النوخذة
05/08/2005, 11:50 PM
السلام عليكم ورحمة الله وبركاته
في الحقيقة ماني راعي طيور لكن عشان قريتنا قريبة من البر , المقناص بالطيور شئ وارد سواء من اهل القرية او العابرين
القصة باختصار
اني شفت ربعي يدعون طيورهم ورحت عند واحد منهم واطالع فيه ( الحقيقة شئ يهول ) لما تشوف الطير وهو نازل يبغى العشى , سبحان الخالق , سرعة جنونية حتى اذا مر الطير تسمع له وشه من السرعة وتقول الحمد لله
ان الله خلقنا اوادم ماهوب حباري (والا كان رحنا فيها )
المراد وخوينا يدعي طيره , فجأة لبـق طير جرمه صغير في الملواح (بتقول من وين جاء ؟؟ الله اعلم ) الطير حجمه صغير وبس
جوده خوينا , وقال الطير فالت من ربعه مبطي لان سبوقه قديم
سالته وش نوعه ؟ قال هذا وكري من الجنوب !! طبعا انا ماسألته كيف عرفت لاني مش راعي الشغله
المهم الرجال حلّف وسحّب ايمان مغلظة اني مااروح الا والطير عندي
انا وافقت لاكن شرطت عليه اني لو سمعت ان احد يسأل عن طير ضايع انا بااعطيه الطير
ومن يومها والنوخذة صار صقار , مرة نفك له حمام ومرة ندعيه ولانروح مكان الا والطير معي ( بالعربي ابغى حبارى ) حاولت اتعلم القصص وافلحت شوي ( عساني ما الاقي اثر الا ومعاه اثر موتر )
ولا فكيته على شئ الا على الحمام وكان ماهوب سبوق لاكنه يعزم على الحمام ولا يفك منه الا اذا دعيته
المهم علشان لا اطول عليكم
يوم الله اراد الهدد للطير ويكلمني واحد من الربع في يوم خميس من الصبح
وقال ( ترى حولي غرانيق واجد اذا تبغى تهد تعال في المكان الفلاني )
انا ماصدقت خبر وجيته بالطير والشوزن , ويوم شفته وشفت الغرانبـق ملتمه دق قلبي وقلت اليوم يومك ياطحنون ( اسم الطير )
ركبت مع خويي وقال نعزل واحد قلت يارجال خلنا نهده وهو يتنقى تراني ماابغى الا واحد قال مايصير لازم نعزل له علشان الطير لايشوف الجمعة ويذل قلت شورك وهداية الله
حاولنا نعزل واقل شئ عزلناه اثنين وماقدرنا على واحد
خوينا قال هد , انا ضاعت علومي وقام قلبي يدق
فكيت الطير لاكنه ماطلب الطريده
قال خوينا انت معشي الطير متأخر قلت عشيته امس العصر
قال مالك الا الشوزن لان الطير خواف
انا تحطمت وقلت لخويي خلاص انت ارم عليهم
جينا للمجموعة وكود انهم صارو اقل , ورمى خوينا وطاحو ثلاثة وفيه مصاويب يطيرون
المصاويب واحد منهم انعزل وقلت لخوينا تكفا خلنا نفك عليه قال انت جهز طيرك
وجينا الغرنوق وبيننا وبينه مايجي 20 متر والطير يناظر والغرنوق شكله خايف ولا وده يطير
شوي والغرنوق طار وطيري يمرش ( تكرمون ) انا عودت دقات قلبي تزيد
شوي والطير يتعزوى ويطير وقمت انا اصوت (اطلبه ... اطلبه )
والله ويمسح عليه , مرة , ومرتين , والغرنوق يغتاظ ويقول اخو من طاع الله
ويتوجه الغرنوق على الطير و الطير كنه ميح شوي
الا والله انه ميح لاكن كأن الاية انعكست بس اني ماني مصدق :no:
الغرنوق يلحق الطير والطير يهج والغرنوق عازم وخويي ميت من الضحك وانا تقول اني جالس على مجمار
وامسك البندق وخويي يسوق وهو يضحك ويتوجه على الغرنوق وقمت انا رميته
وصرت سالفة ذاك الموسم ( والله انها فشيلة )
بااختصار انا عذري وش هو
(لو فيه خير , ماهداه الطير )
آآآآآآآآســـــــــف عـــــــلـــــــــــى الإطـــــــالـــــــة
في الحقيقة ماني راعي طيور لكن عشان قريتنا قريبة من البر , المقناص بالطيور شئ وارد سواء من اهل القرية او العابرين
القصة باختصار
اني شفت ربعي يدعون طيورهم ورحت عند واحد منهم واطالع فيه ( الحقيقة شئ يهول ) لما تشوف الطير وهو نازل يبغى العشى , سبحان الخالق , سرعة جنونية حتى اذا مر الطير تسمع له وشه من السرعة وتقول الحمد لله
ان الله خلقنا اوادم ماهوب حباري (والا كان رحنا فيها )
المراد وخوينا يدعي طيره , فجأة لبـق طير جرمه صغير في الملواح (بتقول من وين جاء ؟؟ الله اعلم ) الطير حجمه صغير وبس
جوده خوينا , وقال الطير فالت من ربعه مبطي لان سبوقه قديم
سالته وش نوعه ؟ قال هذا وكري من الجنوب !! طبعا انا ماسألته كيف عرفت لاني مش راعي الشغله
المهم الرجال حلّف وسحّب ايمان مغلظة اني مااروح الا والطير عندي
انا وافقت لاكن شرطت عليه اني لو سمعت ان احد يسأل عن طير ضايع انا بااعطيه الطير
ومن يومها والنوخذة صار صقار , مرة نفك له حمام ومرة ندعيه ولانروح مكان الا والطير معي ( بالعربي ابغى حبارى ) حاولت اتعلم القصص وافلحت شوي ( عساني ما الاقي اثر الا ومعاه اثر موتر )
ولا فكيته على شئ الا على الحمام وكان ماهوب سبوق لاكنه يعزم على الحمام ولا يفك منه الا اذا دعيته
المهم علشان لا اطول عليكم
يوم الله اراد الهدد للطير ويكلمني واحد من الربع في يوم خميس من الصبح
وقال ( ترى حولي غرانيق واجد اذا تبغى تهد تعال في المكان الفلاني )
انا ماصدقت خبر وجيته بالطير والشوزن , ويوم شفته وشفت الغرانبـق ملتمه دق قلبي وقلت اليوم يومك ياطحنون ( اسم الطير )
ركبت مع خويي وقال نعزل واحد قلت يارجال خلنا نهده وهو يتنقى تراني ماابغى الا واحد قال مايصير لازم نعزل له علشان الطير لايشوف الجمعة ويذل قلت شورك وهداية الله
حاولنا نعزل واقل شئ عزلناه اثنين وماقدرنا على واحد
خوينا قال هد , انا ضاعت علومي وقام قلبي يدق
فكيت الطير لاكنه ماطلب الطريده
قال خوينا انت معشي الطير متأخر قلت عشيته امس العصر
قال مالك الا الشوزن لان الطير خواف
انا تحطمت وقلت لخويي خلاص انت ارم عليهم
جينا للمجموعة وكود انهم صارو اقل , ورمى خوينا وطاحو ثلاثة وفيه مصاويب يطيرون
المصاويب واحد منهم انعزل وقلت لخوينا تكفا خلنا نفك عليه قال انت جهز طيرك
وجينا الغرنوق وبيننا وبينه مايجي 20 متر والطير يناظر والغرنوق شكله خايف ولا وده يطير
شوي والغرنوق طار وطيري يمرش ( تكرمون ) انا عودت دقات قلبي تزيد
شوي والطير يتعزوى ويطير وقمت انا اصوت (اطلبه ... اطلبه )
والله ويمسح عليه , مرة , ومرتين , والغرنوق يغتاظ ويقول اخو من طاع الله
ويتوجه الغرنوق على الطير و الطير كنه ميح شوي
الا والله انه ميح لاكن كأن الاية انعكست بس اني ماني مصدق :no:
الغرنوق يلحق الطير والطير يهج والغرنوق عازم وخويي ميت من الضحك وانا تقول اني جالس على مجمار
وامسك البندق وخويي يسوق وهو يضحك ويتوجه على الغرنوق وقمت انا رميته
وصرت سالفة ذاك الموسم ( والله انها فشيلة )
بااختصار انا عذري وش هو
(لو فيه خير , ماهداه الطير )
آآآآآآآآســـــــــف عـــــــلـــــــــــى الإطـــــــالـــــــة