سوبر سفاري 2004

[مشغول بس فاضي]

صباح الخير للجميع

كل عام والجميع بخير

لي فتره وانا ادور جيب لاندكروزر ولقيت عند اصحاب اللاند النظيف عندهم ارقام فلكيه عجيبه

مدري من وين يجيبونها المشكله مافيه حركة بيع وشراء واذا رحت لمكان البيع والشراء الصحيح اللي هو الميكرفونات تحصل فرق في السعر عجيب وصراحه بديت اكره اللاند

الزبده لقيت سوبر سفاري 2004 اسود نظيف جدا مراتب مخمل ماشي حول 70 الف

قير تماتيك

وحبيت استشير اهل المعرفه كم يسوى هالموتر كحد ادنى وكحد اعلى ومن استشارك دخل في ذمتك

الرجاء الرد من اهل المعرفه

وتحياتي للجميع وكل عام وانتم بخير :good:

[مرتني الدنيا]

لست من اهل الخبره

بس حبيت انبهك لشغله

الممشى هل معقول 2004 ماشي 70 احاف انه مفصول عداده ولا شي هذا مشي 2008 وانا اخوك

لكن ربما يكون صحيح

[البيضاني]

عنديلك gx2008 سعودي اعلانه موجود في العرض وصل سومه 150000 والحد قريب والسيارة مضمونه اعلمك بالي فيها بالكمال والتمام وشكراً

[عزٍيزٍ]

من الـ 75 الى الـ 90
توقع فقط
ولسستو بخبير

[رماني زماني]

انا عندي فتك سوبر سفاري درجه 2 انظيف حيل الوان ابيض 2006سيم 80 الف في الحساء0532220269

[ابوفاضل2]

السلام عليكم
للمعلوميه:عداد البانزين بالسوبر2003 و2004 غالبآ يخرب
ولا يجي لحاله لازم اللوحه كامله يعني يصير الموتر اصفااااار
وبالنسبه للموتر اذا كان سوبر فل كامل سليم من الصدوم والرشات
والممشى حقيقي
من70 الى 77
تحيااااااااااااااااااااااااتي

[مرتني الدنيا]

اتوقع ابو فاضل عطاك العلم الصحيح
ابو فاضل سؤال هل الموديلات الجديده من السبعه وطالع تخرب االلوجه بالغالب ولا ل؟

[مقلع الرمث]

عندي لك 2004 سوبر فضي فل الفل

قير تماتيك

حد ب 76الف ماشي 140

[غالي]

عليكم اسعار صراحه مع احترامي الشديد

انا ماعمري شريت باترول لي شخصيا

لكن جالس ادور وماشفت مثل اسعاركم

اخوي اولا اللون الاسود مو مرغوب في البيع للمعلوميه فقط حتى الجديد يطيح سعره

الناس والشريطيه يرغبون الؤلؤي

ثانيا سعره على حسب النظافه

باترول 2005 الشكل متغير سعره مايتعدى 85 للنظيف مره او حولها

وفي موقع موديل 2007 ذهبي سوبرسفاري حاده راعيه ب95 الف والله على مااقول شهيد وشايف اعلانه من فوق الشهر تقريبا وفي موقع حراج ويقول على الشرط

يعني 2004 في بحر الستينات اذا كان نظيف نظيف ولؤلؤي

واذا تقول نظيف جدا يعني حق شايب للسفريات فقط ومخزن بتوقعي مايزود عن 73 وحولها بشرط انك بتستخدم منت بايع

يعني انت احسبها على الاسود والله اعلم

تحيتي لك

[اكليل الجبل]

اذا نظيف وفتحة ودف لوك وسعودي وممشاة حقيقي من 70 الى 80 وانت مغمض انا اعطيت في واحد لون لؤلؤي ماشي 45 الف فقط 80 وعيا وباعة ب82 قدام عيني بمعارض النسيم

[ذيب العيالي]

يالغالي انا عندي 2004 فتك ابيض قير اوتوماتيك ماشي 310 الف كيلو ونظيف الموتر على الشرط
وفيه مثبت سرعه وبلوتوث ومسجل كاست وسيدي وشاري كفرين جدد قدام يوكوهاما اصليه الجميح
وموجود في الرياض في معارض الشفا وحاده ب60000 ريال وافحص وجرب على راحتك طال عمرك
وهذا جوالي بعد اذن الادارة 0566500956 ابو نواف
وطبعا السيارة تفرق عن السوبر سفاري في الزنون والجلد سلامتك

[التعـ King ـديل]

اذا سوبر فتحه ومخمل وهالممشى يسواله فوق ال 80

اذا بدون فتحه نقص عنها 5000

[التعـ King ـديل]

يالغالي انا عندي 2004 فتك ابيض قير اوتوماتيك ماشي 310 الف كيلو ونظيف الموتر على الشرط
وفيه مثبت سرعه وبلوتوث ومسجل كاست وسيدي وشاري كفرين جدد قدام يوكوهاما اصليه الجميح
وموجود في الرياض في معارض الشفا وحاده ب60000 ريال وافحص وجرب على راحتك طال عمرك
وهذا جوالي بعد اذن الادارة 0566500956 ابو نواف
وطبعا السيارة تفرق عن السوبر سفاري في الزنون والجلد سلامتك

ابو نواف شيك على الخاص ورد علي

[شبل داورد 1]

السلام عليكم
أشوف كلن يعطيك سعر من راسه
بس النظيف ياخذ حقه ولو كانت مازده قديمه
مبيوع 97ربع ماشي ستين كان حق محكمه في المدينه المنوره 60000ألف
فما بالك بفتك

[ذيب العيالي]

ابو نواف شيك على الخاص ورد علي
اي نعم يالغالي بالفعل كما وضحت لي في الخاص وجوالي عندك والله يحييك في اي لحظه

[المتوسل إليه]

السلام عليكم
مساء الخير ياشباب أنا ما أدري كم السعر لكن أتوقع أنه بستينات مناسب للي بيستخدم
ملاحظة /
العداد اللي يخرب فية أثنين يصلحونه واحد في بريده وواحد في الرياض يضبطون في ربع ساعة وضمان وأقل تكلفة من التغيير وبأذن الله معد يخرب
اللي يبغى رقم ورشة الرياض يطلبه ويبشر عشان الأدارة تزعل لو حطيت رقمة
وبالتوفيق للجميع

[النجم شمالي]

:good::good::)يا اخوان سلامات ووين رايحين بها الاسعار الفلكيه الله واكبر انا دايم ادخل واشوف اسعار خياليه ليش ما ادري الله يرزق المسلمين اللهم امين لكن هل يبيع ما اعتقد لانه ينزل السوق وياخذ اطلق منه مليون مره وبسعر ممتاز ومعقول قبل يومين احد الشباب باع فتك ابيض 2005يالله 70000 والموتر شرط وبعد هاوي الي اخذه انا سمته 68ياجماعه المنطق يقول والواقع غير هالاسعار الى اذا حنا بعالم وانتم بعالم هذى شي ثاني ابو نواف كلامه سليم وفي الصميم والاسعار هذي لابغينا نبيع ما نحصلها لاقلت لفلان عندي موتر ابي ابيعه قالك هاه لايضحكون عليك تراه بأقل شي يسوى كذا وانت الناس الي تجيك فرق عن كلامه 20000عقب تكلمه يالحبيب ما احد حولك ياخذ بالاسعار الي تقولها اوتشريه انت بسعر اقل 10000 :sياجماعه انا عارف الارقام ماهي قليله :sلكن هذا الواقع قال لك لا بس لاتستعجل شف التناقض هو اصلا مايشري بس يتكهن او معنى اصح يسوي نفسه يعرف وهومنجنب القده الشي المعقول له القبول وسلامتكم يالغالييين:good:

[سلسيف]

اذا كان فل سوبر سفاري و ممشاه حقيقي حقيقي وبديه نظيف وكاله وكل شي فيه وكاله يعني دق سلف و امش ما انت حاط فيه شي ابد بيوصل 77 بالراحه و في الشتاء يتعدى 80 و هو يضحك طبعا اتكلم عن معارض القصيم و الرياض هذا اذا انت بتستخدم اما الشريطي ما ينطبق عليه الكلام و لو كان لؤلؤي يجيب اكثر

[ابوسعودد]

الموضوع قديم 2010