الصيد بالدمام عند مطعم الفاين تايم

[أبو نوران]

أخواني المكشاتية ابغي مساعدتكم وتوصفولي مكان الحداق اللي عند مطعم الفاين تايم وانا جاي من القطيف للدمام لأني ماجربت اصيد من داك المكان لحد الآن

اشكركم اخواني جميعا وكل عام وانتم بألف خير

[صياد متهور]

السلام عليكم
عيدك مبارك
اخوي تعرف الفن تايم في الزوايا اليمين واليسار وادا وصلت اليسار عادي تبعد عن الزاوية لين مطعم كورنيش كولو هناك حلو
وادا تبي وصف للفن تايم خلي حرس حدود المزروعية على يمينك وكمل سيدا تلاقيها طبعا دا في خط الكورنيش واي خدمة حاضررين تقبل مروري

[زاحف بحر]

هلا بك يالغلاااا ..

اما بالنسبة للطلبك الاخ/ صياد متهور ماقصر توضيح ولا اروع ..

وان شاء الله كل الاخوان الاعضاء والزوار ما راح يقصرون معاك يالغلاا ..

اتمنى لك صيداً لذيذاً .. طعماً هنياً ..

دمت بكل ود ..



بالتوفيق للجميع ..











..

[وحدآني]

يفيدونك الاخوان ان شاء الله

[أبو نوران]

اخوي صياد متهور وجميع المشاركين اشكركم على مروركم على الموضوع بس انا اقصد ان اي احد يوصف لي كيف اوصل للمكان وانا رايح لكورنيش الدمام وانا جاي من القطيف لأني ماجيت هذا المكان من قبل بس سمعت عنه
شكرا لكم حبايبي وكل عام انتم بخير

[أبو ناصرالدين]

السلام عليكم
أخوي و انت جاي من القطيف بشارع الخليج يجيك أول دوار اللي صار عليه إشارات تعداه و يجيك الدوار الثاني اللي بعد مارينا مول خذ من يسار و امشي على طول تلاقيه على يسارك و اسمه صار مطعم ليالينا
المنطقة اللي بين مطعم ليالينا و مطعم الكورنيش جيدة للصيد و لكن هالأيام محل ما في شي
و الله الرازق
ارجو اكون افدتك و لا تنساني من التقارير

[أبو نوران]

مشكور اخوي ويعطيك الف عافيه

[accentkool]

تتبع طريق الكونيش على الساحلي وتتعدى الواجهه البحرية بعدين بيجيك مطعم الثاني هو مطعم ليالينا الفن تايم

[أبو نوران]

شكرا لكم جميعا ماقصرتو وكان ودي احط لكم التقرير الطيب لكن مالنا نصيب في الصيد رحنا وجينا فاضيين حتى الفلبينيين المصطفين بسناراتهم ماحد صاد و لا حادجه تقول ان البحر فاضي
يالله الحمد لله على كل حال مالنا نصيب والله ماكتب لأحد انه يصيد هذا اليوم في ذا المكان بالرغم من الن الجميع يمدح هذا المكان
الله يرزقنا لمرات الجاية ونحط لكم تقرير طيب ان شاء الله

[وليد الغربة]

مشكور ماقصرت ربنا يخليك ويديمك على خير
اخوك وليدالغربة

[am2006m]

شكرا لكم جميعا ماقصرتو وكان ودي احط لكم التقرير الطيب لكن مالنا نصيب في الصيد رحنا وجينا فاضيين حتى الفلبينيين المصطفين بسناراتهم ماحد صاد و لا حادجه تقول ان البحر فاضي




يالله الحمد لله على كل حال مالنا نصيب والله ماكتب لأحد انه يصيد هذا اليوم في ذا المكان بالرغم من الن الجميع يمدح هذا المكان

الله يرزقنا لمرات الجاية ونحط لكم تقرير طيب ان شاء الله





اخي اول شي الارزاق بيد الله

فيه واحد من الشباب لوحده في موسمطلع 63 حبت كنعد عن الفنتايم


معلومات عن الفنتايم


الواجهه من الفنتايم الى مطعم الكرنيش فيها خير كنعد سبيطي وهوامير وشعري بس من كثر الصيد اللي حصل فيها السمك صار حذر جدا ويبغالك تستعمل معه نفس الاسلوب اي انك تستعمل حيل وان شاء الله ربي يوفقك المرات الجايه ولو تستمر على رواحتك هذا الشهر الى نص شهر 10 انجليزي بتشوف العجب وامور تستغربها ومنها الكنعد بكميات ينش قبل رميتك لسنارة ولاينصاد ولايفكر يقرب على الطعم مهما كان الطعم مغري له
يا اخي قبل 10 سنوات كان يطلع في الموسم من 15 /9 الى 15 /10 انجليزي تقريبا اكثر من 100 حبت كنعد بمعدل 3 حبات في اليوم والان إذا تعد اللي يطلع مايتعدى اصابع يدك والكنعد ومعنه موجود وتشوفه شوف العين بكميات لاكن مايضرب وقس على ذلك بقية الاسماكك




عسى الله يرجع ذيك الايام


بالتوفيق لك في المرات القادمه

[كاسر الجروح]

شكرااااااااااااااااااااااااااااااا1

[أبو ناصرالدين]

السلام عليكم
أنا ذهبت أمس المغرب و شكله الخير بدا يرجع بعد طول غياب
ما طلع معي شي كبير لكن ضرب معي شي كبير مرة وحدة و قطع الخيط الله أعلم أنه فسكر كبير
و الحصيل كانت كلها على الصنارة الصغيرة حبة فسكر وسط و حبتين شعم حجم جيد و الباقي قرقفان
و أبو نقطة يا كثره و المليح أنه ما في زمارير
و طلع معي ضلعة صغيرونة و بدحة صغيرة و سمكة اعنزة القمامة الشنعة و رجعتها هي و كل السمك الصغير على البحر
أما الصنانير الكبيرة ما ضرب عليها ولا شي
و الحمدلله على كل شي

[صياد متهور]

انا اليوم كنت عن الفن تايم طلع معاي ضلعة ومزيزي وغير الفبن اللي طلعو فسكر وقرقفان وفي فلبن على الراس طلعو اكثر من ضلعة في خير وجاتنا ضربة مشككين انها ضربه كنعد
الحمد لله

[معاند سيف]

شكرا لكم جميعا ماقصرتو وكان ودي احط لكم التقرير الطيب لكن مالنا نصيب في الصيد رحنا وجينا فاضيين حتى الفلبينيين المصطفين بسناراتهم ماحد صاد و لا حادجه تقول ان البحر فاضي
يالله الحمد لله على كل حال مالنا نصيب والله ماكتب لأحد انه يصيد هذا اليوم في ذا المكان بالرغم من الن الجميع يمدح هذا المكان
الله يرزقنا لمرات الجاية ونحط لكم تقرير طيب ان شاء الله
بدا الخير يهل على الجميع, شفنا الاسماك الكبيره من سبيطي و هامور و شعري عند الشباب من 4 شوال لكن الكنعد للحين مابين. عقبال الجميع انشاء الله

[ود التوبي]

ايوه ايوه ايوه شجعونا عشان ندق رجل ونروح

اما انا حظي على ابو شنب بالدمام تقول كانه يعرف اوقاتي ويجي

كل ما رميت اما ارجعها فاضيه او ابو شنب يرحب فيني بريحته

على قوله صاحبي تعطر منه

يالله بسبيطي جوعان على سبيطي :heart:

[أبو نوران]

نبدأ نجهز هاليومين وإن شاء الله يرزقنا من حلاله

[مهند220]

قريب من واجهة الملك عبدالله بكورنيش الدمام
أقرب ليموزين يوفي بالطلب

[صيد رامي]

في محل احسن من مطعم ليالينا عند خفر سواحل هنا احسن صيد حلوووو كل فسكر شعم وانت ورزقتك يمكن بالول الله عالم

إن محل كل مرجان بس في شي لازم تكثر من مجادير كل شوي بتعلق عليك بس محل روعة ..:good2:

[حياتي البحر]

افادوك الشباب

[أبو نوران]

اخوي صيد رامي

عند خفر السواحل اي خفر السواحل تقصد وين المكان بالبضبط حدد وصفك على شان الكل يستفيد

[احساس رااايق]

وضح اخوي رامي


تقصد المكان اللي بعد خفر السواحل المواجه للمينئ ؟ يا زين المينى بس شبكوه اااه

اشكركم على التفاعل وشكرا لصاحب الموضوع