مشكلة رجة الدركسون في اللكزس ال اس 400 موديل 98

[HW77 ONLY]

السلام عليكم ورحمة الله وبركاته,,,,

إخواني الأعضاء

لدي لكزس 400 موديل 98 وفيها رجة خفيييييييفه بالدركسون مع سرعة من 80 الى 120 كم/ساعة ولكن تعبت من المحاولات لإصلاحها دون جدوى مع العلم أني رصصت الكفرات(يوكوهاما نقشة الوكالة) ترصيص ارضي اكثر من خمس مرات عند عدة ورش في الرياض وبعدها غيرت الكفرات(إلى كفرات تويو) ثم رمانات الكفرات الامامية مع الترصيص من جديد ثلاث مرات دون فائدة.

الرجاء ممن لدية تجربه مماثلة او لديه خبرة في هالمجال أن لايبخل علي مشكورا.


بانتـــــــــــــــــــــــــــظـــاركــــم مـــــــــشــــــــــــــكــــــــــــوريـــــــــ ـــــن

[سلطان البدايع]

كانت معي هايلوكس نفس السرعه يكون فيها رجه على نفس السرعه اللي قلت وتروح عندما اتعدى 110 ولقيت المشكله برمان العكس مرتخي قمت وشديت عليها شوي باليد بدون مفتاح لان الشد بالمفتاح بقوه يفرط الرمان ولا يدور الكفر ويخرب العكس والهوب

[JeReF_AlmiL7]

السلام عليكم ورحمه الله وبركاته
كل عام وانت بخير
الله يسهل امرك
اخوي هل شيكت على كرسي الدركسون ؟
لان اذا كانت الرجه فقط الدركسون اذا المشكله من الدركسون نفسه والكفرات مالها دخل بالموضوع
علشان كذا شيك على كرسي الدركسون وان شاء الله راح تشوف المشكله منه
تحياتي لك ويسر الله امرك بالتوفيق

[ن م ر]

اخي العزيز ؛
هل الجنوط هي الأصليه ؟

هل جربت تغير الجنوط من أحد معارفك عشان وتقلص خسائر الترصيص والوزن ؟

فحصت السيارة من أسفل ؟ ( اذرعة + مقصات + جلد توازن + ..... + وغيرها )

حاول تحاصر المشكله واتمنى لك التوفيق

[HW77 ONLY]

مشورين جميعا على سرعة التجاوب

بالنسبة لكرسي الدركسون بتأكد منه بس مدري وين مكانة وهل هو معروف لدى الميكانيكيين بهذا الاسم اما أسفل السيارة من اذرعة ومقصات وركب فقد شيكت عليها لدى اكثر من ورشة وكلها سليمه والظاهر اني بدور لي واحد معه نفس السيارة واجرب كفراته مع الجنوط.
اما رمان العكوس فما أظن ان لها ميزانية لأنها تكبس في المخرطه.

[ن م ر]

الله يوفقك اخوي ولا تنسى تعلمنا وش يصير معك

[JeReF_AlmiL7]

اخوي بالنسبه لكرسي الدركسون تراه معروف بس قول للميكانيكي انه يفحص لك كرسي الدركسون وهو يفحصه لك وانت واقف
الله يسهل امرك

[HW77 ONLY]

وين اهل اللكزس 400 هل احد واجهته نفس المشكله ......... تكفون لاتخلونا مانستغني عن مشاركاتكم.

[HW77 ONLY]

وين اهل اللكزس 400 هل احد واجهته نفس المشكله ......... تكفون لاتخلونا مانستغني عن مشاركاتكم.

المشكلة لازالت وفي زياده بعد

[أبو ناصر بدر]

جرب تركب الجنط لحاله من غير كفر بمكينة الترصيص
و اذا شفته غير مستوي من حافة الجنط وناظره و هو يدور
و اتوقع خرط جنوط و تنتهي المشكله

[HW77 ONLY]

الله يعطيك العافيه

هل فيه مخرطة جنوط بالرياض شغلهم تمام ومعروفين.

شاكرا لك اخي الكريم

[كاشت وحداني]

تبي النصيحه
رح الصناعية القديمة بالرياض
وتوجه لميزان اليرموك
يرفعون السياره ويدورون الكفر كفره كفره وهو راكب جتى يحددون الكفر اللي يرج
ثم يتاكدون منه بطريقتهم هل هو الكفر ولا الجنط ولا الرمان
وعندهم تعديل جنوط وخرط وكل شئ
وبتطلع منهم راضي ان شاء الله

[HW77 ONLY]

لاهنت اخوي كاشت وحداني

ان شاء الله اني بروح لهم قريبا وان شاء الله تنحل المشكلة ولك مني جزيل الشكر وابشر بالدعوات.

[HW77 ONLY]

أخواني القراء الاعزاء

لغرض التحديث تم زيارة مركز اليرموك ومع احترامي لهم أما انهم ماعندهم سالفة او انهم شبعانين ولايبون يشتغلون كل مره يصرفوني لمركز ثاني.

المهم اني غيرت طقم كفرات يوكوهاما نقشة 206 نفس الوكالة وبعد اسبوع رجعت نفس المشكلة القديمة وبعد سؤالي كم واحد (عددهم 4 اشخاص ) ممن يمتلك نفس السيارة ال اس 400 من موديل 98 الى 2000 وذكروا لي انهم يعانون من نفس المشكلة رجة في الدركسون على سرعة 110 الى 120 فأيقنت حينها انها مشكلة فنية في ال اس 400

لكن تبقى ال اس 400 اسطورة وتحفه


اسف على الاطالة.

[ابوصالح2006]

أخواني القراء الاعزاء

لغرض التحديث تم زيارة مركز اليرموك ومع احترامي لهم أما انهم ماعندهم سالفة او انهم شبعانين ولايبون يشتغلون كل مره يصرفوني لمركز ثاني.

المهم اني غيرت طقم كفرات يوكوهاما نقشة 206 نفس الوكالة وبعد اسبوع رجعت نفس المشكلة القديمة وبعد سؤالي كم واحد (عددهم 4 اشخاص ) ممن يمتلك نفس السيارة ال اس 400 من موديل 98 الى 2000 وذكروا لي انهم يعانون من نفس المشكلة رجة في الدركسون على سرعة 110 الى 120 فأيقنت حينها انها مشكلة فنية في ال اس 400

لكن تبقى ال اس 400 اسطورة وتحفه


اسف على الاطالة.

:D:D ضيفني مع الاربعه اللي سألتهم
نفس المشكلة بس انا 97 لانه نفس التصميم
وخسرت مثلك الين تعبت
تأقلم مع الوضع واتعايش معاها وانظر الى الجوانب الايجابية الاخرى في السيارة
عموما ترى هالمشكلة ايضا موجوده بغير اللكزس وكثير من السيارات
وان في تصوري واعتقادي المتواضع ان هالعيب من مكاين الترصيص

كثير من سيارات الزملاء من انواع مختلفه مابين ال110 وال 120 تظهر هالرجه وبعدها تختفي

لكن الترصيص الارضي ممكن يخفف من وجودها وبعض الاحيان تختفي
جرب والله يخلف عليك مقدما

[HW77 ONLY]

آمييييييييييين ويخلف عليك ايضا اخوي ابو ريمو

وفعلا هذا اللي صار تأقلمت مع المشكلة وصرت اما ازيد أو انقص السرعة حتى تختفي الرجة.


الله يعين الجمييييييييع

[مشرع المرزوقي]

[QUOTE=HW77 ONLY;5230330]السلام عليكم ورحمة الله وبركاته,,,,

صباح الخير ي شباب

المشكلة طال عمرك هي من االقماش أو الفحمات الي قدام غيرها وبتضبط معك السياره
انا مجرب