المساعد الشخصي الرقمي

مشاهدة النسخة كاملة : ساعدوني الله يجزاكم خير .. غيرت الطرمبة وللحين ماضبط الموتر !


Fmejrad
07/09/2010, 07:15 PM
السلام عليكم ورحمة الله وبركاته

اخواني الكرام .. كانت عندي مشكله ان ضغط الزيت وانا واقف يكون على الربع او بين النص والربع .. المهم مريت كذا ورشه وكلهم اجزموا ان الخراب من طرمبة الزيت ..

رحت لـ " بالبيد " واخذت القطع منه وكلفتني 675 ريال تقريبا " طرمبة زيت اصلية + وجه صدر + 6 علب زيت + سيفون + صوفه صغيره حمراء يقول حقت الطرمبة + معجون اصلي " المهم بعد ماغيرناها مازانت المشكله !

للحين ضغط الزيت على الربع واذا دست بانزين يرتفع للنص ؟

والله توهقت وخسرت وماباقي على العيد شي ولا ادري وش اسوي انصحوني الله يجزاكم كل خير والله اني بضيقه لا يعلم فيها الا الله من ذا السياره ..

نوع السياره جمس 2003 مكينه 6.0 لتر
Fmejrad
07/09/2010, 08:50 PM
اخواني توني رحت اشوف السياره .. اول ماشغلتها طلعت لي عباره ضغط الزيت منخفض واسمع صوت طقطقه بالمكينه ..

كلمت راعي الورشه قالي عندك فضاوه بالتكايات .. قلت له لاتغير شيء ..

شوي ودق علي قال ان الطرمبة الي جبتها من وين اخذتها ؟ قلت من شركة بالبيد .. قال المشكله عندك بالطرمبة .. لاني جلست افحص واكتشفت ان الطرمبة ماتدفع زيت للمكينه واكيد الطرمبه الي اشتريتها عطلانه .. وانا ماخذ الطرمبة اصليه ب 400 ريال

والحين متوهق وﻻ ادري وش اسوي دلوني الله يجزاكم خير مالي الا الله ثم انتم
Fmejrad
08/09/2010, 02:30 AM
معقوله ولا رد ! وينكم ياسوبر فتك وبدوي جنوبي واصيل حجازي ؟ ولا هو قصرو بالبقية

عموما يعطيكم العافيه .. الله يسهل وييسر ان شاءالله
بروق الخريف
08/09/2010, 02:35 AM
انصحك تروح لمكنيكي معروف وان شاء الله يساعدونك الاخوان
بروق الخريف
08/09/2010, 02:40 AM
والله ودي اساعدك لكن مافاليد حيلة

ماعندي خبرة فالامريكي
ع ابوتركي
08/09/2010, 02:42 AM
طيب جرب ورشه ثانيه
وانقال نفس المشكله رجع الطرمبه واذا كنت شاريه قديم
الله يخلف عليك جب جديده
تقبل مروري--------------------------------------------
bejad
08/09/2010, 05:22 AM
وعليكم السلام ورحمة الله وبركاته :
الحقيقه مادري عن المكانيكي اللي قالك طرمبه ولا استفدت من شغله المفروض قلت له إذا ماصلحت السيارة ترجع ليّ مبالغ
الفواتير علشان مايشتغل إلا وهو متأكد من العطل ..
آنا كانت عندي فورد 2005 إذا شغلت الصباح في البداية تسمع اصوات في الماكينه وتسكت بعد يمكن 30 ثانيه او تخف
شوي لين تنتهي وكان عداد الكيلو 109000كم المهم رحت لورشة قاال هذا ضعف في الطرمبه لازم تغيرها ! وتركته
ورحت لثاني ونفس الكلام المهم رحت يمكن لأربع ورش نفس الكلام ماعدا واحد سعودي سألني عن نوع الزيت اللي احطه
يوم علمته ( فوكس سوبر جتي ) قال هذا ثقيل مايصلح للموديلات التاليه المهم غيرت نوع الزيت خفيف وانتهت المشكله
علشان كذا يمكن المشكله اللي عندك ماهي من الطرمبة .. يمكن مشكلة بنفس الترس اللي يحرك عتلة الطرمبة او مجرى فلتر الزيت وإذا فعلاً المشكلة من الطرمبة يمكن يكون فيها عيب تصنيعي لأن بعض القطع عندنا تلقاها بكرتون اصليّ وهي تجاريه او بعد ما يدرى وين مصنعة
((طولت عليك السالفه وهي قصيره اقبل عذري))