بروق نجد ع
12/09/2010, 11:42 AM
سلام عليكم إخواني مشرفين وأعضاءالمنتدى .. أعتذر هذه أيام عيد وفرح لكن أول يوم في العيد تذكرت والدي رحمة الله عليه وموتاكم وموتى المسلمين .. فكتبت مرثيتي .. إليكم المرثية .
جفني جفاه النوم والعالم رقود = أبغي لذيذ النوم بايت وسيلة
الحال شانت عقب ما رحت يالعود = ياوالله اللي ما بقا لي بديله
الا انت يا رحمن يا محيي العود = يا حي يا منان وكل يجي له
العود مات وراحت أيامه العود = أبكيه والمكتوب ما فيه حيله
قلت آه يا ويلاه ولا بي منقود = ودي أشق الثوب لكن رذيله
جيته بوسط البيت وهو خاوي العود = جاه القدر ياليت نفسي بديله
أبكي بجمبه واصبع الكف معقود = أبكي ودمع العين مثل الهميله
وصفق بكف كف والباب مردود = واعوي عوي الذيب حزة هضيله
في حالتي ياناس منيب محسود = من شافني بيقول ربي كفيله
شالوه من عندي على فراش ممدود = شالوه وعيوني تراقب رحيله
وفوق النعش حطوه والحزن في زود = حزن يزيد الهم وقلبي يشيله
مدوه أخياني في قبر ملحود = وسدوا عليه اللحد لبنه وطينه
وعند الدفن حالي ما عنه منشود = العين غرقانه ونفسي هزيله
آراقب المنظر والحلق مسدود = أراقب ابيي وهم يدفنونه
هذا القدر ياناس وما بالحكي فود = أبو علي رااح وما به مثيله
ياالله يا معبود يا راعي الجود = يا رب يا غفار راعي الفضيلة
أدعوك يا رحمن يا خير معبود = اغفر لبوي يالله واقبل جميله
وختامها اصلي واعيد وازود = على النبي عداد رمل النثيله
[ عبدالعزيز بن عبدالله العبيد ]
جفني جفاه النوم والعالم رقود = أبغي لذيذ النوم بايت وسيلة
الحال شانت عقب ما رحت يالعود = ياوالله اللي ما بقا لي بديله
الا انت يا رحمن يا محيي العود = يا حي يا منان وكل يجي له
العود مات وراحت أيامه العود = أبكيه والمكتوب ما فيه حيله
قلت آه يا ويلاه ولا بي منقود = ودي أشق الثوب لكن رذيله
جيته بوسط البيت وهو خاوي العود = جاه القدر ياليت نفسي بديله
أبكي بجمبه واصبع الكف معقود = أبكي ودمع العين مثل الهميله
وصفق بكف كف والباب مردود = واعوي عوي الذيب حزة هضيله
في حالتي ياناس منيب محسود = من شافني بيقول ربي كفيله
شالوه من عندي على فراش ممدود = شالوه وعيوني تراقب رحيله
وفوق النعش حطوه والحزن في زود = حزن يزيد الهم وقلبي يشيله
مدوه أخياني في قبر ملحود = وسدوا عليه اللحد لبنه وطينه
وعند الدفن حالي ما عنه منشود = العين غرقانه ونفسي هزيله
آراقب المنظر والحلق مسدود = أراقب ابيي وهم يدفنونه
هذا القدر ياناس وما بالحكي فود = أبو علي رااح وما به مثيله
ياالله يا معبود يا راعي الجود = يا رب يا غفار راعي الفضيلة
أدعوك يا رحمن يا خير معبود = اغفر لبوي يالله واقبل جميله
وختامها اصلي واعيد وازود = على النبي عداد رمل النثيله
[ عبدالعزيز بن عبدالله العبيد ]