العفريته عفريته لكن هذي العفريته ما تسوى هلله

[ابو اسامه 2]

السلام عليكم ورحمة الله وبركاته


قبل يومين كنت راجع من السفر


ضرب الكفر علي قبل ما اوصل جده بمية كيلو في الخط الجديد الساحلي بين جده والليث

كان الوقت في الليل الساعة العاشرة تقريبا ً


السيارة باجيروا


نزلت اصلح الكفر


العفريته جننتني


كل ما احطها في مكان ما فيه فايده


المهم


بعد نص ساعه جاء راعي سطحه باكستاني وحاول يساعدني وفي هذه الاثناء كان احد اخواني في الطريق اليّ


جاب الباكستاني عفريته طلعت نفس اللي عندي :mad:



بعدها بساعة جا اخوي من جده ونزل العفريته
( جابها من عند بنشري )


طلعت نفس اللي عندي :mad:


بس حجمها اكبر شويه


وجلسنا ثلاث ساعات يالله يالله رفعنا السياراة بعفريتتين


وفي احد المحاولات الباكستاني كان بيروح فيها بعد ما رفع العفريته نزلت السيارة بسرعه وسلم باعجوبه بسبب ان الجيب رافع


من بعدها حلفت اني ما عاد استخدم هذي العفريته


هذي صورتها


بالله هذي عفريته ( والمشكله جايه مع الباجيروا شد بلدها )


هذي هيه الجنيّه اللي تعبتني :D


http://dk.arabsgate.com/attachment.php?attachmentid=383&stc=1&d=1266012403


اليوم جايي من محل ادوات السيارات


اشتريت من عنده هذي العفريته وسعرها راااائع 180 ريال سعودي صناعة يابانية


http://www.supplierlist.com/photo_images/203870/Car_Jack.jpg


لقيت صيني بسعر 100 ريال لكنها شكلها ما تسوى


واشتريت معاها مكينة ضغط هواء نوع ابو جمل بسعر زهيد 110 ريال قوة 2 سلندر


وهذي صورة مشابهه للي عندي جبتها من قوقل


http://img105.herosh.com/2010/04/16/485144298.jpg


ليش اشتريتها ؟؟


اشتريتها لان الكفر الاسبير طلع نايم شويه واضطريت امشي عليه سبعين كليو لحد ما وصلت لاول محطه قابلتني


لذا


انصح بتوفير هذي القطعتين خاصة عند السفر


تحياتي للجميع

[رفيع المقام]

اخوي بالنسبة لعفريتتك اللي مع السيارة وش مشكلتها بالضبط هل هي ما ترتفع ؟
أم ماذا
...
والله يعطيك العافية على تقريرك الأكثر من رائع.

[ابو اسامه 2]

اخوي بالنسبة لعفريتتك اللي مع السيارة وش مشكلتها بالضبط هل هي ما ترتفع؟
أما ماذا.

ويعطيك العافية على تقريرك الأكثر من رائع.


هلا بك اخي والله يعافيك


العفريته صغيره جداااا


وجايه مع الباجيرو من بلدها


ويوم جيت احطها في المكان المخصص لقيت الكفر داخل عليها يوم ضرب


ولا تنفع احطها في مكان بعيد لانها اصلا صغيره


حاولت بشتى الطرق ما فيه فايده


حتى احنا صرنا ثلاثه وكل واحد معاه مثلها ولا فيه فايده


تحياتي لك

[Abu Saad]

ماحاولت تقدم الموتر او ترجعه بحيث يطلع لك مكان وضعها المخصص؟
ماضنتي ان اليابانيين حطوها عبث.
الله يوفقك.

[ابو اسامه 2]

ماحاولت تقدم الموتر او ترجعه بحيث يطلع لك مكان وضعها المخصص؟
ماضنتي ان اليابانيين حطوها عبث.
الله يوفقك.


هلا بك يا ابو سعد

مكانها سيئ جدا

لو ضرب كفر وخاصة زي منت عارف الجيب ما هو مثل السيارات الصغيرة

خاصة اذا ضرب الكفر ضربه جامده زي اللي صار معايه

تخيل انا واخويه و راعي السطحه ثلاث ساعات ويا الله يالله رفعناها

في كل الاحوال ان افتكيت منها وبدلتها بالكبيرة


تحياتي لك

[مخطط 2008]

مشاءالله وووووووووو

[ابوطاقية]

الحمدلله على سلامتك

[هولان]

الحمدلله على السلامه

[تناهيت]

ركبت مواتر جديدة وقديمة وهذه العفريته ما تفارقني ابد ..<لعدم ثقتي باالعفريتة الشد بلد خاصة اللي تجي مع الجموس وكالة انتبهو تراها خوانة عليكم باللي بالصورة

http://www.supplierlist.com/photo_images/203870/Car_Jack.jpg

[ابو اسامه 2]

مشاءالله وووووووووو


الحمدلله على سلامتك


الحمدلله على السلامه





ركبت مواتر جديدة وقديمة وهذه العفريته ما تفارقني ابد ..<لعدم ثقتي باالعفريتة الشد بلد خاصة اللي تجي مع الجموس وكالة انتبهو تراها خوانة عليكم باللي بالصورة





http://www.supplierlist.com/photo_images/203870/car_jack.jpg



يا هلا فيكم جميعا


والله يسلمكم


وشاكر مروركم

وبالنسبه اللي في الصورة يا تناهيت هي اللي معايه الان


تحياتي

[ثورة الشك]

اخوي انتبه من اللي انت شاريها ترى تتفكك صواميلها اللي مع الجنوب اللي جاي عليها بلاستك لون اصفر

وبعدين انصحك تجربها قبل ماتحتاجها ترى ماترفع السياره رفع كامل يعني ماتقدر تنزل الكفر ولاتركبه الاتحفر نحتة وهي على اخر شي جرب وشوف

[ابو اسامه 2]

اخوي انتبه من اللي انت شاريها ترى تتفكك صواميلها اللي مع الجنوب اللي جاي عليها بلاستك لون اصفر

وبعدين انصحك تجربها قبل ماتحتاجها ترى ماترفع السياره رفع كامل يعني ماتقدر تنزل الكفر ولاتركبه الاتحفر نحتة وهي على اخر شي جرب وشوف


بجرب وشوف

وبارك الله فيك

تحياتي لك

[حبل الوريد]

كان شفت لك بلكه ولا كم كتاب عندك ولا اي شيء وحطيت العفريته عليه

[دل البحار]

اخواني البنشر اغلب من يصير عليه بنشر يعاني كيف يرفع الكفر على شان يثبت العفريته في المكان الصح
الطريقه هي بسيطه جدا جيب لك حجره او مربوعه او بلكه طوب وأطلع بالكفر على الحجره او المربوعه وأمسك بريك وحط السياره في الباركنق وأنزل من السياره ثبت العفريته وارفع شيء بسيط وفك المسامير او الخوابير وارفع قليلا وأبداء بسحب الكفر رح يطلع معاك على طول لانه مافيه هواء يعني كفايه ينرفع الجنط حاجه بسيطه والباقي جلده سهل خروجه بعد كذا ارفع ارفع ارفع ارفع
وركب الاسبير ولا فيها اي جهد خارق بسيطه جدا مره مرتين وتتقن الشغله اتقان
عفريتة السياره شد البلد دائما خاصه في الياباني تكون ممتازه كصناعة اليابانيين وأنت شريت عفريته ياباني يعني مار حت بعيد انا افضل لك الاوله لو عرفت كيفية استخدامها
لانو الثانية من زينة السيارات غير عملية
بالمناسبه شريت مرسيدس والسياره شبه جديده العفريته جديده كرت الاسبير جديد حصل لي بنشر مسمار
العفريته تتركب في مشقبيات بالجنب تخيل من اول ما تم الحمل عليها بازت كل السنن للعفريته لا صارت ترفع ولا تنزل وهذا صحيح الي حصل معي لكن مرسيدس ما تجي العفريته بجودة الياباني والامريكي شبيه للمرسيدس
ما ينفع ولا بحفاية
تحياتي الك

[عاشق الفكسار]

ركبت مواتر جديدة وقديمة وهذه العفريته ما تفارقني ابد ..<لعدم ثقتي باالعفريتة الشد بلد خاصة اللي تجي مع الجموس وكالة انتبهو تراها خوانة عليكم باللي بالصورة

http://www.supplierlist.com/photo_images/203870/car_jack.jpg

هذي ماتركب مكان عفريتة الوكاله
وتاخذ عليك مكان في الشنطة
مافيه عفريته اصغر حجم ؟

[ابو طاهر]

الحمد الله على السلامه

[ابو اسامه 2]

كان شفت لك بلكه ولا كم كتاب عندك ولا اي شيء وحطيت العفريته عليه


جربت ما نفع

واللي جرب راعي السطحه اللي كل يوم وهو يرفع السيارات في الطريق

وجاب خشبه معاه خاصه للرفع

لكن ما نفع الا ياااالله بالعافيه

تحياتي لك

[ابو اسامه 2]

اخواني البنشر اغلب من يصير عليه بنشر يعاني كيف يرفع الكفر على شان يثبت العفريته في المكان الصح
الطريقه هي بسيطه جدا جيب لك حجره او مربوعه او بلكه طوب وأطلع بالكفر على الحجره او المربوعه وأمسك بريك وحط السياره في الباركنق وأنزل من السياره ثبت العفريته وارفع شيء بسيط وفك المسامير او الخوابير وارفع قليلا وأبداء بسحب الكفر رح يطلع معاك على طول لانه مافيه هواء يعني كفايه ينرفع الجنط حاجه بسيطه والباقي جلده سهل خروجه بعد كذا ارفع ارفع ارفع ارفع
وركب الاسبير ولا فيها اي جهد خارق بسيطه جدا مره مرتين وتتقن الشغله اتقان
عفريتة السياره شد البلد دائما خاصه في الياباني تكون ممتازه كصناعة اليابانيين وأنت شريت عفريته ياباني يعني مار حت بعيد انا افضل لك الاوله لو عرفت كيفية استخدامها
لانو الثانية من زينة السيارات غير عملية
بالمناسبه شريت مرسيدس والسياره شبه جديده العفريته جديده كرت الاسبير جديد حصل لي بنشر مسمار
العفريته تتركب في مشقبيات بالجنب تخيل من اول ما تم الحمل عليها بازت كل السنن للعفريته لا صارت ترفع ولا تنزل وهذا صحيح الي حصل معي لكن مرسيدس ما تجي العفريته بجودة الياباني والامريكي شبيه للمرسيدس
ما ينفع ولا بحفاية
تحياتي الك


هلا بك يا دل البحار

والله يا اخي انا حاولت راعي السطحه اللي هو كل يوم يرفع للناس حاول

المشكله لو انت معانا بتعرف المعاناه

يا ريتك تتدعم طريقة رفعك للسيارة بالصور

عشان نستفيد اكثر

بارك الله فيك على ما قلت وعلى مشاركتك القيمه

تحياتي لك

[ابو اسامه 2]

هذي ماتركب مكان عفريتة الوكاله
وتاخذ عليك مكان في الشنطة
مافيه عفريته اصغر حجم ؟


هلا بك يا عاشق

هذي صغيره وممتازه في الحجم لا يغرك شكلها في الصوره



الحمد الله على السلامه


الله يسلمك يا ابو طاهر

بارك الله فيك

تحياتي للجميع

[ابو اسامه 2]

اخوي انتبه من اللي انت شاريها ترى تتفكك صواميلها اللي مع الجنوب اللي جاي عليها بلاستك لون اصفر

وبعدين انصحك تجربها قبل ماتحتاجها ترى ماترفع السياره رفع كامل يعني ماتقدر تنزل الكفر ولاتركبه الاتحفر نحتة وهي على اخر شي جرب وشوف


الحمد لله جربتها وطلعت ميه ميه

ورفعت الكفر بشكل ما كنت اتصوره

بارك الله فيك

تحياتي لك

[wafi4sa]

شكرا على تقريرك
الحمد لله على السلامه اولا
لكن لا تقدر قيمة الأشياء إلا بعدما تحتاجها
إيش رايك بواير سحب وطفاية الحريق و........ الخ
إذا احتجت اي شي ماله ثمن في وقته
وكل عام وانت بخير

[hawk511]

يارجل الباجيرو بكبره مو داخل مخي

خاصه بالسفر مااتوقع مريح لأن المرتبه مثل الخشب^_^ مع احتراامي

[تريل بلدوزر]

العفريتة اللي انت شريت ( صندوق ) والله معي من أكثر من عشر سنوات وللحين ماشاء الله عليها ترفع الجموس بسهوله وكل اللي سويته اني اعبيها زيت وأشيك عليها كل فترة

فعلا يعتمد عليها , مرة لقيت شايب معه شاص ومحمل ومبنشر والحمد لله العفريته بيضت الوجه ورفعت الموتر , بس اللي عندي أصلية شاريها بحدود 350 بس ( منذو مبطي )

[عذب الروح]

وعليكم السلام ورحمة اللهوبركاته

حمدا لله على سلامتك

بالنسبة للعفريتة ودك تتاكد منها هي والكفر الاسبير قبل السفر حتى لاتقع في وضع محرج

العفريتة وماطور الهواء وواير سحب وطفاية الحريق ومثلث التحذير وعدة مختصرة لايستغنى عنها وهي باسعار زهيدة وتغنيك عن الكثير في وقت حاجتها

العفريتة في الغالب تحتاج ارضا صلبه حتى تؤدي عملها اما ماشتريت فهي لاتحتاج لذك لأن مساحتها اكبر وهذا مايميزها<<<<< على كذا تحتاج إلى مكان اكبر في السيارة

تحيتي

[قراند ماركيز]

جزاك الله خير

[العاذر]

حمدا لله على سلامتك

اهم شي نشيك على الكفرات او نغيرها اذا كانت تعبانه

خصوصا عند السفر

[متمكشت]

الحمد لله على سلامتك أولاً

أخوي كنا نغّير الكفر بدون عفريته أو جنيه (بسم الله) <<< طبعا ايام زمان الحين تطورنا شوي
نحط تحت المقص حجر كبير ثم نحفر للكفر ونطلعه (تكون السياره بنفس الارتفاع ماتنزل) بعدها نركب الاستبنه .<<<< الحاجه ام الاختراع

شكرا على الموضوع

[ابوصالح77]

الحمد لله على السلامة
عفريت البلد ممتازة لأنه بستم ضغط هواء

[العاذر]

العفريته الملكيه عند الرمايه وبس.... ترفع الموتر بشكل خيالي ماتتصوره

[حلال المشاكل]

العفريتة الاولى احسن لك لانها صغيرة وممكن لها مكان مخفي في الرفرف الخلفي توفر لك مساحة
لكن الجديدة تغثك مع القرابع اللي في الشنطة يعني الشغلة معد هي ناقصة

[no fear 78]

الله ايهنيك

[هواوي صيد]

الحمد لله على السلامة

والله لا يحيجك لها

[ابوودعان]

مشكور وجزاك الله خير

[رساويxp]

الله يعطيك العافيه ع التحذير

[قرم العيال]

العفريته بالتحمل بالطن وليست بالشكل يالغالي !!!