الساكتون الاسبانيه

[AL_ZAEEEM]

السلام عليكم ورحمة الله وبركاته

ياجماعه انا لقيت ساكتون اسبانيه طبعا بكرتونه جديده

والقوه متفاوته

سؤالي

فيه احد جربها قبل ؟

تمدحون اشتريها والا لا

ياليت الرد بسرعه ياخوان

وكم القوه اللي تنصحون بها

ابيها للقميري والصفار

[swead]

وعليكم السلام ورحمة الله وبركاته ..

وش نوعها نوريكا أو قامو .. ووش موديلها وعيارها ..

[AL_ZAEEEM]

هو محل لكن ماهو عارضها

قال اجيبها لك من المستودع وترددت كثير قلت ابسئلكم

لاني صامل اشتري بس ابي النوع الممتاز

انت اخوي عطني الموديل المناسب كان هو موجود شريته الله يعافيك

كان ماهو موجود اروح للقصيم واجيبها

بس انت عطني المميزات اللي فيها عشان اصمل عليها

[gamo 85]

انصحك بالساكتون الاسباني قامو 80 بسعر 980 ممتازة و عيد مبارك

[AL_ZAEEEM]

انصحك بالساكتون الاسباني قامو 80 بسعر 980 ممتازة و عيد مبارك

تسلم على هالنصيحه

مبارك علينا وعليك وعساك من عواده يارب

الله يعطيك العافيه

[swead]

عندك بندقيتين وكلهم حلوات:

الأولى : النوريكا الأسبانية : وتتميز بخفة الوزن ودقة النيشان . ووكيلها صاب , ويوجد منها الفايبر والخشب .
والموديل اللي ينفع لك 80 أو 90 وكلهن نفس القوة 305 متر / ثانية لعيار 4.5 .

الثانية : الهاتسان التركية : وتتميز بدقة النيشان وثباته , ووكيلها الرماية , ويوجد منها الفايبر والخشب , والموديل اللي ينفع لصيدك هو 125 يجي فايبر أو 135 ويجي خشب , ويفضل أنك تاخذ عيار 5.5 لقوتها .
أما من ناحية سرعة الطلقة سواء لـ 125 و 135 هي 380 متر / ثاني لعيار 4.5 و305 متر / ثانية لعيار 5.5 . فهي قوية جداً أقوى من 350 ماجنوم لعيار 5.5 . لكن فيها عيب بسيط وهو كسرتها قوية شوي لكن متناسب مع قوتها .

والشركتين نوريكا وهاتسان متوفرات قطع غيارها ..

والخيار لك .. شوف اللي ترتاح له وخذها ..وانصحك بالهاتسان لقوتها ..


وبالتوفيق ..

[أنت تشر أنت]

تبي نصيحتي خذ المانيه ديانا او فايروخ
كثير جربو الاسباني مامدحوه وانت اسئل

[swead]

انصحك بالساكتون الاسباني قامو 80 بسعر 980 ممتازة و عيد مبارك

هلا بك اخوي .. قامو 80 وهي ( شادوا 1000 ) نيشانها الخلفي غير دقيق وغير ثابت لأن القرص يتحرك من كثرة الرمي والسبب السسته اللي تحته ضعيفة , بعكس نيشان النوريكا والهاتسان نيشان قوي ومتماسك وثابت مع الرمي ..


وكل عام وانتم بخير ..

[AL_ZAEEEM]

الله يعطيكم العافيه

فعلا ماخاب من استشار

ماقصرتو وعيدكم مبارك

[AL_ZAEEEM]

شفت للنوريكا مقطع باليوتيوب معها دربيل ؟

الدربيل يجي معها والا اشتريه لحاله

[swead]

شفت للنوريكا مقطع باليوتيوب معها دربيل ؟

الدربيل يجي معها والا اشتريه لحاله

نصيحة ومن واقع تجربة , النيشان افضل من الدربيل ..

النيشان ترمي القريب والبعيد أما الدربيل فترمي بس المسافة اللي وزنته عليه .

وأي ساكتون ما يجي الدربيل معها الا الساكتونات السبورت يجي جاهز مركب من شركتها وتجي البندقية بدون نيشان خلفي وامامي .. وللأسف ماهي متوفرة عندنا ..

وأن كان قررت تاخذ النوريكا ..
فسعر الـ 90 فايبر منها بـ 1250 ريال .

[gamo 85]

و الله اعلم اضن تشتريه

[AL_ZAEEEM]

ماقصرتووو

يعطيكم الف عافيه

[gamo 85]

ماقصرتووو

يعطيكم الف عافيه
ما فعلنا الا الواجب

[AL_ZAEEEM]

بيض الله وجيهكم ماقصرتو

[قصيماوي]

اخوي انا مجرب نوريكا 90 فيبر صراحه قوية سعرها 1250

[-ظل الجزيرة-]

انصحك اخوي بــــــــ قامو 85فيبر قلاس عن تجربه

[أبوباسم455]

أخــوي أنصحك تاخـذ فايروخ 85 عيار 4.5 وميزتها خفيفه وقويه بس أهم شــيء تـكـون وارد الـرميح أو ديانا الرميح وخل عنك الخوزعبلات وخرابيط الأسبانيات !!





http://dc03.arabsh.com/i/00113/5cvbd8pn7ipm.gif






http://dc03.arabsh.com/i/00099/fz6vdqqe8do9.gif

[شامان...]

ديانا احسن لك