البايع يطمع بزيادة 25% على سعر السوق ... والشاري يطمع بنقص 25% عن سعر السوق !!!

[ستار سات]

السلام عليكم ورحمة الله وبركاته .. عيدكم مبارك ، إخواني الكرام سؤالي لكم : هل تمت مبايعات حقيقية للسيارات بين الأعضاء في خيمة بيع وشراء السيارات ؟ مع العلم أن هذا السؤال لا يستطيع الإجابة عنه إلا من باع أو اشترى ! فقد لاحظت أن الغالب الأعم من العارضين للسلع يطمعون بزيادة 25% فوق أسعار سلعهم ... والعكس بالعكس ، وشكراً لكم .

[عاشق الطرمبه]

وعليكم السلام ورحمة الله وبركاته


موضوعك في محله بالنسبة لي لم أشتري ولم ابيع عن طريق الموقع وانا لم اطمع لا 25% زود ولا نقص فقط اريد سعر السوق ولم تتم أي بيعة ... لا اعلم ماهو السر

[أبو نـآيف]

اتوقع نادر بيع المواتر عن طريق النت

هي مجرد عرض وسووم فقط ونادر الصامل

[أبو فيصل]

وعليكم السلام ورحمة الله وبركاته





موضوعك في محله بالنسبة لي لم أشتري ولم ابيع عن طريق الموقع وانا لم اطمع لا 25% زود ولا نقص فقط اريد سعر السوق ولم تتم أي بيعة ... لا اعلم ماهو السر


:good2::good2:

وأعتقد البعض سامحهم الله يقلدون بسوم النت و السوام ما فحص السلعه ولا حتى شافها على الطبيعه

[غالي]

والله ياخوي السبب طال عمرك هو العجز فينا

في الانترنت تلقى الي تبيه من سياره بسهوله

لكن بالمعارض يالله تلقاه

وازودك من الشعر بيت

لقيت سيارتين بالانترنت ومعي واحد بالماسنجر ولد خاله شريطي

المهم خليته يسال لي عن السياره

قال سعرها من كذا لكذا انا كابايع

الا لين صار ممشاهم اقل من 100 الف تفرق من 5 الاف الى 6000 حسب نظافة البدي واللون


والسيارات الي مسيومه فوق سعر الرجال ب10 الاف الى 14 الف ريال!!!!!!!!!!!

وفعلا قالي على موتر نفس الي سالته عنه وافضل موديل بسنه ورحت شفته بمعرض

لكن فيه حكه في باب السايق وفيه مخوش خفيفه بالرفرف وراء

لكن سعره اقل من هالسومات الي هنا باكثر من 6000 ريال تقريبا

هذي عن سيارتين سالت عنهم فقط والخافي اعظم


والبلا فيه سيارات يقولك مسيومه بالمعارض مثلا 40 ويوصل بالمنتدى 44 ولايبيع !!!!!!!!!!!

طيب وش تبي انت ؟

الشريطي اذا وقفت سومتهم على 40 اعرف يبي يتكسب 5000 تقريبا

يعني موترك 45 الف سعره

طيب 44 يعتبر سعر ماتحلم فيه انت ((لكن الطمع الله يكفينا شره))

ارجع واقول

المحتاج لسياره فعلا

هو الي يدخل المعارض كل يوم ويتصيد الناس الي داخله تبيع

لايروح لامعارض ولايروح للانترنت الا اذا كان سعر السياره فعلا مناسب

والله يوفق

[مجنون باترول4800]

انا عن نفسي شريت سيارة عن طريق النت
بسعر السوق
لكن انا اكثر ممن مرة اسعى في سيارة عن طريق النت لكن اللاسف اذا وصلت عند راعي الموتر يطلع موب على الكلام
مثل جمس حوض 2003 ابيض الرجال يقول شرط مابه رش يوم وصلن عند الرجال طبعا انا جاي من برا الديرة
وش اشوف السيارة مرشوة كامل والله ياجماعة انة اكثر من 4 سيارات تصير لي نفس الموقف
وبعض مشاوير 700 كيلو وانت جاي

[الفهد 989]

انا عن نفسي شريت باثفايندر 2004 من هذا الموقع وبسعر نفس السوق

وفحصته ونفس كلام الرجال ماطلع فيه شي

وبالنسبه للجديه اذا صار البايع جازم على البيع والشراي جازم بالشرا راح يكون هناك بيع ومشترى

لاكن البعض يدخل يسوم ويرفع السوم وهو ماراح يشتري والبعض يعلن عن موتره يبي يعرف كم يجيب وهو ماعنده نيه بيع

[حاتم البدراني]

هلا اخوي


انا شريت باثفاندر2005 من المنتدى من العضو هاويgb

والحمدلله بعته برى المنتدى بــمكسب 2500 بعد استخدام 7 شهور

وعرضته كم مره بالمنتدى بس مالله كتب نصيب

ناس واجد يدقون ويسالون بس

وبعضهم يجي يشوفه ويقول خلاص ابردلك <<<وسحبااااان

ونسمع وجهات باقي الاعضاء

[شاص&نص]

أنا و لله الحمد بعت سيارتين عن طريق المنتدى و شريت سيارة منه و أنا مرتاح و جالس في البيت لا دوران و لا شي
و أعتقد أنه اذا وجد جديه بين الطرفين و مصداقيه و سعر مناسب فان البيعه تتم بكل سهولة


أبو عبدالكريم

[بحر الموده]

ان مره سمت سياره في المنتدي وقال راعيها اردلك خبر من بكره نزلت المعرض وحصلت سياره نفس موصفات سيارة الرجل وتسم نقص 2000 وعرفة رقمها وفي نفس اليله كلمني قال بعتك ورحة اشوف السياره لقيتها هي الي في المعارض صار الرجل منزلها يبغ يشوف كم تجيب في المعارض واعجبتني السياره وشريتها بسومتي ويعلم الله ان ماقلت له اني شيفك في المعرض علشان ماحرجه

[ستار سات]

. . شكراً لكم جميعاً .

[مدغم]

والله كلام مقنع
شوفو يا اخوان اللي يعرض وناوي بيع والله في المعارض والا بغيرها بيبيع لكن اللي يعرض وطالب اسعار خياليه شفهم في الساحات لهم كم شهر ماباعوا ليش النية مو موجوده.
والمشكله نفس الوباء اللي انتشر بين بعض شريطية المعارض واللي ما يخفون الله انتقل للمواقع.
وفيه مثال واضح بالكثير من الردود مثل حدك متوضع ما طلبت شي واجد وغيره<<< طيب ليش ماتشتري والا تبي ترفع السلعه وهي ما تسوى.
والا النوع الفاضي اللي لاهوب اللي بيشتري ولا شي بس يسوم ويخرب على البايع والمشتري.

و اخيرا النوع اللي ما ادني شوفه اللي يرد ويقول: الرجال يقول لا تبخسون السلعه وهي قيمتها كذا بالسوق طبعا يرفع السعر الى سعر ما يحلم فيه البايع ويغرر فيه<<< طيب يوم انك تقول كذا ليش ما تشتريها وتترزق وتبيعها بالسعر اللي قلت عنه والا ما تعرف تفكر.

تحياتي لكم

[نديم الشمال]

انا بعت سياره عن طريق المنتدى

لشخص معانا في المنتدى هنا

والحمد الله كنت صادق معاه


ولاكن للاسف

كثير من الاخوان يعرض سياره في المنتدى ويقول نضيفه وتروح له مشوار وتطلع السياره مخيبه للامال

مثل الاخ الي في جده راعي الشاص ال 2007

رحت له مشوار من تبوك الجده

وللاسف الشديد
ولا كلمه من كلامه عن السياره طلعت صحيحه

وما اقول غير الله يسامحه ويعوض علي خير منه

ومنها



على العموم شكرا ياخوي على طرح الموضوع


واختم انه المصداقيه مطلوبه خاصه في عرض السياره من مواصفات ونضافه ولا السعر ممكن تتفاهم عليه مع الشراي


بس المصيبه لمن شخص يمدحلك سياره وتطخخ لها مشوار وتلقى كلامه مهو في محله تصاب بصدمه شديده انه كذب عليك سواء عن حسن نيه او بقصد


تحياتي للجميع

[446688]

بالله وبكل صراحه اللي يبي يبيع سيارته جاي يدربي راسه ما يدري في السوق كم تسوى
اكثر الناس ما يشتري الا وهو مشاور احد يفهم في اقيام السيارات

لكن المشكلة الا قال لك في النت ان فيه طقوق بسيطه وبديه حليووو

وتلقاه مسوي له تشميع مدري تغبير وواضح كل شي حتى لو انه في مكان مظلم تلاحظ الموتر رايح فيها

لكن اللي موتره مثل هذا كم يسوى عند الشريطيه اصلاً ما يشترونه واذا ساموه تلقاهم خاسفين به الارض

لكن اخذ موتر نظيف الشريطيه هم اللي يشترون طبعاً يبي ينزلون في القيمة خمسة الالف لكن يصملون ولا جاك واحد يبي يشتري ويبي ياخذه بقيمة السوق

قبل سنه واحد سام موتري 28 قلت نصيبك وانحاش تصدقون ما عاد يشارك او ان عنده اسم ثاني لكن الحمد لله السنه هذي جاب زود

الرازق في السماء والحاسد بالارض

[خرجاوي2009]

السلام عليكم
مساكم الله بالخير
بالنسبه لي ابشركم شريت ثلاث سيارات من المنتديات
واحده من موقع حراج نوع السياره جيب سفاري 94
والثانيه جيب سفاري 96من موقع مكشات
والثالثه جيب سوبر سفاري 98 من موقع مستعمل
ولله الحمد أسعارها مناسبه ومثل السوق
وعلى ماقال فلوسي في مخباي وموترك عندك
والواجب على الشخص معرفة أقيام السيارات في السوق وبعدها يسوم في المواقع
عشان مايظلم صاحب السياره ولا يظلم نفسه
والله يوفق الجميع لكل خير

[جنط]

انا سلمكم الله من من يشرررري ويبييييييييع في النت و لله الحمد اول مافي السلعه من مميزات وعييييييييييوب

وانا اتوووقع ان الى بالنت اضمن لك من السووووووووق بذات الشريطيييييييه


تحياتي لكم

[طشي وامطري]

اولا الموضوع ممتاز جدا شكرا جزيلا على طرحه .

ثانيا تجربتي الشخصية انا فيه كم بهالمنتدى الله يفضحهم نصابيين جدا .
سبق وعرضت باثفايندر ودق على واحد يقول انه مو شريطي وانه يبي يستخدم وصار الرجال يبيع ويشري شريطي (قذر بعد) ينفخ بالسيارة اذا كان بياع ويسب اذا هو شرّاي.
ومرة عرضت جمس ونيت ومثل واحد نفس الحركات سب وتنقيص بالموتر بطريقة غير مباشرة واخيراً يلزم يبي يشتري.

لكن انصح البياع يقول الموصفات والعيوب وما يبالغ بالمدح والصامل خله يجي يشوف الموتر.
ثم اللي يبي يستخدم ما راح تفرق معه الاشياء البسيطة ،والشريطي لا يهمك اذا شفته يون ون اقطع السالفة من البداية.

الله يكفينا شر التعلق بالدنيا ووصخها .

[طشي وامطري]

اولا الموضوع ممتاز جدا شكرا جزيلا على طرحه .

ثانيا تجربتي الشخصية انا فيه كم بهالمنتدى الله يفضحهم نصابيين جدا .
سبق وعرضت باثفايندر ودق على واحد يقول انه مو شريطي وانه يبي يستخدم وصار الرجال يبيع ويشري شريطي (قذر بعد) ينفخ بالسيارة اذا كان بياع ويسب اذا هو شرّاي.
ومرة عرضت جمس ونيت ومثل واحد نفس الحركات سب وتنقيص بالموتر بطريقة غير مباشرة واخيراً يلزم يبي يشتري.

لكن انصح البياع يقول الموصفات والعيوب وما يبالغ بالمدح والصامل خله يجي يشوف الموتر.
ثم اللي يبي يستخدم ما راح تفرق معه الاشياء البسيطة ،والشريطي لا يهمك اذا شفته يون ون اقطع السالفة من البداية.

الله يكفينا شر التعلق بالدنيا ووصخها .

[طشي وامطري]

اولا الموضوع ممتاز جدا شكرا جزيلا على طرحه .

ثانيا تجربتي الشخصية انا فيه كم بهالمنتدى الله يفضحهم نصابيين جدا .
سبق وعرضت باثفايندر ودق على واحد يقول انه مو شريطي وانه يبي يستخدم وصار الرجال يبيع ويشري شريطي (قذر بعد) ينفخ بالسيارة اذا كان بياع ويسب اذا هو شرّاي.
ومرة عرضت جمس ونيت ومثل واحد نفس الحركات سب وتنقيص بالموتر بطريقة غير مباشرة واخيراً يلزم يبي يشتري.

لكن انصح البياع يقول الموصفات والعيوب وما يبالغ بالمدح والصامل خله يجي يشوف الموتر.
ثم اللي يبي يستخدم ما راح تفرق معه الاشياء البسيطة ،والشريطي لا يهمك اذا شفته يون ون اقطع السالفة من البداية.

الله يكفينا شر التعلق بالدنيا ووصخها .

[طشي وامطري]

وين الباب؟ :d

[أبوالمثنى]

والله بالنسبه لي بعت موتر أحد الاقارب باثفندر 2003 على رجال في المنتدى

وكان ويعلم الله مسيوم بـ 44500 لكن الرجال شاف الموتر واجز له لكن فلوسه ما كفت نزل له في سعره الله يبيض وجهه وباعه عليه الله يعطيه خيره ويكفيه شره

[أبوالمثنى]

عفوا مكرر!!

[باشا الخليفي]

والله انا لي اسبوع ادور في المنتدى وانا رجال جاد وبشتري لكن العائق احيانا القيمة المرتفعة واحيانا بعد المكان مثل واحد هو في اقصى الشمال وانا في اقصى الجنوب الا في الحقيقة كنت ناوي اخذ السيارة لكن ربك ماراد

[الربذي]

هنا الاحظ ان الاسعار نار تختلف عن السوق اعلى ب5000الاف وحول ماادري ليه البعض يحسب الي بالنت عندهم فلوس وبنوك بعد هههههههه

[نديم الشمال]

المنتدى يخدم الاخوان الي في القصيم

والرياض

اكثر شي

والشرقيه

لانه المشتركين من هذه المناطق كثير


لاكن با النسبه لنا يا اهل تبوك

او الاخ الي في الجنوب صعبه

علينا نطخ مشوار لسياره في الرياض

الا اذا كان راعيها ثقه وكلامه يطمن
واليوم البطال ما خلا للطيب شي

انا عندي استعداد اروح لاكن من يضمن لي

نضافة السياره الي بروح لها

ولا السعر ممكن الواحد يتفاهم عليه

الله يحفظ الجميع وبكفينا شر النصابين

تحياتي

للجميع

[برقااوي]

السلام عليكم ورحمة الله وبركاته

مساكم الله بالخير

أولاً بيض الله وجهك على الموضوع الجميل عسى تعم الفائد للجميع



فعلاً ما أتوقع في الأيام هذه تمت بيعه او شريه

أسعار مبالغ فيها من قبل البائع وكسر سلع من قبل الشاري

وسعر السوق بصراحه ما تعرف له بس الي اعرفه النظيف ياخذ حقه لكن بحدود المعقول
وأغلب أخواننا ما يعرفون قيمة سياراتهم يعني توصل سعر ما يحلم فيه في السوق
لان اغلب الي يبحث هنا او في موقع اخر اغلبهم مستخدمين مع ذلك يرفض ولا له حد معين

والشاري كذلك اخذها موضه بخس حلال المسلمين

لكن اتمنى الظاهرة هذه تتلاشى
وأتمنى الجدية و المصداقية و مخافة الله فوق كل شي

وللمرة الثانيه تحياتي لك على الموضوع جدا رائع والتمسناه جمعياً في الأونه الأخيرة

سبحان الله وبحمده سبحان الله العظيم

[مقلع الرمث]

والله انا شريت كذا سياره من الانترنت

واذا وجدت المصداقيه وسهوله التعامل تم الشراء

اما تحط لك اعلان وتهمله ومتى ماجاب السعر اللي براسك بعت ولا خله

هذا ماراح يبيع ويبي يجيه يوم يحتد ويبيع بخساره

[ستار سات]

شكراً لكل من أدلى بدلوه ... وشاركنا في هذا النقاش .

[المجمعة عشق]

وش لي بوجع الراس

المعارض تبي واحد راسه صلب ذا يسحبك من شماغك وذا يسحبك من ثوبك



الموتر اللي بشتريه من النت انا عارف كم يسوى


ولا راح اسوم شئ الا شارط على راعيه


وانا سبق وشريت من موقع اخر


موضوع النت طويل والمصداقيه لازم يكون لها نقاط مثلا اذا شريت من احد تقيمه على انه بائع جاد وصادق


والعكس صحيح

[alkongrs]

الطمع اعمى الشعب :)

[برهان1]

صراحه موضوع حلو للنقاش
انا بالنسبه لي بعت مرتين في النت والصراحه طريقه مريحه للشاري والبايع يعني ان جاز لك النظافه والسعر اشتر والصدق بركه طبعا
واللي يتسلون واجد يحقق معك تقول هذا بس شرا ويضيع وقتك عالفاضي
انا ادخل بالسومات اول ما يبدأ المزاد والى ان يصل لسعره اذا تعدى تركته وبس لانك ما تقدر تغير الناس المشكله والله بعضهم يحط سوم تحلف انه كذاب من قوت النصبه هذا افضل شي لا تكلمه اتركه وبس
والموضوع اللي يتعدى خمس ايام هذا اعرف انه يتسللى لانه لوه بياع كان ما يجلس يوسع صدره وموضوعه طاق 8 صفحات اذا الموتر ما جاب حقه اكيد ابعرضه بالمعارض منب قاعد احتري زبونه بالنت

هذا والله اعلم

[Abu Mryea]

بالنسبة للنت ريّح الناس من الروحة والجية للمعارض


بعدين المعارض وقتها محدد غالبا من العصر الى المغرب .... فيه ناس في هذا الوقت ماهوب فاضي


غير كذا بعد المسافات بين المدن


اذا حصل جدية بين البايع والشاري ..... بيتحقق البيع أن شاء الله


ومن وجهة نظري غالبا ( النظيف والنادر ما تحصله الا على النت )


لأنك قليل ماتحصل النظيف في المعارض لأن الشريطية ما يخلونه



وفيه بعض الناس .... الله يهديه ماهوب بايع ولا شاري


أنا عارض سيلفرادو - 2007 ... هنا في المنتدى


جا واحد يسومه بــــ( 35 ألف )


يعني حتى موديل 2003 النظيف مهي بالأسعار هذي


يعني لا هو بشاري .... وقاعد على النت فاضي يبخس حلال الناس


وأنا من طبعي ما أخذ أي سومه عن طريق المنتدى أو الجوال

لكن المشكلة يجيك بعده يزودون 500 ولا 1000 ريال


الصامل يكلمني ... ويجي يشوف الموتر على الطبيعة ويفحصه ... ويعطينا السوم


علشان يثبتلي الجاد اللي يدور على موتر ... ماهو يجي واحد يرمي سومته ويعلق الموتر


وبالفعل كلمنوني ناس وبعضهم جا وجرب الموتر وسام الموتر


كذا الواحد يكون صادق في بيعته وفي عرضه للموتر

واتمنى يكون البيع في المنتديات على هذا الأساس ... الواحد يعرض الموتر ومواصفاته وعيوبه

والصامل يجيه ويشوف الموتر على الطبيعة ويسوم

أنا استغرب من اللي يسوم .... وهو ماشاف الموتر

[شقران نجد]

حياكم الله جميعاً.....


انا بعت سياره جيب هدد 2005 عن طريق هذا المنتدى المبارك وبعته بسعر السوق وأقل بعد بحوالي 2000 ريال من سعر السوق ويشهد الله بعته وهو ورده شيخ وزي ما كان عليه الموتر عرضت ما زدت ولا نقصت....وعرضت عقبها جيب شاص 2008 شيخ الشيوخ ما مشى غير 17 الف كم وتعال شف انواع الأزعاج واسأله غريبه من جد واتصالات في اوقات ما تخطر في بالك يعني اذكر واحد داق علي الساعه 1وربع بالليل ولكن ما من صملي كلام فاضي ويشهد الله رحت به للمعارض خلال نص ساعه شراه مني شريطي وربي ارزقني وارزق مني يا كريم ..........
فالمصداقيه والمنطقيه مطلوبه يا أخوان حتى الله يبارك لك ويسمح أمرك....

اخوكم

ابو عبدالله