يارعين النيسان استفسار عن الباترول الربع السلقه 2006 لو تكرمتو

[ابوعبدالله العرفج]

السلام عليكم ورحمة الله وبركاته
اخواني الله لايهينكم
ياليت اللي له خبره باسعار الباترول يفيدني
انا لاقي لي 2006 مرشوش الكبوت والباب حق السواق مرشوش وفيه معجون بصيط اسفل الباب
ماشي 105 مراتب عرض درايش كهرب على مااضن

ياليت تفييدوني
وكيف استخدامه ونشاطه وقوته وتحمله وصرفيته

ياليت تفيدوني

[ابوعبدالله العرفج]

38 مشاهده

ولا واحد يعرف
افيدوني الله لا يهينكم

[نفود حائل]

اتوقع انه مايتعدى 53 الف ابد

ويفيدونك الاخوان

[جيب شراع]

في حدود 53 - 55

اكثر من كذا ماانصحك

[سامي 77]

شف اخوي من ناحية السعر ترا ربع الباترول ماسك سعرة مقارنة بباقي النيسان
يعني على سبيل المثال :
1- ربع 2005 ماشي 230000 الف منقلب جنب نفود ومسمكر ومرشوش و مدبل مساعداتة ومكروف لين داخ ولونة ابيض مراتب جلد (يعني سياحي حق شركات) هذا بيبيعة بـ 48 الف وفوق ماينزل شف اعلانة في مستعمل

2- ربع 2007 ماشي اكثر من الموتر اللي انت عارضة بدي وكالة مايبيعة اقل من 68 الف

3- ربع 2007 ابيض جاية وجة وصل 58 الف دور اعلانة ماادري في اي منتدى نسيت والله

4- واحد من زملائي قبل سنة شاري 2006 ربع ابيض مراتب متقابل نظيف ماشي 80000 الف شراه بـ 72 الف والله يشهد علي

شف اخوي احرص على انة مايكون حق شركات يعني مراتب جلد بدون تكايات راس للمرتبة الخلفية وبدون تحكم بالنور
وان لونة يكون لؤلؤي ترا يفرق وااااااجد في الشكل اذا انت تهتم

ولا تأخذه من راعي قنص وطرد وخرابيط وتدبيل مساعدات لو يعطيك بريال عشانة ماباعة الا اذا بدا يطلب ويخرب
وتلقاه ممكن يشتري زية

وشف وجة راعي الموتر وكلامة يبان انة راعي قنص وبر وطلعات واجد وضرب جلد ولالا

وتراي مارديت عليك الا ابي اقول الحق وابين لك عشان تعطي الموتر حقة ولا تظلم الرجال ولا تزودة فوق قيمتة

واقيم الموتر بحكم الخبرة والروحة للمعارض من 58 الف الى دون الـ 60 الف



هو جايك عن طريق معرفة ولا لا واذا ماتبية عطني رقمة انا من زمان وانا ادور غاااالية والله





بالنسبة للموتر بشكل عام :
مكينتة اصبر من الفتك بوووواجد مافية مسمار ثلاجة يطيح ولا كهرباء معقدة
موتر حمار مكدة وقيرة وكوارينة قوية ماشاء الله
مشكلتة العزم ضعيف بس حط هدرز ومراوح كهرب وفرارت يطلع خفيف نفس ويتحن عزمة وااجد
قطع غيارة رخيصة جدا مقارنة بالفتك وسعرها انت وشف

[عميد سامودة]

http://www.almaten.net/upload/upfiles/c334nhg5566.gif (http://www.dal3-g.com/vb/t23723.html)

http://www.almaten.net/upload/upfiles/xroromanc_home1_copy.jpg (http://www.dal3-g.com/vb/t23723.html)

[اول 9099]

السلام عليكم
انا صاحب الموتر واحب اشكرالأخ سامي على تحرية الدقة والنصح لأخوانة المسلمين اسأل الله ان يوفقك ويرزقك السيارة اللي في بالك فعلا كذا اعضاء مكشات
وعندي سؤال هل كان معك ربع باترول؟؟

وللعلم ترا الموتر ماشي 114 الف غلطان شقاوي مع انة سايق الموتر شكلة نسا
وما بين ان الموتر لؤلؤي ومرتبة خلفية عرض مع تكايات الرأس مع تحكم النور يعني سلقة فل على قولتهم
الموتر والله العظيم ماطب ولا وطت كفراتة لاصمان ولادهنا ولا بران بعيدة زي حايل والشمال
الموتر من داخل جديد 2009 ماشاء الله
الموتر متماسك تماسق الجديد مع العلم ماجاه تربيط ابد
صوت المكينة وتعشيقات القير تبين نظافة المحركات والجلد والرباطات والكراسي والأذرعة تبين ان الموتر ماجاه بر ابد
الموتر مافك منه شي لاكوارين ولا مكينة ولا دبل ولا قير ولا كلتش ولا عمدان ولله الحمد
اغير زيت وسيفون كل مره واشحم العمدان كل 5000 كيلو
بإختصار راعي اكورد وشرا جيب فجأة

شفــــــــوا اسعار النيسان يا جاهلينة:
1- 2004 (الشكل القديم )لون يسد النفس مسيووووم بـــ 49 الف

http://www.haraj.com.sa/11155973/%D8%AC%D9%8A%D8%A8_%D9%86%D9%8A%D8%B3%D8%A7%D9%86_ %D8%A8%D8%A7%D8%A8_%D9%88%D8%A7%D8%AD%D8%AF_%D9%84 %D9%84%D8%A8%D9%8A%D8%B9_%D9%85%D9%88%D8%AF%D9%8A% D9%84_2004/

2- 2006 ماشي 181 الف محدود غير قابل للتفاوض بـ 63 الف
http://www.haraj.com.sa/11149478/%D8%A8%D8%A7%D8%AA%D8%B1%D9%88%D9%84_%D8%B1%D8%A8% D8%B9_2006_%D9%84%D8%A4%D9%84%D8%A4%D9%8A/

3- 2005 ابيض ماشي 223 الف منقلب على جنب ومرشوش ومرشوش جزء من التندة وسياحي مراتب جلد
مسيوم بــ46 الف ولاهب بايع وكلمته شكلة يبي فيه 50 الف
http://www.haraj.com.sa/11148650/%D8%A8%D8%A7%D8%AA%D8%B1%D9%88%D9%84_%D8%B1%D8%A8% D8%B9_%D8%B3%D9%84%D9%82%D8%A9_2005/

4- 2005 مرشوش كامل ابيض ماشي 70 الف يمدح محركاتة يقول مسيوم بــ 50 من شريطية المعارض
http://www.haraj.com.sa/11137762/%D8%A8%D8%A7%D8%AA%D8%B1%D9%88%D9%84_%D8%B1%D8%A8% D8%B9_2005/


بالله عليكم هذي تتقارن بموتري وشوفو كيف اسعارها نااااار
جيب شراع ونفود حائل اذا ماتعرفون اسعار الجيوب مب لازم تردون خافوا الله ياناس حنا في العشر الآواخر
واخ سامي ماشاء الله عليك فاهم بلأسعار شكلك راعي سوق وهذا رقمي ان كانك تبي الموتر
0552254777

[نفود حائل]

السلام عليكم


بالله عليكم هذي تتقارن بموتري وشوفو كيف اسعارها نااااار
جيب شراع ونفود حائل اذا ماتعرفون اسعار الجيوب مب لازم تردون خافوا الله ياناس حنا في العشر الآواخر
واخ سامي ماشاء الله عليك فاهم بلأسعار شكلك راعي سوق وهذا رقمي ان كانك تبي الموتر
0552254777


الله يجزاك خير واسعار السيارت الكل يعرفها لم تعد حكرا على الشريطية

واللي يسمع كلامك يقول انا باخسين الموتر حقه والراجل منزل موضوع وحبينا نشارك

(( حسب عرفنا ))

واذا كلامي مهو صحيح ماراح يفرق اكثر من الف اوالفين
بس حب المال والجشع يخلي الواحد يكون قاسي شوي

والله يهدي الجميع

[اول 9099]

ياشاطر ربع 2005 مرشوش جنب كامل (منقلب) وجزء من التندة ولونة ابيض وماشي 223 الف وسياحي
مكلمة انا ابيه لأخوي يبي فيه حول الـ 50 الف

موتري مقارنة بذا يسوى 60 الف
الله يهديك بس

[برايدوي عنيد]

الاسعار تختلف من مكان الى مكان ومن تقييم شخص الى آخر اذا كان ليس التقييم من اهل معارض وشريطيه .

وكل منطقه عنده سياره مرغوبه وله سمعته , ممكن اخوي نفود حائل قيم على اسعار حائل لان الباترول هناك مهب سمعته مره زي القصيم والرياض .

من تقريبا 6 شهور 2006 النظيف يسوى 63 و 64 يجيبهن وهو مرتاح .

طبعا النظيف بالبدي وكذلك قليل الممشى ماله حكم ابد من حيث السعر

وكم ياصل ؟

هذا راائي وتقبلوا تحيااتي .........

[ابوعبدالله العرفج]

اخوي اول 9099 انا رجال جاز لي موترك وقلت من سئل ماتاهـ
وشفت اللي في هالقسم ماشاء الله لهم خبره وحبيت استفسر واسئل وانا لولا صملتي انكان ماسئلت ولا استفسرت
لاكن بيض الله وجيهم
لان والله مالي علم لا في اسعار الباترول ولا فالباترول كله وافادوني الله يعافيهم
وانا سئلت برى المنتدى وعلى رواقه
وبينا يااول 9099 اتصال بئذن الله

[اول 9099]

الله يرزقنا واياك اخوي
وانت رجال طيب تستاهل كل خير
ولو الموتر مايسفط ماكان بعته لك ولا اي واحد يبي يستخدم كان بعته لشريطي ولانزلتة مزاد بس الموتر نظيف جدا جدا

بريداوي جزاك الله خير وكثر الله من امثالك