المساعد الشخصي الرقمي

مشاهدة النسخة كاملة : افتوني افادكم الله في نقل طراد


بيرق تميم
09/09/2010, 12:06 AM
السلام عليكم ورحمة الله وبركاته

اخواني الكرام
بحول الله تعالى سأشتري طراد من دولة البحرين ( مستعمل )

ماهي مستلزمات نقله من اوراق ثبوتيه ومبايعه ووو
وكم تكلفة النقل مع كيفيته
وهل الاجراءات طويله بالموضوع

شكرا لكم
العتر الاخضر
09/09/2010, 12:58 AM
اللي اعرفه وانا اخوك أن الجمارك ياخذ عليك 5% بالمية من سعر الطراد والله يوفقك يارب..
وليف الريم
09/09/2010, 01:18 AM
مبروك عليك الطراد

الله يسلمك انا مشتري طراد من قطر قبل 3 شهور

طلبو مني شهادة منشئ للقرف والمكاين مصدقة من الغرفة التجارية لان الطراد جديد والمكاين جدد
ورقة مبايعة مصدقة من وزارة الخارجية والسفارة السعودية
بعدها
الجمارك تروح لاحد مكاتب التخليص الجمركي في البحرين في الحدود وتعطيه الورق ويكتب لك بيان جمركي وهو يسنعك (100الى 200 ريال تعطيها المكتب حسب المكتب)
بعدين تسحب الطراد من الجمارك البحرينية وتتجه لربعك السعوديين طبعا تسلك مسار الشاحنات
تعطيهم الاوراق اللي معك من البحرين (البيان الجمركي ) + ورقة المبايعة المصدقة من وزارة الخارجية البحرينية ومصدقة من السفارة السعودية بالبحرين ونفس الكلام تعطي اوراقك مكتب تخليص جمركي
يطلبون الجمارك منك ورقة فسح من سلاح الحدود ادا الطراد فيه مكاين (حاول في مكتب التخليص انه يخلصها لك)
بعد ما تجيب الفسح من حرس الحدود يحسبون الجمرك 5% من قيمة الطراد حسب القيمة المدونة في ورقة المبايعة
بعد ما تدفع يعطونك الورقك ومع السلامة
---------------------------------
بعدها تروح لشركة القصيبي للبحار الموجودة على طريق الخبر الدمام السريع
وتروح للمصري يشيك على ادوات السلامة طبعا لا تجيب الطراد ولا تعب نفسك يكتفى في تصويرة بالجوال ويكون رقم التسلسلي حق الطراد والمكاين واضح في الصور
-------------------------------------------------
بعدها وزارة النقل (حول البريد السعودي في الدمام )لتسجيل الطراد وتسميت الطراد(300)ريال للسنة
-------------------------------------------------
بعدها قيادة حرس الحدود
-------------------------------------------------
والله يعينك على المشاوير
للمعلومة
طريقة نقلي لطراد من قطر الى الخبر سحب بسيارتي الخاصة
العتر الاخضر
09/09/2010, 06:17 PM
ماقصر وليف الريم بين لك كل شي والله يوفقك ويبارك لك في حلالك..
بيرق تميم
09/09/2010, 09:00 PM
العتر الاخضر ... بيض الله وجهك على التواجد ياغالي

وليف الريم

لاهنت ولا خلا ولاعدم كفيت ووفيت فوق ماطلبته ياغالي
وبيض الله وجهك دنيا واخره يابعدي وخدمك المال والبنون يابعدي
شرحك وافي يابعدي وبإذن الله راح امشي عليه خطوه خطوه وبالحرف الواحد

مشكورين ياغالين وماقصرتوا جميعاً
النورس8778
11/09/2010, 04:54 PM
مرحبا اخوي بيرق تميم انا على استعداد تام اني اجيب اي طراد من دولة البحرين مع مكاين او بدون مع التخليص الكامل من الجمارك وسلاح الحدود وتسديد رسوم الجمارك وتوصيله الى منزلك في اي مكان .
تقدر تتواصل معاي على ايميلي ataee11@hotmail.com & ataee11@gmail.com
واياستفسار انا حاضر
النورس