عيديتي شوفولي حل مع السفاري

[تميمي 1414]

السلام عليكم ورحمة الله وبركاته


كل عام وانتم بخير ... وعيدكم مبارك ... واعاده الله علينا وعليكم بالصحة والعافية


مشكلتي ؟؟ معي سفاري موديل 2000 كلبيلتر الموتر من شهر بدا يقطع وعزمه ضعيف

رحت لورشه في جده ونظف الكلبليتر بالبخاخ وصفى لمدة اسبوع ورجعت الحالة زي اول

وديته لورشة في عنيزة وقلتله شيك عليه وفك الكلبليتر ونظفه وغير البواجي واسلاك البواجي يقول زينه ولا غيرها ... المهم صفى ومشيت عليه لمدة 5 ايام ..وبعد ذلك مسيت فيه خط وحسيت فيه تقطيع خفيف مو زي اول .. وجربت بنمرة3 لاخر الدوسة وقطع تقطيع قوي ..

عطوني حل الله يجزاكم خير ,,, واسف على الاطالة

[adil33]

هذا سلمك الله تقطيع كهرباء مو بنزين تاكد من الديلكو

[أبوحزمه]

غير مصفي البنزين وراح تدعيلي 0

[معناااتي]

السلام عليكم اول مره اشارك معكم بغيت اسال انا معاي فتك 2003 ما فيه الا العافيه بس انا فكيت كتاوت الطرمبه اللي تحت الدوكسون وبعدها اشغل الموتر ما عاد اشتغل الطرنبه اسمع صوتها بس ما يشتغل ابي الحل واسف على الاطاله

[معناااتي]

بغيت اقولكم ان لنبه السكورتي تعلق اذا جيت اشغله

[هاوي طلعات]

السلام عليكم بأخوي تميمي 1414 أتوقع والعلم عند الله إما من أسلاك البواجي أوالخرطوش حق الهواء

[ابوصالح بريده]

التميمي
100% هذا فلتر البنزين غيره وراح تشوف الفرق

[هويدي]

فك صفايه البنزين تلقاه تحت الموتر على اليمين
اذا شفته وصخه ومتسدده غيره او نظفه وإن شاء الله تنحل مشكلتك

[تميمي 1414]

شكرااا من القلب لكل من قام بالرد ... لكن نسيت ان اقول اني ايضا غيرت صفاية البنزين وصفا الموتر لكن بعد 3 ايام احس فيه تقطيع خفيف .... افيدونا جزاكم الله خيرا لاني مرة تعبت ولم اجد حل ...
ومن ورشة لورشة ويقلب لاتحزن ؟

[دل البحار]

غيركلبليتر جديد يمكن من نفس الكلبليتر

[العابر2222]

أخوووي شيك على الغطاء الداخلي للرفرف الأيسر او الأيمن لان يوجد فيه فتحة تهوية بس ما اذكر هي في الأيسر او الأيمن الأمامي ... أتوقع الأيسر

الغطاء هو الي يجي فوق الكفر من الداخل لونه اسود وفيه فتحت تهوية ( اذا الغطاء مهو موجود ركب واحد واذا هو موجود شيك على الفتحه شف لها غطاء او طايح ) لأن الكفرة ترفع الأتربه والغبار ويدخل على الكبليتر ويوصخه

[تميمي 1414]

طيب المشكلة بنزين والا كهرباء .... ناس تقول تقطيع بنزين وناس تقول كهرباء ... وسويت وعدلت ورحت وجيت ولا لقيت حل ... والله ماكتبت في هذا المنتدى الا بعد ماتعبت من الورشات ؟؟
يالميكانيكية يالكهربائية وينكم !!!!!

[مرجووج]

صباح الخير جرب البنزين الاحمررر ولا تعداااه .. العلة بالبنزين مهي بالسياارة ..

[مرجووج]

خل اقولك اذا تشم ريح الينزين فايح بالسياارة بعد الوقفه او وهي واقفه بس تشتغل هذا بنزين
واذا التقطيع وانت تمشي او عند الاشارة او الموتر محتمي هذى :
1ـ طرمبة
2ـ اسلاك بواجي
3ـ بوبينه تركب مع البليتين لونه نيكل
4ـ بليتين اذا مهو الكتروني
5ـ اللعاب اللي داخل الكلبريتر
6ـ ((اذامالقيت حل رح للمعااارض وحررج عليه بس بدون بيع))
حسب خبرتي والله اعلم اتمنى اني افتدك يالغالي

[تميمي 1414]

خل اقولك اذا تشم ريح الينزين فايح بالسياارة بعد الوقفه او وهي واقفه بس تشتغل هذا بنزين
واذا التقطيع وانت تمشي او عند الاشارة او الموتر محتمي هذى :
1ـ طرمبة
2ـ اسلاك بواجي
3ـ بوبينه تركب مع البليتين لونه نيكل
4ـ بليتين اذا مهو الكتروني
5ـ اللعاب اللي داخل الكلبريتر
6ـ ((اذامالقيت حل رح للمعااارض وحررج عليه بس بدون بيع))
حسب خبرتي والله اعلم اتمنى اني افتدك يالغالي

1-البيع ان شاء الله ماني بايع

2- اسلاك البواجي غيرته ولا فاد
3- البليتين اكتروني
4البويبينه راح اغيرها واشوف
5- اللعاب اللي في الكلبليتر وش اسوي فيه وش اقول للميكانيكي
6- الطرمبه اخر حل
والله المستعان

[طير الفلاحي]

اخوي انت تخلط البانزين الاحمر والاخضر

[تميمي 1414]

اخوي انت تخلط البانزين الاحمر والاخضر

نعم غيرته يوم نظفت الكلبليتر وشيكت عليه في الورشة غيرته الى الاحمر

[تميمي 1414]

لكن من اول وانا اعبي اخضر

[zyarahmy]

اللي سويته انت اكبر غلط

المفروض انك اذا نظفت البخاخات لازم تغير جميع الفلاتر البنزين وتنظيف جميع المنظمات حتى ان الوسخ اللي فيها ما يرجع في البخاخات
اتمنى اني افدتك

[تميمي 1414]

هو كلبليتر مو بخاخ

[zyarahmy]

هو كلبليتر مو بخاخ


طلقها وخذا اختها

[kmn]

يارجال سو تصفية وريح راسك
اسلاك بواجي + بواجي + صفاية + بليتين وبويبينة اذا كان الديلكو عادي + وزن هواء الكلبليتر وتغيير فلترة

[ابوفهيدان]

أخوووي شيك على الغطاء الداخلي للرفرف الأيسر او الأيمن لان يوجد فيه فتحة تهوية بس ما اذكر هي في الأيسر او الأيمن الأمامي ... أتوقع الأيسر

الغطاء هو الي يجي فوق الكفر من الداخل لونه اسود وفيه فتحت تهوية ( اذا الغطاء مهو موجود ركب واحد واذا هو موجود شيك على الفتحه شف لها غطاء او طايح ) لأن الكفرة ترفع الأتربه والغبار ويدخل على الكبليتر ويوصخه

:good2::good2::good2::good2:

او ان موترك يصرف زيت وكل شوي يسكر الكبليتر