المساعد الشخصي الرقمي

مشاهدة النسخة كاملة : ثالث مرة تطق المكيينة مسآعدكم ..سوبر سفاري 91


مكشآتي للآخر
08/09/2010, 03:37 AM
السلام عليكم ورحمة الله وبركآتة
إخوآني قبل تقريبآ
7 شهور المكينة طق الكرنك ورحت لآمغرة وشريت لي مكيينة بالمبلغ الفلاني
واستعملها فترة وبعدها طق راس المكينة وجبت لي مستعمل من التشليح ب1500
وركبتة وكل شي تمام
وقبل يومين ..الزيت كان يهرب وانا مهملة ..وانا رايح ناوي إبدل الزيت ..
وانا ماشي فجااااااءة
بستم مدري بلف طار وكسر علي الراس والسلندرررررر ومدري ايش عفس الدنيا فوق تحت
ووديته عامل وفك الراس قدامي اشوف متكسر الراس
زبدة الكلام جبت قطع من التشليح وابيكم تشوفون الاسعار وتقولون معقولة ولالا؟؟
القطع بدايتها قبل لايكتشف انه السلندر منكسر قالي يبيلك
و
راس مكينة
شنبر
بسآتم
غاز قيت
ومادري بلوف يحتاج تغيرها ولالا
ومادري اذا ناقص شي قالي القطع ذي بـ2300 ريآل

ومستعملة طبعآ
..وشغل اليد 1000 ريآل
..فجاءة يدق علي يقولي السلندر مكسور وسعرة تقريبا مستعمل 700 ريآل.!
وانا بصرآحة خلاص كرررررررهت ام النيسان
ولا والله اني تعبان عليه فوق ماتتصرون لو كل ريال حاطة عليه معي كان الحين اطلع سيار موديل السنة
طبعآ المجموع 3300 ويقول إحتمآل كبير انه تزيد عن هالمبلغ
بالعربي كل شوي طالعة لي مشكلة .الاسعار الي فوق مناسبة ولالا؟
المنيعي1
08/09/2010, 04:05 AM
ألله يعينك ويخلف عليك أن شاء الله
بس فيه نقطتين احب اوضحها لك
1- المفروض موضب مكينتك افضل لأنك خذيت مكينه ما تدري عنها
2- أهمالك لزيت يهرب يومين ولا غلقته
ولاتنسى ان السيارات القديمة تشغلك بلخربات وهذا شي طبيعي ألا النظيف.

فنصيحتي انك توظب عند واحد معروف اما السعر انا أشوف انه طبيعي وألأخوان ما يقصرون بأرأهم
مشاغب شوي
08/09/2010, 04:12 AM
اخوي اكبر غلط انك تاخذ القطع من التشليح .. كان عندي ددسن 99 موظبة قطع من الوكالة كاملة بـاقل من 3000

وشغل اليد مع الخرط بـ 1200

لو توظب المكينة اصرف لك من مكاين التشليح .. مكاين التشليح تلقاها نص عمر او اقل وبقيمة التوظيب

والله الله بالورشة السنعة وصدقني ان شاء لله تنسى المكينة
برايدوي عنيد
08/09/2010, 04:13 AM
هلابك اخووي ...

فيه واحد من الشباب يمشي وانقطم عنده حدى البلوف وكسر البستم ..

طبعا كلف عليه الشغل مع القطع الاصليه مع خرط تقريبا 5500 ريال .

طبعا شكل رجلك حاره شوي ولاتابع الموتر كل فتره من حيث الزيت والماء .

اي موتر سواء شفت تهريب منه ماء او زيت او ماشفت على الاقل اسبوعيا شيك على الماء والزيت .

وبالتوفيق والله يخلف عليك ويرزقك من واسع فضله .

تقبل مروري...
Bader-M
08/09/2010, 05:49 AM
باختصار
اذهب الى مكانيكي اخر افضل لك
يعني بعد ما شريت القطع يقول لك ان السلندر مكسور
هذا المكانيكي لا يخرج عن امرين
الاول
انه لا يعلم من المكانيكي شي
الثانية
انه ....
عاد انت افهمها



راس مكينة
شنبر
بسآتم
غاز قيت
ومادري بلوف يحتاج تغيرها ولالا
ومادري اذا ناقص شي قالي القطع ذي بـ2300 ريآل

ومستعملة طبعآ


فية احد يركب شنبر مستعمل (وين تنصرف هذي)
ع ابوتركي
08/09/2010, 05:59 AM
والله ياحبيبي الاسعر طبيعيه جدا
لاكن الي مو طبيعي ان صاحب الورشه كل اشوي يقولك جب
وانا شخصيا كان معي جيب ربع تويوتا كلف توضيب المكينه
حول 6 الاف ريال مافيه مشكله
تقبل مروري--------------------------------------------
1988
08/09/2010, 06:54 AM
6الاف ميييييييييييييييين موضب مكينة ددسن ياوليدي ؟؟؟؟؟؟؟؟؟؟؟؟؟؟ التايوتا انا موضبه قطع اصلي من البازعي طقطقت ال8 الاف وهي تضحك
مكشآتي للآخر
08/09/2010, 07:01 AM
والله يآخوآن انا اليوم بتفضىىى له بخلية يعطيني الاسعار وكل شي .وبسجلها بورقة وبكتب الرد هنا
وانا بصرآحة بصلحة وبستعملة شهر وببيعة..
سرطوقا
08/09/2010, 07:10 AM
هلابك مكشاتي الله يخلف عليك باللي احسن منه

لكن انت تقول انك بتصلحه وبتستخدمه شهر وبتبيعه ، نصيحه لك اخويه

اذا بتبيعه بعه والموتر مافيه شيء عشان اللي شراه مايدعي عليك وتشتري سياره ثانيه ويصير لك شيء عليها وانت تعرف الامور هذي


موفق يالغالي
مداحش
08/09/2010, 07:14 AM
الله يعينك اخوي مكشاتي , لكن نصيحة ابعد عن التشليح قدر المستطاع وحاول تجيب قطع أصلية وراح تنسى هم المكينة ل 5 سنوات قدام - الله يوفقك ويعوض عليك بخير
__________________________________________________ _

1988 - ع ابو تركي
تهي تهي اجل فكس آر من 98 وفوق كم يكلف توظيب المكينة ؟؟؟؟؟؟
قدر مكتوب
08/09/2010, 07:36 AM
اخوي انا وضبت مكينه موتري وعندي لك شور يقال له راشد

انا وضبت اصلي وخسرتني المكينه كثير لكن عندي لك شور اذا انت تبي تستعمل

انت تقول شغل يد العامل 1000

خذ لك راس تجاري عليه ضمان بــ 2000 ريال
طقم بلوف هواء ونار 150 ريال
طقم وجية درجة 2 ياباني بــ 400 ريال وتحصلة باقل من كذا ممكن 330 سعر الجملة يعني لو تعرف احد ممكن يطلعه لك باقل من كذا
الحين حسابنا بــ 3550 ريال
نجي الحين للسبايك الثابت والمحترك و البساتم والسلندر
السلندر عشان اصدقك القوم مااعرف سعره لكن السبايك ثابت ومتحرك والبساتك اصلي ماراح يتعدى سعرها 1200 اصلي فما بالك بالياباني
4800 شاد المكينه وخالص ومكينه تعرف وش حطيت فيها

صدقني التشاليح مافيهم خير كلهم نصب بنصب الا من رحم ربي
انا دورت راس مكينه لباترول من جنس موترك قبل فتره بالرياض والقصيم وجده ومكه والطائف كل ماحصلت شي يكون ممسوح واسال اللي يبيع يقول لي فقط تنظيف واذا فحصت حصلت المسح ملي وحلوله يعني لابد تبدل وجه الراس وحراره وبعد فتره يطق
رحت لتشاليح الحاير والقصيم كلهن ملحمات يعني منشعر وملحم واذا حراره في حراره


نصيحة ركب راس تجاري مجدد افضل لك واذا بغيت اللي عليه ضمان راسلني ولا يكون خاطرك الا طيب

ولا ركب مكينه لكزس والله ماتعرف شي اسمه خراب ومكينه بكامل شغلها ماتتعدى 8 الاف ريال شغاله
وسعر المكينه بالتساليح لو خربت بــ 2000 ريال وثمانية سلندر والمكينه 4 ليتر وفيها احصنه حلوه يعني بالخط تمشى مع الفتك وانت مبسووط هذا اذا ماخليته ,ىخر شي افضل صرف بنزين من الباترول ولا تنسى انها بخاخ يعني لاتقطيع ولا غيره ولو تبي اوصلك باحد مجربها ماعندي مانع
مكشآتي للآخر
10/09/2010, 02:31 AM
يعطيكم العآفية على الردود .والموتر كلفني 4800 ريآل
وطلعتة اليوم
لاكن فية تفتفة+ريحة كربون




وبصرآحة مو عآجبني تصليحة..!
ومحتآآآآآآر والله
kmn
10/09/2010, 06:59 AM
اخوي من واقع تجربة اذا بغيت توضب الباترول راح يكلف اذا غيرت اصلي وجميع القطع لأنها غالية وشغل يد ومخرطة يني اذا قال رخيص بيوصل 6000 ريال
لكن عندي نصيحه اذا بغيتها نفذها وراح تفيدك مرة مرة
وهي تركيب مكينة ls1 مكينة كابرس 2000 وطالع تلقاها مع كمبيوترها 5000 ريال وعلى الشرط وصدقني تبي تنهبل من عزمها اللي يروعك وتقول اثرنها على حمير عزك الله على العموم سو بحث في قوقل عن تركيب ال اس ون على الباترول وشوف الاراء .....
وعاد وانت وظميرك ويش يقولك .
راعي النياسين
10/09/2010, 04:41 PM
يااخي انت انسان غريب صراحه وقهرتني بتصرفك

يااخي وضب المكينه عند واحد فنان وبأذن الله تمشيك 10 سنوات قدان اذا حافضت عليها

الحين موترك كلف 4800 ريال والتوضيب الكامل مع شغل يد لمكينة الكربريتر حوالي 5200 ريال لو انك زايدها 400 ريال ومريح عمرك من عوار الراس والقطع المستهلكه الي اكل وشرب عليها الزمن وتقول كرهت النيسان

كان عندي باترول 93 ماشي 650 الف وكان مفصول عداده ايضا وبوشة مكينته ووضبتها توضيب كامل

والحمد لله استعملته لمدة سنتين والزيت يمشي 5000 كلم ولا ينقص وبعته

الله يعينك وييسر امورك وبشرنا عن موترك حاليا