مممكن حل المشكلة

[knet120]

الاخوه الاعزاء
عندي مشكله باليوكن 2005 سعودي وهى فحص ضغط الاطارات ولما شيكت على ضغط الاطارات من الدريكسون طلع عندي الاطار الامامي الايمن ناقص وفي الحقيقة مو ناقص
وبعدين شيكت على الاطارات عند بنشري طلع الاطار الخلفى الايسر ناقص زوده هواء راحت الرساله
سؤالى يمكن ترتيب الاطارات مو صحيح يعني يمكن مع ترصيص الاطارات تم تركيب إطار مكان إطار
هل فيه طريقة عن طريق البرمجه ايعاده ترتيب الإطارات

[JeReF_AlmiL7]

السلام عليكم اخوي كل عام وانت بخير اخوي هذي المشكله من الحساسات اللي تجي عند الكفر
يمكن انت مغير فحمات او مغير كفر او مصلح بالكفرات اي شي وتلقى العامل ضارب او محرك الحساسات وصلحت هذي المشكله علشان كذا حاول تشيك على الحساسات اللي عند اللكفرات
والله يسهل امرك

[saad.saud]

السلام عليكم
وكل عام وانتم بخير
اذا كانت الحساسات الأربع شغالة .. فما عندك مشكلة .
المشكلة يمكن من ترتيب الحساسات ... كنت اعرف طريقة وناسيها الآن (لكنها موجودة في المنتدى)لبرمجة الحساسات على كل كفر .... ( يعني دورها ) !!!!
انتبه تشري حساس جديد ( لو كان خربان )الا بعد ماتجرب طريقة برمجة الحساسات

[knet120]

الحساسات مو خربانه صحيحة بس يقولك ان الاطار الامامى الايمن الهواء فيه ناقص وهو مو ناقص اللى ناقص الإطار مثلا الخلفى يعني الاطارات متوزعه خطأ كيف اترتبها صح من غير ما افك الإطارات

[ابويزيد1]

صباح الخير اخوي
مالك الا ترجع الكفر مكانه علشان برمجة السستم للكفرات وحساساتها الموجودة في الجنط وتم بود

[knet120]

وكيف اعرف مكان كل إطار يعنى كل شوي انقص هواء إطار واشووف الإطار الى نقص وين مكانه بالنسبة للمعلومات اللى بالسيارة
يمكن فيه طريقه أفضل

[AL.KNG]

السلام وعليكم ياخوي رح الوكاله وقله يبرمجلك حق الاطارات على الهواء الي تبيه انا سويتها على الجمس حقنا 2009 وضبط ويسويها لك بدقيقه وانت واقف عنده وتراها ببلاش

[knet120]

ممكن طريقة البرمجه حق الاطارات

[prof2]

الطريقة بسيطة بالمرة وهي اعادة برمجة
1- عبي الكفرات هواء زيادة وجهز معك مسمار علشان تنسيم الكفرات وخله في يدك علشان التوقيت مهم يحتاج للسرعة بعد سماع البوري بعد ما تقراء الشرح اسفل
2- شغل السوتش بدون تشغيل السيارة
3- دور مفتاح الانوار من وضع الاطفاءالى الآخر ثلاث مرات في مدة لا تقل عن 3 ثواني حتى تسمع البوري يضرب مرتين بسرعة رح للكفر الامامي الايسر ونسم الكفر لين تسمع رنة واحدة بوري بسرعة رح للكفر الامامي الايمن ونسم حتى تسمع بوري ثم بسرعة للكفر الخلفي الايمن ونسم راح تسمع بوري اخر شي رح للكفر الخلفي الايسر نسم لين تسمع البوري الاخير بعدها طفي السوتش ثم شغل وشوف اذا ما ضبط عيد مرة ثانية وترى السرعة مهة وتسلسل الكفرات مهم زي ما ذكرت لك وهي بالترتيب:
1- كفر امامي ايسر
2- كفر امامي ايمن
3- كفر خلفي ايمن
4- كفر خلفي ايسر

والسلام ختام

[knet120]

شكرا على الردود والتفاعل