السيارة تدخن وش العلم ..

[أبوفارس2010]

السلام عليكم ..

عندي مشكلة في موتري يدخن اول ما اشغله ..

طبعا انا شايل دبة البيئة ..مدري الدخان منها ولا لا ..

الموتر هايلكس 2008 ماشي 150000 يعني تقريبا جديدة ..

ومحافظ على تغيرات الزيت والسيفون كل 5000..

مدري من وين طلع منه ..

لاتبخلون علينا بالراي ..

[ن م ر]

وش لون الدخان ؟؟

هل يستمر أم ينقطع ؟؟

[أبوفارس2010]

كانه ابيض ..

ينقطع والله العالم مع المشاوير ..

لاهنت اخوي نمر

[ن م ر]

هذا سلمك الله جلد البلوف

راقب الزيت كم ينقص علبه كل 5000 كيلو اذا النقص قليل ( علبة أو أقل ) خل موترك مثل ما هو لا تسوي فيه شي


وبالتوفيق

[mgs71]

أتوقع مثل ماقال الاخ ن م ر
واذا كان تشم ريحه جديده من الشكمان مش مثل اول لامن كانت عليها الدبه اتوقع انه من دبه الرصاص
اذا كانت الدبه نظيفه وباقي موجوده الافضل انك ترجعها
هذا والله اعلم

[nayf01]

اذا الدخان ابيض (لحظي) وينقطع اذا احتمت هذ جلد بلوف

اما اذا تشم رائحة فهذه تبويش وعلامته نقص الزيت

[راعي الهيظل]

اترك السيارة تشتغل لمدة 10 دقاق وذلك وبعد مشوار قصير ثم دوس بنزين وراقب الشكمان اذا خرج دخان ابيض ويحدث نقص في الزيت بعد كل مشوار طول من 400 كم فما فوق فهذا جلد بلوف وحدث هذا معي جيب موديل 99 وصلحت الجلد و ظبط ارجو لك التوفيق

[ابوعقل]

ان شاء الله ان المشكله بسيطه

واذا السالفه توضب

ركبله مكينة فورشنر v6

[أبوفارس2010]

المعذرة مارديت على الاخوان الي قالو رايهم .. كنت في الديرة ولافيه نت ..


انا غيرت الزيت كنت احط خفيف غيرت حطيت ثقيل وبراقب الموتر واذا اشكل شي ماتقصرون يالذيابه ..

[مخايل البراق]

السلام عليكم جميعاااا
((أخوي ابو فارس))
الموتر جديد وأنشاء الله مافيه خلاف
وللتأكد افادك الأخ (راعي الهيظل) ومن غير قصور في الباقين
اذا دخان(وبالماريه ازرق)فهو جلد بلوف
اذا كان الدخان اسود من بدايت التشغيل بيكون البخاخ
والله اعلم
وآآآآآآآآسف على الاطاله

[فارس7]

اخوي غير جلد بلوف وريح بالك

[ساحووق]

اعوذ بالله الدخان مرض بالمجتمع الاسلاميومنتشر بين اوساط الشباب(وبعدين ههههه

ا
ماقصرو الربع عوايدهم والله الطيب

[الصيادالمليح]

السلام عليكم ..

عندي مشكلة في موتري يدخن اول ما اشغله ..

طبعا انا شايل دبة البيئة ..مدري الدخان منها ولا لا ..

الموتر هايلكس 2008 ماشي 150000 يعني تقريبا جديدة ..

ومحافظ على تغيرات الزيت والسيفون كل 5000..

مدري من وين طلع منه ..

لاتبخلون علينا بالراي ..


مثل ما ذكرت إنك شايل الدبة البيئة فاحتمال كبير المشكلة منها .. رجعها وشوف إذا المشكلة منها

[دليلة1]

انصحها :d ..
اذا كان ابيض فالمشكلة في غير المكينه وامرها هين واذا كان اسود فالمكينه دمرانه هذا ماسمعت والله اعلم عن صحته ,, والسياره ممشاها ماعليه ماشاء الله والخوف ان كنت راعي تدعيس ومراقا فهذا ينقص من عمر المكينه وتبدا معه المشاكل والله يهونها وييسرها عليك..

[gihad]

حسبي الله لا إله إلا هو عليه توكلت وهوه رب العرش العظيم