اخذ شاص ( بريمي او فطيمي او اليحيى ) رايكم يالربع .. .

[شـهـاب]

بسم الله الرحمن الرحيم


السلام عليكم ورحمة الله وبركاتة

احب استفسر عن الشاص

ودي اطلع لي واحد ان شاء الله ..

لكن ما ادري وش اخذ سعودي او خليجي
والخليجي وش افضل شيء ؟
هل هو البريمي او فطيمي او وارد اليحيى

اليوم اتصلت على اليحيى الي بالقصيم قال خليجي لون بيج بدون رفرف عادي بدون ونش بـ 104
والسعودي بحايل بـ 98

وانا ابي اخذ خليجي ان شاء الله
بس وش الافضل بريمي او فطيمي او اليحيى ووش عيوب كل واحد منها او وش الفرق الي فيها .. ؟

[قليط]

انت اعطن الفلوس واذا جزمت علمن

[سرطوقا]

توكل على الله وخذ بريمي لانه الافضل

[شـهـاب]

الله يعطيكم العافيه على المرور

سرطوقا

ياليت تعلمني ليه الافضل ترن ما اعرف الا خليجي وسعودي وما اعرف وش الفرق

يعني البريمي هل فيه ميزات وكم سعره

[سعد2006]

انصحك بالبريمي لان البريمي سمعته قويه جداً و يعطيك شهاده الصنع في اليابان
صحيح ان فيه فرق في السعر انه اغلى من السعودي واليحيى لكن قيمته فيه
حتى لوتروح للمعارض ومعك شاص يسالونك وشهو بريمي ؟
حتى في البيع المستعمل يفرق عن غيره اذا كان نظيف
والفرق بين البريمي وغيره ان فيه ريموت وبعض الاكسسوارت
وهو اول من نزل شاص تانكيين بنزين والدفلك والونش ماكان ينزل في السعودي
انا انصحك انك تاخذ بريمي يكفي سمعته !!
ادري اني طولت عليك اتمنا اني قدمت فائده للجميع
وكل عام وانتم بخير

[جعفر112]

خذ لك بريمي ولاتشاور وتسال نصيحة اخو

[طعسين]

خذ اي شاص بس اهم شئ يكون فيه دفلك خلفي وتانكيين

[قطب 999]

السعودي المكيف غير اصلى يركبونه في جده واكسسوارات صينيه\ البريمي شيخ \اليحيى شد ياباني بدن اكسسوارات\

[النجم الهاوي]

البريمي وبسسسسس ولاتنشد شيخ

[ابن حصوان]

وارد قطر احسن شي واكثر استخدام البدو وقيمته مناسبه

[مخاوي العريس]

أنا أحس أن كلهن واحد لأنك لومثلا أخذت السعودي بـ 98 راح تبيعه
90 بعد فتره , ولو أخذت البريمي بـ 107 راح تبيعه 100 فأنا أحس
إن كلهن واحد بس الناس يغفلون عن فرق السعر بالجديد , فلو تسأل
أي شخص راح يقولك على طول البريمي أغلى مع إنه يوم هو جديد
بعد أغلى . ومن ناحية الاستعمال كلهن واحد
هذا رايي والله أعلم

[ابومطيره]

اليحيى ما مثله ونش ودفلك 2010 بالنسيم ب115 ولا هنا فرق يذكر بينه وبين البريمي

على حسب علمي ان الفرق فقط بالازياق الي ورا بالاصطبات وهذي سهله تركبه بعشرين ريال

والله يكتب لك الخيره

[شـهـاب]

الله يعيطكم العافيه

ويبدو ان الغالب يؤيد البريمي

[ساحووق]

بررررررررررررررررريمي وووووووووووووووووووووبس

[فياض مكشات]

بسم الله الرحمن الرحيم


السلام عليكم ورحمة الله وبركاتة

احب استفسر عن الشاص

ودي اطلع لي واحد ان شاء الله ..

لكن ما ادري وش اخذ سعودي او خليجي
والخليجي وش افضل شيء ؟
هل هو البريمي او فطيمي او وارد اليحيى

اليوم اتصلت على اليحيى الي بالقصيم قال خليجي لون بيج بدون رفرف عادي بدون ونش بـ 104
والسعودي بحايل بـ 98

وانا ابي اخذ خليجي ان شاء الله
بس وش الافضل بريمي او فطيمي او اليحيى ووش عيوب كل واحد منها او وش الفرق الي فيها .. ؟



كم الموديل

[عاشق الطرمبه]

خذ اللي يرغبه السوق مهوب اللي ترغبه انت لو انا محلك اخذت بريمي
لانك لاقدر الله انزنقت(ماتدري الدنيا وتقلباتها) بتقدر تبيعه بسعر جيد ما تتحسف عليه وزبونه قريب


شف الوقت اللي كتبت انا الرد هذا فيه تارك العيد واهلي عشان اكتب لك النصيحه والحكم عندك
الله ييييسر امرك

[خالد ابو نايف]

خذ اللي يرغبه السوق مهوب اللي ترغبه انت لو انا محلك اخذت بريمي

لانك لاقدر الله انزنقت(ماتدري الدنيا وتقلباتها) بتقدر تبيعه بسعر جيد ما تتحسف عليه وزبونه قريب


شف الوقت اللي كتبت انا الرد هذا فيه تارك العيد واهلي عشان اكتب لك النصيحه والحكم عندك

الله ييييسر امرك






والله من الفظاوة يا عاشق خل عنك بس هههههههههههههه:d

[شـهـاب]

عاشق الطرمبه وباقي الزملاء

الله يعطيكم العافيه ويرزقكم من واسع فضله

شف الوقت الي انا كاتب به وقت جمعه وبالبيت :(

[MjNo0oN]

اخوي الي اعرفه في الشيصان

البريمي يجيك بدون رفرف و11 ريشه
الفطيمي يجيك رفرف و 8 ريش
السعودي تقدر تاخذ الي يعجبك تبي رفرف او بدون وارخصهم
اليحيى مالي علم فيه

طبعاً هاذي المواصفات الي مشتهره في كل وكيل << يعني الي يبي بريمي اعرف انه بياخذ بدون رفرف >> والي بياخض فطيمي يوجه لبو رفارف

وانا انصح في الخليجي عن قولة الشريطيه كلشي اصلي ويمسك سعره في البيع ((مدري ليه اتوقع السعودي فيه جرب الشريطيه مايدانونه))

[عبرووود]

اخوي خذك بريمي وتوكل على الله
انا توني شاري لى واحد 2011 ونش ودفلوك بي 127 الف
مايفرق عن العشرة الا الطارة مخشبة والمريات بيج وفيهن فلشر
اشتر وتوكل على الله
الله يكتب اللي فية الخير

[عاشق الطرمبه]

والله من الفظاوة يا عاشق خل عنك بس هههههههههههههه:d



الله يالدنيا صار اللي يدخل هذا المنتدى فاضي المشكله اني قاعد أدورلك شاص نظيف قيمته تتراوح بين 70 الف الى الثمانين الف :good2: وصاحب الموضوع يمسخرني اي بمعنى يتطنز الشرهه مهيب عليكم الشرهه على اللي يشيل هم احبائه اعضاء مكشااااااات ويدور الزين لهم....
الله يحاسبكم بعفوة

[عيسى عبد الله]

اشتر تبيع
بريمي ووووووووووووبس
مشكووووووووورين

[شقران نجد]

والله وانا اخوك جربت السعودي وجربت البريمي وربي ما شفت بينهن اي فرق الا بالسعر البريمي اغلى ,,,,

فيه شي يمكن كنت اشوفه بالسعودي ان لون البريمي البيج فيه لمعه احلى من السعودي وأفتح والسعودي كنه مخضر اما من ناحية عزم وتكييف ومواصفات كله موجود بالسعودي الحين ولعلمك فيه سعودي يجي بونش ودف لوك وكفرات بالون شد بلد وتانكين وش تبي بس ,,,,,

موفق للخير اخوي ومبروك مقدماً

[ارض الحجون]

انا مع الاخ سعد ....خدلك شاص بريمي احسن مواصفات وسمعه

[شاص 511]

خذ سعودي عبداللطيف جميل