المساعد الشخصي الرقمي

مشاهدة النسخة كاملة : افضل ورشة تربيط جيوب عطونا العلم


فتكاوي الرياض
07/09/2010, 07:56 AM
السلام عليكم ورحمة الله وبركاته
وكل عام وانتم بخير

الله لايهينكم يا المكشاتية ابي اربط موتري بعد العيد

وش رايكم النويصر ولا بن مرضاح طبعا من الصدام للصدام الموتر فتك 2006

وكم ياخذون تقريبا على الشغل وكم يجلس من يوم واذا في احد جربهم

ياليت يفيدنا لاهنتو
طاوي فراشي
07/09/2010, 08:01 AM
اذا تبي النصيحة من واقع تجربة..ربط عند النويصر وشغل اليد 1200
وابن مرضاح لا يقربك ويأخذ تقريبا 1600 وطالع..
النويصر: اذا طلعت الموتر منهم تحس انه متغير يعني مربط صح..
ابن مرضاح : تطلع الموتر وراح ترجع لهم من كثر الملاحظات ولا تحس فيه تغير واااجد
الكلام هذا وانا اخوك من واقع تجربة..
فتكاوي الرياض
07/09/2010, 08:11 AM
يامال الجنة اخوي طاوي فراشي

مشكور عالرد وصادق اغلب اللي نصحوني للنويصر

لكن كم يجلس الموتر عندهم
taal0
07/09/2010, 08:12 AM
عند النويصرشغل صح من واقع تجربه
فتكاوي الرياض
07/09/2010, 08:44 AM
الله لايهينك وشكلها على قولتكم بوديه النويصر
روافد
07/09/2010, 05:55 PM
شفي ياخوي انا ربطت الباترول حقي عن ابن مرضاح الصقيقه فيه شوي دقه وغير الكلبسات المكسوره

بس ما امداني اتهني فيه الا ورجع قريب من الاول وانا ما ادخل البر كثير

يعني ما استفدت بالشكل المطلوب خاصة وان سعره عالي مقارنه بالصناعيه والورش الباقيه

هذا رايي وبس

النويصر جربتهم في الترهيم و التدبيل وكان شغلهم ممتاز اما التربيط فلا

شكرا لكم
ولد وايل..
07/09/2010, 10:13 PM
والله إن كان تبي العلم لا أبن مرضاح ولا النويصر...

والله السرق عيني عينك 1200 شغل يد !!!!!!!!!!!!! حشى..!


ياخوي دق سلف للشرقية فيه محلات بالقطيف تربط ع 40 -80 ريال شغل يد ويفحص الموتر جلده جلده ولا يطلع الموتر الا شارط عليه مافيه صوت قربعه ابدا...

وإذا صار شي خربان يحتاج تغيير أعطاك القطع المطلوبه تنقز اقرب قطع غيار وترجع و وتغيره عنده ولا ياخذ واجد...كل شي بحقة وسعر معقول


يربط صاموله صاموله...وغذا فيه جلده مهتريه ولا لها قطع غيار يرهم لك لساتك تقطع الصوت...

أرسل ع الخاص إن كان تبي تروح وانا اعطيك الوصف وإن كاني في الشرقية مرني الخبر وأخاويك ...

بالتوفيق...
العاذر
07/09/2010, 10:54 PM
فعلا سرق 1200 ريال مو معقول

على فكره ونا اخوك تراك تقدر تربط موترك بنفسك وشتر عده

وكان عندك شباب فاضين خلهم يشيكون على الموتر وكل صاموله ومسمار يشيكون عليه


وترى سالفة التربيط هذي يضحكون على شبابنا فيها

يقولون السعودي فلوسه واجد فمن حقنا ننهبها ونلعب عليه
عطاالله ناصر
07/09/2010, 11:27 PM
عليك بالقطيف


نصيحه اخوو



وبالتوفيق لك
ABAADE
08/09/2010, 01:33 AM
والله إن كان تبي العلم لا أبن مرضاح ولا النويصر...

والله السرق عيني عينك 1200 شغل يد !!!!!!!!!!!!! حشى..!


ياخوي دق سلف للشرقية فيه محلات بالقطيف تربط ع 40 -80 ريال شغل يد ويفحص الموتر جلده جلده ولا يطلع الموتر الا شارط عليه مافيه صوت قربعه ابدا...

وإذا صار شي خربان يحتاج تغيير أعطاك القطع المطلوبه تنقز اقرب قطع غيار وترجع و وتغيره عنده ولا ياخذ واجد...كل شي بحقة وسعر معقول


يربط صاموله صاموله...وغذا فيه جلده مهتريه ولا لها قطع غيار يرهم لك لساتك تقطع الصوت...

أرسل ع الخاص إن كان تبي تروح وانا اعطيك الوصف وإن كاني في الشرقية مرني الخبر وأخاويك ...

بالتوفيق...


تكفى يالذيب ارسلي رقمك انا ودي اروح اربط الفتك الي عندي وموديله 2005
انتظرك لان مشاركاتي اقل من 50
فهد الميهوبي
08/09/2010, 01:44 AM
عندنا بتبوك التربيط ما يتعدا 300 ريال واشوفها واجد بتحصل اقل بكثير
واستغرب منكم تربيط موتر 1300
وااااجد ليش اوضب مكينه مسمار ويشده فقط واكثر البنقال وابو يمن يستخدمون المسدس
يعدم المسامير عليك يوم تبي تفكه تلقاه مكسور داخل
انا عندي جيب كل سنه اسويله تربيط شغل يدي ما يبيلها
القيمه اللي تبي تدفعها اشترلك عده جميع المقاسات
وعلبه حقت الصدا بعشره ريال
واستلم الموتر شد اي مصمار مرتخي شده واللي بايز فكه واقرب محل سباكه بتحصل انواااع المسامير والصواميل بريال وبريالين ووفرلك فوق 1000 ريال حنا ما ضيعنا الا البنقال وابو يمن
صدقني الشغله ذي ما في اسهل منها واكثر الشباب اللي اعرفهم كل واحد هو اللي يربط موتره
والله انك تستانس يوم تشتغل بالتووفيق
وسلامتك
moafaq999
08/09/2010, 02:08 AM
عليك بالقطيف وانشد عن ورشة 1- سكروه 2- الشامسي
وغيرهم كثير
العابر2222
08/09/2010, 03:59 AM
يا اخوان

انا من اهل الرياض وابي اروح القطيف بس معرف فيها اي شي

احد يوصفلنا او يعطين رقم احد موثوق نروحله

لان موتري يبيله تربيط كامل

============

وبالنسبة لتربيط النويصر وبن مرضاح يختلف عن تربيط اليمنيه ابو 300 ريال

النويصر وبن مرضاح يربطون كل شي حتى التنده يلحمونها لو تبي بس المشكله غالين شغل اليد يقولك حول 1400 ريال + قيمة القطع = حوالي 3000 ريال
bejad
08/09/2010, 04:42 AM
وعليكم السلام ورحمة الله وبركاته :
الحقيقة ماقصروا الشباب اللي نصحوك بالتربيط بالقطيف آنا كنت بالشرقية وفعلاً فيه واحد يربط صح وسعرة معقول جداً
بالقطيف قرب سوق الخميس (( ورشة الاتحاد )) اسم صاحبها خالد سكروه وهذا تليفونه ( 0559627358 )
قله من طرف ابو بجاد وانشاء الله مايقصر معك .
فتكاوي الرياض
08/09/2010, 05:12 AM
يامال العافية عز الله ماقصرتو لكن المشكلة لو فيه وقت رحت للشرقية ولا القطيف

لكن الله يسهل
PATROL
13/09/2010, 01:31 PM
انا جربت ابن مرضاح شغله ميه لاميه بس انه غويلي شوي وكلفني 2500 ريال
بس الموتر يطلع كتله وحده ومابتحرك فيه بلط
بو نوره
15/09/2010, 05:51 AM
شف وانا اخوك ... بن مرضاح والنويصر أشهر من نار على علم في التربيط وشغلهم 100%
ولكن النويصر متفوق في رخص السعر .
ونصيحة لا تعداهم ... تطلع السيارة من عندهم وكالة , لو جلست عندهم وهم يربطون قلت يستاهلون

اما كم تجلس السيارة عندهم على حسب الزحمة .
ابوصالح77
16/09/2010, 10:55 AM
غالين بالحيل
وش يبي يسوي بالموتر
بيخليه يرتفع بالجلد
ذيب اليماني1
16/09/2010, 02:11 PM
1200 ويش يربط بضبط عندى اصوات وجلد يشملها السعر
محب الفتك
30/01/2011, 08:27 PM
نصيحة أخ ومحب ومجرب ...
ِشغلهم ما يسوى ولا نص القيمة اللي يخاذونها ، يركب لك لي بالباب ، وسفنج ، ويشد مساك اليد اللي فوق ، ويقول لك انقد 500 ريال .. على أيش ؟؟
أنا جربت النويصر ، وتوبة ثم توبة .. والله ما يستاهل أبدا ...
_-ابو خالد-_
30/01/2011, 09:33 PM
ياجماعة الخير نصيحه من مجرب الي يبي يشد عند اهل القطيف نصيحتين حطها في بالك

اولاً فك لك 4 او 5 صواميل في بطن السياره والبيبان يعني رخها لاتشدها واجد على شان اذا خلص شد شيك على صواميلك الي فكيتها انشدت ولا لا ....


الشغله الثانيه والمهمه جداً لاتترك موترك نهائياً نهائياً لحاله خلك عند الموتر خذ لك كرسي وكتاب لاتحزن وتك عندهم طالع في الموتر وراقبه


والله العظيم مره ربطت سياره عندهم ورحت للبوفيه ابي اخذ عصير حسبوني مشيت رجعت لهم لقيتهم فاكين الاديتر بكبره مع المروحه

قلت سلامات قال لا نبي نشد لك بطن السياره وانا طالب منهم شد خارجي !!!!


يعني والله العظيم 3 ساعات وسيارتك مشلحه ومغيرين المكينه والقير


الحذر الحذر


اخوكم ابو خالد
فكسار الأزرق
31/01/2011, 12:18 PM
طيب وين فيه النويصر ؟ في الرياض والا ؟
راعي المجهم
01/02/2011, 12:28 AM
القطيف يربطون بــ 80 ريال السيارة كلها

وفي مكة ورشة تربيط بــ 100 ريال الونيتات والجموس بــ 130 ريال

وشغلهم ممتااااااااااااااز له الآن 3 سنوات زي الحلاوة

1300 ريال هههههههههههههههههه

توضيب المكينة شغل يد 400 ريال ياخوان كيف التربيط ياخذ 1300 ريال ؟؟؟؟؟؟؟؟؟؟؟؟
ابو يعقوب15
01/02/2011, 12:51 AM
السلام عليكم
تبون الصراحه والله مستغرب من سعر التربيط في الرياض

نصيحه اللي بيربط في القصيم لا يتعدى ميزان النجيبان في عنيزة
وتراه حجز مواعيد يعني لازم تمره وتاخذ موعد يمكن يقول بعد سبوع او سبوعين
انت وحظك
وسعره لا يتعدى 200 ريال شغل يد في التربيط
عزوز 2005
01/02/2011, 10:11 PM
بالنسبة لي ما أقتنعت بشي أسمة تربيط
مادام الموتر يمشي ليش أدخلة ورشة وأدفع دراهم
وإذا فية شي متهرقل ولا صوت مع الزمن يكبر وأعرف مصدره وأصلحه إذا ضروري
لأن موتر البر عرضة للتفكك والتهرقل
فإذا ربطت بعد كشتتين يرجع كما كان
وجهة نظر
You Like Me
01/02/2011, 11:42 PM
والله يا جماعة
انا مثلكم شايل من بالي فكرة اربط بـ1200
وكنت اقول وين هبال ؟؟ والله لو اني سارق الدراهم
ماهو بخل لكن السعر مبالغ فيه الحقيقة ... من غير القطع
لكن للأمانة انا بعت جيب باترول ربع على زميل لي وبعد ما اخذ مني الجيب
وداه للنويصير وكلفة حدود 3400 ريال شغل اليد بالقطع
هذا الكلام بعد رمضان ..... قبل اسبوع تقابلت انا وياه في الخرارة
وركبت معاه والله ياجماعة الخير ما شاء الله تبارك الله
ماكنة سيارتي اللي بعت السيارة قطعة وحده لا قرقعه ولا اصوات ولا غيره
ما شاء الله تبارك الرحمن الله يعطيه خيره ويكفيه شره
عاد غرت وخربتها :D وديت الفتك حقي للنويصر :good2:
والله وللأمانة شغلهم لا يعلى عليه ويستاهلون هالمبلغ
كلامي هذا مو دعايه لهم ويشهد علي الله
لكن اني كنت مثلكم اقول مبالغ
ولاقي ناس تدفع له
لكن بعد ما جربت وشفت بعيني شغلهم
اقول والله انهم يستاهل بقوه بعد اكثر من 1200
عقيل التميمي
09/04/2011, 11:24 PM
السلام عليكم مساء الخير اخواني بالنسبه لورشة ابن مرضاح والنويصر وين موقعه بالقصيم ولا بالرياض واذا هي بالقصيم باي صناعية احصل ورشة النويصر:confused:
must302
10/04/2011, 02:06 PM
القطيف يربطون بــ 80 ريال السيارة كلها

وفي مكة ورشة تربيط بــ 100 ريال الونيتات والجموس بــ 130 ريال

وشغلهم ممتااااااااااااااز له الآن 3 سنوات زي الحلاوة

1300 ريال هههههههههههههههههه

توضيب المكينة شغل يد 400 ريال ياخوان كيف التربيط ياخذ 1300 ريال ؟؟؟؟؟؟؟؟؟؟؟؟

انا مربط لاند بـ 50ريال في القطيف
محمد الاحمدي
04/07/2011, 03:31 PM
شباب انا ابي اربط الجيب في المدينه المنوره بس عند مين ولي يعرف ورشه شغله طيب في المدينه يراسلني
السومر
10/07/2011, 11:43 AM
والله إن كان تبي العلم لا أبن مرضاح ولا النويصر...

والله السرق عيني عينك 1200 شغل يد !!!!!!!!!!!!! حشى..!


ياخوي دق سلف للشرقية فيه محلات بالقطيف تربط ع 40 -80 ريال شغل يد ويفحص الموتر جلده جلده ولا يطلع الموتر الا شارط عليه مافيه صوت قربعه ابدا...

وإذا صار شي خربان يحتاج تغيير أعطاك القطع المطلوبه تنقز اقرب قطع غيار وترجع و وتغيره عنده ولا ياخذ واجد...كل شي بحقة وسعر معقول


يربط صاموله صاموله...وغذا فيه جلده مهتريه ولا لها قطع غيار يرهم لك لساتك تقطع الصوت...

أرسل ع الخاص إن كان تبي تروح وانا اعطيك الوصف وإن كاني في الشرقية مرني الخبر وأخاويك ...

بالتوفيق...

أنا توني مربط سيارتي عند النويصر والله ان شغلهم ما يصلح يسون لك شي ويخربون شي

نصيحتي لك وللأي شخص يبي يربط

من ناحية التربيط اي ورشه تربط لك وبقيمه لا تتعدى 200 ريال وما ياخذ شغلهم قدام عينك اكثر من ساعه ونص

وخلك واقف عليهم واي صوت كنت تحس فيه بلغهم فيه وانزل الحفره او تحت الرافعه مع المهندس وراقب الشغل واطلع انت بنفسك والمهندس معك

علشان يسمع الاصوات وانتبه لا يضيف اي شي ما كان موجود من الوكاله

مثل النويصر يضيفون اضافات بسيطه وليس لها اهميه واشوف مالها داعي

يركب ليات داخل جلد الباب وهذي ممكن تنفع السيارات القديمه لكن السيارات الجديده

تعيق حركة الباب فتحه وتسكيره لازم ترجد الباب علشان يسكر زين

عمومآ طلعت من عندهم مشوهين باب من ابواب السياره واصوات قديمه مازالت موجوده

واضافوا لي صوت من عندهم يقولون مالنا دخل فيه انت جبتها كذا

وأنا احلف بالله انهم نصابين سيارتي اعرفها زين ما كان فيها الصوت اللي طلع من جهة الدركسون

وفكوا زيك الباب مدري ليش التوقع انها عباطه ورجعوا ركبوه بطريقه خطاء والحين

كل من شافه الباب قال الباب هذا جايه حادث

مع انه كان راكب 100% من وكالته