاه جور خطوط سفر بس .
للمعلومية تأخرت بتغيير الفلتر والزيت وأصبح لون الزيت أسود وثقيل هل هي السبب بالمشكله .
وتم تغيير الفلتر بعد المشكله فيه تحسن طفيف لا يذكر .
سؤالي:
هل فيه حساسات أو منظم للتغييرات أو سلك البخاخ أو غيره يمكن يكون السبب احداها ؟
وفي حال لا قدر الله ثبت أن المشكله كلتشات بماذا تنصحون يأخوان هل أوضب القير أو اشتري من التشليح ؟
ويقولون فيه ميكانيكي يمدحونه بالتوضيب يعطي ضمان سنه !
ارجوا من لديه معلومه لا يبخل علينا وجزاه الله خير .
والله لا يريكم مكروه ودمتم برعاية الله

[متمكشت]

أفـــااااااااا

ما هي الـهـقــوووه فيكم !!!

صبراً جميل والله المستعاااان

[exsoskeleton]

هلا اخوي ..... الله يسرلك أمرك .... اصبر الشوي الدعوا عيد والناس مشغولة شوي ....

والشباب فيهم الخير والبركة ..

[متمكشت]

جزاك الله خير

أسال الله أن يتقبل من الجميع
أن شاء ما هم بمقصرين وهقوتنا فيهم كبيره لكني قلقااااااان والله يكتب اللي فيه الخير

شكرا لمرورك

[متمكشت]

عيدكم مبارك
كل عام وأنتم بخير

[بروق الخريف]

اخي شوف هذالموضوع

يمكن يفيدك

http://www.mekshat.com/vb/showthread.php?t=221402

والمعذرة ماعندي خبرة فالتماتيك

وان شاء الله الاخوان مايقصرون

[أبو الذيابه]

تراي اعذرك لأنك منزل موضوعك من 07/09/2010, 07:23 am
بس وسع صدرك وأنا أخوك ترى اهل المكاشيت بهم سعة بال !!

[متمكشت]

اخوي سلمان

لا هنت جاري المشاهدة

اخوي أبو الذيابه

شاكر لك سعه صدرك ,,

والله يرزقنا الصبر

شكرا لكم جميعا وكل عام وانتم بخير

[بليه الوايلي]

السلام عليكم
وكل عام وانتو بالف خير
اذ تعست بانزين بشويش يمشي زي الحلاوه واذ تعست بقوه مايعشق اله متاخر هذا اول الخرب وترا بعدين ما يمشي خير شر انا صار مثلك بضبط والمشكله كلتشات ويكلفك تغريبن 2500 الي 3000 ريال
انتبه لا يقلون لك شي ثاني ترا بس كلتشات وفلتر وهذا اللي صار معاي

[متمكشت]

السلام عليكم
وكل عام وانتو بالف خير
اذ تعست بانزين بشويش يمشي زي الحلاوه واذ تعست بقوه مايعشق اله متاخر هذا اول الخرب وترا بعدين ما يمشي خير شر انا صار مثلك بضبط والمشكله كلتشات ويكلفك تغريبن 2500 الي 3000 ريال
انتبه لا يقلون لك شي ثاني ترا بس كلتشات وفلتر وهذا اللي صار معاي

هلا بالبناخي (البرازيلي)
كل عام وانت بخير
وعساكم من عوادة كل عام أن شاء الله
اخوي لما يكون الموتر بارد أموره زينه لكن لما يسخن الموتر بعد مشوار يصير ثقيل مره عند القومه كانه بالفاضي .
ما أدري اذا نفس المشكله او لا ؟
مشكور اخوي على تواجدك دمت بخير

وبعدين هل تتغير الكلتشات لحالها أو لازم توضيب كامل ؟
واذا لا قدر الله لازم توضيب هل اوضب أو أشتري من التشليح أيهما افضل؟

[بليه الوايلي]

السلام عليكم
نفس المشكله في التمام معاي
بس ابي ادور لك الضمان حق الورشه وانزله لك وش القطع اللي ركبها
اذ انت من اهل الرياض اعلمك وين مكانها الورشه شغله مضبوط

[بليه الوايلي]

هلا بالبناخي (البرازيلي)؟؟؟؟؟؟؟؟؟؟؟؟؟

[متمكشت]

السلام عليكم
نفس المشكله في التمام معاي
بس ابي ادور لك الضمان حق الورشه وانزله لك وش القطع اللي ركبها
اذ انت من اهل الرياض اعلمك وين مكانها الورشه شغله مضبوط
/quote]

عليكم السلام
ياليت تخدمني لو برقم التليفون الله لا يهينك
أما الرياض فهو قريب اذا الامر يلزم أجي ما فيه مشكله.
وما جاوبتني على السؤال تتغير الكلتشات لوحدها او لازم يغير معها شي ثاني
شاكر لك كريم تجاوبك
[quote]

هلا بالبناخي (البرازيلي)؟؟؟؟؟؟؟؟؟؟؟؟؟

كنت أقصد (بيليه) أسم برازيلي وسامحنا اذا اخطينا عليك

[متمكشت]

up



up

[بليه الوايلي]

السلام عليكم
معليش على التاخير
في فرق بين (بليه) وبين بيليه وهاذي غريبه عليك ما فهمتها يا بناخي
المهم الفاتوره والله مدري وينها بس الورشه في صناعيت الخليج والمكانيكي تركي متخصص في قير التماتيك
وشغله ممتاز
ونصيحه لا تمشي على الموتر ترا يخبط تخبيط كامل

[متمكشت]

السلام عليكم
معليش على التاخير
في فرق بين (بليه) وبين بيليه وهاذي غريبه عليك ما فهمتها يا بناخي
المهم الفاتوره والله مدري وينها بس الورشه في صناعيت الخليج والمكانيكي تركي متخصص في قير التماتيك
وشغله ممتاز
ونصيحه لا تمشي على الموتر ترا يخبط تخبيط كامل

عليكم السلام ورحمه الله وبركاته

العتب على النظر طال عمرك
صناعية الخليج معروفه وقريبه لكن وش اسم الورشه او المكانيكي علشان نسأل عنه
بصراحه مشيت عليه كثير وباقي 300 كم على الرياض
والله يستر .
لا هنت اخوي وتحملنا ازعجناك جزاك الله خير