أزيـــن قربة تعلقهــا بصدام مــــوترك..

[صفــــارة]

السلام عليكم ورحمة الله وبركاته . .

حيا الله اخواني الطيبين ..

الحقيقه إني ودي أشـــــــــــري قربة ماء اللي تعلق بالسيارة (بالصدام ) ولا أدري وش النوع الزين

وياليت اللي عنده خبرة عنهن والمواصفات تكون جيدة وتبرد زين . . واللي عنده صور للقربة ينزلهن الله لايهينه

وتقبلو تحيااااتي والسلام علـــــــــــيكم. . .


والله الله بالردود والحماس,,

[داب الرمث]

حياك الله يا اخوي صفارة ,,,,,,,,, على حسب علمي انه من احسن القرب وارد بن هدلق الكويتية . والظاهر انها ماعاد تجينا وابغالي انا وحدة بعد وللحين ماحصلتها ........ تحياتي لك ...

[البرحه]

السلام عليكم

اهم شي ام خمسطعش الي يجي غطاها حديد ومن فوق لاتقربها ابدددددد لانها تخر

والصراحه احسن وحده لقيتها في الغرابي وشغل يدوي وقيمتها 40 ريال لكن قيمتها فيها

والله انها بنت اييييييه

اذا فضيت نزلت لك صورتها

واذا ما لقيتها ففصل لك وحده عند الي يبيعون العزب في الغرابي



وشكرا

[داب الرمث]

هلا والله بالبرحة......... بالله علمني وين مكانها بالفصيل الممل ...... الله لايهينك .......

[صفــــارة]

الله يطيك العافيه ياداب الرمث واخوي البرحة ......
وياليت تعطينا مواصفات القربة ومثل ماقال داب الرمث..
ومشكور ياخلفهم.....






وياشباب اللي عنده معلومات زود عن سوق الجردة ببريدة ولا يخبر قربة زييييينه لا يقصر وسلاااامتكم..,,,

[عشانا]

اعتقد انه يوجد مطارات (قربة على قولتكم )في سوق الجردة ببريده وارد الهدلق الكويتية عند بياعين الدهن
واهم شئ عندما تشتريها ربصها بالماء والملح لمدة 3 ايام من اجل ان تشد ولا تهرب ماء

[صالح المطيري]

بس لا تعلقها بالصدام لأنها تحر من المكينه وعلقها على مراة السيارة ابرد واقرب لك من الصدام .

[اسيزو 4x4]

أنا قد لقيت قرب ماء عند محل المكشات بالرس اشكال وأللوان

وممتازة شريت وحدة تفصيل من عندهم وما لاحظت عليها مشاكل

ويبيلها تنقيع لمدة خمسة أيام مع ملح ......

.

[خيال الغلبا]

ممكن توضح وين بالجردة لأني لااعرف شوارع بريده وهل ههو بعيد عن محل السنيدي

[غيّام]

انا انصح بعدم وضعها على الصدام كما قال الاستاذ صالح لانها تتعرض للغبار والرمال وتتسدد ومعد تندي واذا ماندت معد تبرد

[شاص]

تعليق القربة على المراية يحكك الباب فما أنصح به ..

[المطلق]

أولاً أشكر الأخ صفارة على طرح هذا الموضوع

ثانياً حبيت أن يكون لي وجهت نظر يستفيد منها الجميع ان شاء الله

القربة اللي استخدمها دائماً في طلعاتي

قربة السنيدي

لا تستغربون

أنا عانيت منها أول ما اشتريتها بعدم احتفاظها بالماء

ولكن عرظت الوظع على ذوي الإختصاص

وهم شيباننا الله يطول في أعمارهم

فكان الحل هو

دع القربة حتا تجف

ثم ادهنها من الخارج وبالذات من محل الخياطة بـ(القطران)

فكانت النتيجة رائعة

جداً .. جداً .. جداً

ولكن دع القربة حتى تجف من (القطران)

1
بدأت تحتفظ بالماء

2
وتبرد تبريد غير طبيعي

والمكان المناسب لوضعها

بمرية الباب حق السيارة

ارجو أن أكون قد افتكم بهذه المعلومة

[خيال الغلبا]

عشانا
يااخي اتق الله والله اني رحت من الرياض الى بريدة طبعا لغرض شراء تمر
وتذكرت كلامك عن سوق الجردة
فذهبت لأهل الدهن اسأل عن مطارة الهدلق
فقالوا لي انس الموضوع

[عليم العطش]

احسن انواع القرب اللي تجاب من نجران لاطعم ولاريحه ويكون لونها مائل للحمره ولقيتها مره في محطه الحجاز وانت طالع من الرياض للحجاز دون القديه وسعرها من الستين الى الاربعين ريال واظن انها تدبغ باليمن.
وذلك اني وجدتها مره في محل متخصص للقرب في سوق السلاح في سوق نجران قبل كم سنه اشكال وانواع ومنها نوع يركب له بزبوز وتعلق مثل الذبيحه وماء بارد لاطعم ولاريحه وانواع صغار وكبار واحسن الانواع اللي من جلد الماعز لان جلدها قوي ويتحمل يعني(هيفي ديوتي) عسى ان اكون قد افدت.
تحياتي
عليم العطش

[الحر الحمر]

مشكورين على الافادات الحلوه ومنكم نستفيد\\\تقبولو مروري

[sss123]

اقول خذ لك قربة من اقرب عرب تلقاهم شمال الشغل النظيف والدبغ الممتاز لاوارد الهدلق ولا غيره
اترسها بالما وبعد ساعتين تلقاها مثلجه

[التائب لله]

اقول خذ لك قربة من اقرب عرب تلقاهم شمال الشغل النظيف والدبغ الممتاز لاوارد الهدلق ولا غيره
اترسها بالما وبعد ساعتين تلقاها مثلجه
حياك يالغالي ليت تدلنا على محل معين بالرياض يجيب ها النوع لاني ابحث عنه من مده

[sss123]

بالرياض وانا اخوك مالى خبره انا ساكن تبوك لوحبيت راسلنى على الخاص وابشر بسعدك توصلك لبابك

[التائب لله]

بالرياض وانا اخوك مالى خبره انا ساكن تبوك لوحبيت راسلنى على الخاص وابشر بسعدك توصلك لبابك
حاولت بالخاص لكن ما استطعت يمكن على شان اني جديد والمشاركات توها
الله يسعدك ويهنيك لاخلا ولاعدم عساك دايم للخير موفق الله يحفظك غمرني لطفك وتملكني كرمك
ما تقصر واعتبر انها جت الله يرفع قدرك ...... ونخدمك في الافراح ان شاء الله
احد ابناءنا في تبوك ليتك توصف وين نلقاها
اتمنى اخدمك بالرياض اعتبرني اخوك الصغير اللي بالرياض

[التائب لله]

للرفع لعل الغالي sss123 يشوفه ويرد الله يحفظه ويحفظ الجميع

[أشيقري تميمي]

السلام عليكم ورحمت الله
سألت الشايب عن احسن المطارات قال وارد الهدلق الكويتية
وحقت السنيدي شريتها من برق الحيا ويليتني ما شريتها وباجرب طريقة اخوي المطلق الله يعافية
وتقبل مروري

[sss123]

هلا اخوى التائب


تحصلها وانا اخوك فى الشارع العام اللى فيه الذهب ورا الجاده
ابد سوق البدو واكيد الرجال لاقلت له الوصف بيدله

شفتها قبل شهر وعلى فكره تراها اكثر من محل خل خويك الله يعينه يطقها كعابى ويمر المحلات
بالنسبه لى وانا اخوك ماعمرى اخذت من المحلات لى ربعى اللي ساكنين فى البر ومايقصرون

[oالحربيo]

ممكن توضح وين بالجردة لأني لااعرف شوارع بريده وهل ههو بعيد عن محل السنيدي
---------------------------------------------------------------------------------------------------

قبل السنيدي على اليمين وانت تبي دحدر والا خل المسجد الجامع على اليمين ورح وخذ فوق تحت وابتل وتلقاه على اليمين قبل الدحديره تشوفهم متجمعين

[crozman]

حياك يالغالي ليت تدلنا على محل معين بالرياض يجيب ها النوع لاني ابحث عنه من مده



اخوي تلقاها عند الحريم اللي بالجنادريه بالنسبه للصناعه المحليه
اما حقت اليمن اللي يقولها خوينا ولونها احمر فهي متوفره في اغلب المحطات
اللي على الخطوط خارج المدينه
واذا لك جيه للخرج ابشر بالسعد

[ريان9]

انا الصراحه جربت الهدلق

زينه لكن ماتبرد هالبروووده ويوم ونص وتجي ولااه فاضيه


وجربت اللهيبي ماشاء الله عز الله انه هي القربه اللي عليها الكلام

[ابوفهد007]

هذي طال عمرمكم في محل بالمدينه جديد اسمه البر والبحر عنده انواع من القرب فيه الهدلق الكويتيه وفيه السنيدي المخيوشه وفيه نوع هندي جديد فيه قربه جلد غنم مخيوشه بعد وفيه وارد اللهيبي انواع كلها ممتازه

[ابو باسل]

تعليق القربة على المراية يحكك الباب فما أنصح به ..

انا رايي مع راي اخوي الشاص
لعبت في بوية الباب

[monsixnet]

مشكور وما قصرت

[جيبي جايزلي]

الله العالم ان الهدلق الاصلي انقطع من السوق
وما عاد يوجد النوع الاصلي واللي يخبر لنا مطاره ممتازه يعلمنا الله لا يهينه
واشكر صاحب الموضوع لطرحه

[عاشق الخرازة.]

اخوي تلقاها عند الحريم اللي بالجنادريه بالنسبه للصناعه المحليه
اما حقت اليمن اللي يقولها خوينا ولونها احمر فهي متوفره في اغلب المحطات
اللي على الخطوط خارج المدينه
واذا لك جيه للخرج ابشر بالسعد
يآرآع الخرج وين نلقا هالقرررب
الله يجزاك خير وصف لننا المحل

[قرناس2009]

اولا اشكر صاحب الموضوع
ثانيا ماهو المكان المناسب لوضع القربة او المطارة مع العلم ان مكانها في الباب او في الامام غير منا سب للاسباب التي ذكروها الاخوان

[rayes3]

السلام عليكم

يااخوان اللي يسأل عن قربة الهدلق وارد الكويت موجوده في سوق الخيام بالغرابي نفس القديمه ب35ريال

لكن شاهدة قربة مميزه وصناعتها قويه وتهريب الماء قليل جدا وارد غنام في القصيم ورقمهم 073253663

دعواتكم

[ابو نوااف]

الشكر للجميع وموصول ايضا لصاحب الموضوع
بالنسبة للقربة اذا شريتها من اي مكان خل اللي شريتها منه يعيد علي الخياطة من جديد ونقعها بالماء يومين ثلاثة ايام وشف البرودةبعدين وشلووووووووووون

[أبوحمد 505]

اللي يسال عن مكانها في الخرج
تباع عند النسوان في سوق الغنم والأبل وخاصة يوم ألأثنين والخميس
ويبيوعون بعد الشمايل والأقط والسمن :)

[رعد الصحراء]

بالنسبه لي ..... الهدلق

[ابولولو]

مطاره الهدلق موجوده عند برق الحيا مخرج 15 سعره 35 ريال وفيه مطاره ام بزبوز عند واحد من الربع يمدحه بالحيل وشربت منه قبل المغرب بارده 70 بالميه لازم له ظل 100 بالميه واليبي يعلقه علي المرايه لازم يحط غرقه ناعمه والي البويه تنعدم وشكر للجميع

[جيبي جايزلي]

وش هالمرايه اللي تبي تشيل المطاره اكثر انواع السيارات مراياتهم بلاستيك ما تحمل وزن المطاره وهي مليانه وافضل محل بوجه الموتر

[ابو نايف 111]

السلام عليكم
اولان حبيت اشكر صاحب الموضوع
وانا عندي الهدلق وذبحتني بي التنقيط
الي عنده حل لي مشكلتي ارجو ابلاغي
علا شاني تباهذلت منها :mad:

[عاشق الخرازة.]

اللي يسال عن مكانها في الخرج
تباع عند النسوان في سوق الغنم والأبل وخاصة يوم ألأثنين والخميس
ويبيوعون بعد الشمايل والأقط والسمن :)
كفو ذيبآن
هي نفس وقت الجلآبه!رآعين الغنم!
الخميس الصبح بدري و الاثنين قبل صلاة العصر
صحيح!
والله يبيض وجهك!

[أبوحمد 505]

كفو ذيبآن
هي نفس وقت الجلآبه!رآعين الغنم!
الخميس الصبح بدري و الاثنين قبل صلاة العصر
صحيح!
والله يبيض وجهك!

وجهك أبيض ياذيبان

[اخر كلام]

الفضلي 11

الله ذكرتنا بايام شارع عسير والحارة والشرب من القربه لبن صافي وانا خالك

[صقر20]

لكن شاهدت قربة مميزه وصناعتها قويه وتهريب الماء قليل جدا وارد غنام في القصيم ورقمهم 073253663
دعواتكم

الله يبيض وجهك ،،،، اليوم جابه لي واحد من الربع الله يجزاه كل خير من بريدة
الناس تمدحه بالحيل...

http://www.mekshat.com/pix/upload03/images122/mk18662_29082009770%20%28small%29.jpg

[فهاد الشمري]

بالنسبة لي جربت السنيدي بعد النقع بالماء والملح ثلاث ايام تبرد تمام بس التهريب شغال

وتوي شاري الهدلق من سنام حائل ( ريال35) وتم النقع بالماء والملح ثلاث ايام وتمام التبريد والتهريب ما يذكر

[عابر سبيل933]

الله يجزاكم بالخيرالجميع السائل والمجاوب افدتونا شكرا

[عاشق الفتك 20]

ازين قربه هي[الهدلق] ربصه في ماء وملح

[shaheenshah]

والله اتوقع ان الدعوى حظوظ

وبعدين الشباب اللي يشتكي من تهريب الماء
لو ماتهرب المطارة ما بردت

[سلهمت حر]

السلام عليكم
انا من وجهة نظر و اقتناعي ان القربة افظل من المطاره
بعدين انتم تسمون المطاره قربة
القربة هي حقت الاولين الي تكون جلد تيس او خاروف شغل اول مب مطاره خيشة تقضي الماء ماء ما برد
و تقدر تعلقها بوجه السياره
لاكن تبريدها اسرع بكثير من المطاره اول ما توصل المكان المطلوب نزلها و عبها مويه نص ساعة و اشربها قبل ما تثلج ههههههه

لاكن بتعاني اول ما تشتريها تصير الموية حمرا و صفراء و يتغير طعم الموية لكن بعد فتره تصبح زي العسل
و اسعرها من الخمسين ريال الى المئة
هذا شوري اذا شربت منها تحس انك ايام بيت الطين
و تنباع في القصيم ب سوق الجرده
تلقا ترا مب اصلي
الاصلي تكون لونها غامق و اذا شريتها انفخ فيها وشف اذا صارت خاروف كامل بدون تنسيم فأنا مضبوطة اذا نسمة ابعد عنها ولو كان تنسيم بسيط
اسف على االاطالة
وشكرا

[فتك ابوفهد]

مشكورين استفدت منكم كثير

بس ودي اعرف كيف طريقة تنقيعها في الماء والملح

هل مثلا اعبيها ملح وماء واخليها
ولا احطها في سطل ماء وملح ؟

[المريعي]

مشكورين استفدت منكم كثير

بس ودي اعرف كيف طريقة تنقيعها في الماء والملح

هل مثلا اعبيها ملح وماء واخليها
ولا احطها في سطل ماء وملح ؟
نفس الكلام

[ابو ريان1881]

ورد السنيدي ممتازه