مالحل بنقص هواء كفر البالون

[حرب]

السلام عليكم ورحمة الله وبركاته

وكل عام وانتم بخير

عندي مشكله مع كفرات البالون

وهي نقص بالهواء يعني كل بعد يومين اروح اعبي والصراحه هذي متعبه وبنفس الوقت خطره
لاكن اليوم سويت بحث عن هذي المشكله وحصلت منتج امريكي يسد الثقوب ولاكن ماحصلت احد يفيدنا عن الموزع او الوكيل باالسعوديه
فا ياليت اذا احد منكم عنده حل يعطيني اياه بس لايقول ركب لستك
وجعل والديكم باالجنه

[هويدي]

وعليكم السلام ورحمه الله وبركاته

المشكله الظاهر من نفس نوعيه الكفر او الجنط

كنت مركب بالون دنلوب على باترول وماشي زي الحلاوه نقلت الكفرات لجنوط جمس حديد وصار ينسم من شفه الجنط الحل حسب كلام ابويمن يا اما لستك ولا غراء على حوايف الجنط

[حرب]

والله ياهويدي اني نفس مشكلك
الكفرات دانلوب 255 / 90 والموتر جمس
لكن فيه واحد من الربع قالي فك الكفر وصنفر شفة الجنط لعله يكون منها وشكلي هذا الي بسويه

[الشامخ الشمالي]

حياك اخوي حرب

نقص الهواء من سببين الاول الجنط الثاني البلف

دام الكفرات تيوبلس تأكد من البلف وبدله وجرب اذا ماتغير شي مالك إلا تغير الجنط في حالة كان الكفر جديد

[صقار شياهين]

اخي الكريم من العايدين اول شي الكفر وش نوعه اذا كان صيني لازم ينسم ولا له الا اللستك واذا كان ابوجمل التايواني لازم ترجع للجنوط تراها تسبب المشكلة ذي اشتر جنوط اصلية وراح تمشي معاك

[ابوغزاي]

وعليكم السلام 00 قبل لا تفك ولاتركب ابدا اول شي بوضع الصابون مع الماء على الكفروتحديد مكان التهريب وبعدين فكربالحل واذا كان الشقوق بالكفركثيرة وصغيرة فعليك بالمنتج الاصلي اللي يسد الثقوب0