المساعد الشخصي الرقمي

مشاهدة النسخة كاملة : مشكلة رائحة السيارة !!


((رزيم الرعد))
08/09/2010, 10:02 AM
السلام عليكم :
مشكلتي هي أني نسيت دجاجة مبرد بالسيارة لمدة 3 أيام . وبعدين فتحت السيارة الله يكرمكم رائحة تسدح ديناصور ولي يومين موقف السيارة بالشمس وفاتح الأبواب وكل يوم بخور . ولا شيء تغير مع العلم أن غسلتها بمطهرات وبدون فائدة .
تكفون وش الحل ؟؟؟؟
sami2003
08/09/2010, 01:10 PM
حط فحم في السيارة خاصة في مكان الدجاجة ، واذا مانفع اغسل مكانها ببنزين (كمية قليلة واحذر ان تترك اثر خلفك).
المنيع
08/09/2010, 02:36 PM
اخوي انا ابي انصح لله ومن تجربة لأحد الاصدقاء

هذا الله يطول عمرك انكب في سيارته حليب نياق ( ابل ) واصبحت ريحة السيارة الله يكرمك زبااااااااااالة غسالها اكثر من مرة .. ولا نفع الغسيل وطيب وغيره .. ومن الحيره قرر يبيع السيارة .. لكن نصحه صديق له بمغسله في عنيزة اسمها ( النافورة ) رقمها بتلقاه في المنتدى ..
غسلها من اولها الى اخرها وطلع تحت الفرش سراوه ووساخة الخ الخ .. من الحليب
بدل الفرش وغسل المراتب وفي اكياس وشغل ممتاز ..
الحقيقة انا ما صدقت كلامه قلت هذا يبالغ الا يوم رحت للورشة وشفت الدعك والغسل والتكييس والشغل النظيف .. وعندهم قسم للتنجيد
بس شوف ترا السيارة راح تبقى في الورشة يومين او ثلاثة وراح تدعي لي

اسعارهم مو ذاك الزود بس يستاهلون
a7md07
08/09/2010, 06:03 PM
انصحك تغسلها بالبخار عند مغسله متخصصه وتغير فلتر المكيف ولاتنسى تحط اكياس ماصه للرطوبه وترى الفحم يقوم بنفس المهمه ويمتص الرطوبه ولاتسكر الشبابيك كلها لازم تنسمها شوي ياريت اكون افدتك وشكرا
جداوي صميم
08/09/2010, 06:07 PM
كثر فحم بمكاان الدجااجة
وبعدها حاوول تعطر المكاان كله
او بخرها وقفل عليها
او ودها محل تغسيل بخار
رااح يفيدك كثير
لان بالحرارة والمااء والمطهرات راح ينفض كل شئ
واذا راحت الريحه
وتجي مع المكيف غير الفتر وان شاء الله تروح
وكل عام وانت بخير
ALBDRANE
09/09/2010, 02:28 AM
بقول لك شي ولا تواخذني ههههه:d

خل واحد غيرك يركب السيارة ويشم لان أنت خشمك أكيد تشبع بالريحة وتبرمجت الريحه بالمخ ....صدقني هذا الكلام صحيح

تحياتي
العابر2222
09/09/2010, 03:42 AM
أخوي عندي لك حل مجرب

حط في الثلاجة فحم + اشتر ثلاث علب مشروب بايسون او باور هوررس وافتحها وخل فيها نص بس وخلها في السيارة ولا تفتح القزاز كله خل الفتحه حول اصبعين في كل دريشة وخل السيارة في الشمس الظهرية ... وشف النتيجة

ناس يقولون باوور هورررس او سفن اب بس انا جربت الباورهورس

وضبط معاي
((رزيم الرعد))
09/09/2010, 05:44 AM
بيض الله وجيهكم ما قصرتم