المساعد الشخصي الرقمي

مشاهدة النسخة كاملة : داخل على الله ثم عليكم يالاجواد


ksa1ksa
12/09/2010, 08:01 PM
كل عام وانتم بخير

يالربع من يفزعلي الغنم كل يوم ينسرق منها والعامل كم مره لقيته مضروب او مهدد بسلاح كنت شاك بالعامل لاكن الشرطة كم مره تمسك الحرمية ويعترفون ياليت احد يفزعلي يعطيني كلب الله يعزكم مع الغنم يحرسها

الفزعه يالربع الفزعه بقيمه ولا بشيمه

جزاكم الله خير ورحم الله والدينكم وجعل من جابكم بالجنه
دل البحار
12/09/2010, 08:07 PM
الله يعينك ويدحر كل ظالم سارق
انت اشر لك كلبين افضلك ويكونون من اشرس انواع الكلاب وأشدها ظراوة خلها تمزق الواحد اشر تمزيق ويكون عبره لغيرهم
كل عام وانت بخير
ابوحمد 2009
12/09/2010, 08:44 PM
لا واناا اخووك لا تشري دورلك اي واحد رااعي سلق او عنده كلب حرااسه وخذ منه جروو
ksa1ksa
13/09/2010, 12:40 AM
الله يجزاكم خير
أبو_خالد
13/09/2010, 12:58 AM
بأي ديرة أنت؟
ساحووق
13/09/2010, 09:58 AM
داامهم كمخم الهندي وهددوه بالسلاح وهووو انسااان فما بالك بالحيواااااان والله اللي يمعطون الكلب ليا هو منسدح

تحيااتي
العبقري 1
13/09/2010, 11:07 AM
داامهم كمخم الهندي وهددوه بالسلاح وهووو انسااان فما بالك بالحيواااااان والله اللي يمعطون الكلب ليا هو منسدح

تحيااتي

لا .. الكلاب تربك الحرامي وتصوت عليه ولايقدر يطلق عليها خايف أحد يداهمه على صوت السلاح ،
لكن الهندي يهددونه إن هو أصدر صوت .
صقر الحراملة
13/09/2010, 06:26 PM
شوري عليك هو إنك تحط لك سلك شايك حول مراح الغنم و تخليه على 3 أدوار مثلاً

و تجيب لك كهربائي يسوي لك فيش و يكهرب لك الشايك بس أهم شي يكون فيه شبك عادي بينه و بين الغنم

و اذا جا المغرب تخلي الهندي يشغل الكهرباء على ذا الشايك

لعل الله يردعهم
مكشاتي كوكتيل
13/09/2010, 08:47 PM
دام إنهم طابين عليك كل شوي أكيد إن موقع الشبك صار معروف للحرامية . حاول تغيّر موقع الشبك عشان تتجنبهم .

وبالنسبة للكلاب فهي ماليه الشوارع وأكيد راح تحصلها عند البيوت المهجورة أو التشاليح أو المستودعات .

ودام إنك تقول إن الشرطة مسكتهم كم مرة أكيد إنك تتنازل عنهم . صحيح التنازل أمر جميل لكن يبي لهم قرصة إذن يعني خلهم يخيسون في السجن لين يتوبون ويصيرون عبرة لغيرهم .


الله يحفظك ويحمي حلالك ومالك ويهدي من ضل عن سبيله .
ksa1ksa
17/09/2010, 10:42 PM
جزاء الله الجميع خير

لاكن اتمنى اني احصل طلبي
مدغم
17/09/2010, 11:17 PM
مالك الا تندس وتخلي سيارتك عند قصراك و سلاحك معك و فك حلالك بيمينك ترى الحرامية من يدرون ان واحد تصوب يم الشبك الفلاني ما عاد عسوا المنطقة
نجم سهيل 111
17/09/2010, 11:55 PM
الله يعوضك ويخلف عليك والحل هو تغيير محل حلالك ونقله إلى مكان بعيد عن هالمكان وتربح العافية إن شاء الله
فتى الوادي
18/09/2010, 12:00 AM
إذا الكهرباء متوفر في مراحك .. ركب لك كميرا مراقبة مع جهاز تسجيل ويكون جهاز التسجيل في مكان محصن ضد السرقة .. على الأقل راح تتعرف عليهم ...
البدر900
18/09/2010, 12:08 AM
مساك الله بالخير اخوي

والله ان الواحد ماوده بالقشر ولا بالمشاكل

واحياانا يتغاضى عن اللي له كفا للشر

لاكن اذا ماافااد .... الشكوى لله ماادوون الحلق الا اليدين

هذولا واجبهم وحقهم معرووف دام الشرطه ماانفعت والعامل يضرب كم مره ...والكلب اكرمكم الله من وراه طلقه ويقتلونه او يدهسوونه بالسيااره

وين حنا فيه خذ حقك وفك حلالك بيمناك

وابشر بالفزعه داامك تنخاانا

لان ذولا من المفسدين بالارض
ksa1ksa
18/09/2010, 12:59 AM
البدر 900

بيض الله وجهك وماقصرت
gentel
20/09/2010, 10:33 AM
عندكسوق العزيزيه حق الطيور تحصل لك واحد شرس جدا
حنيف
21/09/2010, 02:28 PM
الله يهداك بلاك من بطنك ولا انت مانت عايز الحراميه
كل ما صفر جا لاعندك وخذ الي قدر ياخذه وروح
اييييه ايه بس الحل عندي وانا بو مزنه .وهو انك تجي لا عنده وتعطيها اياه
لوجه الله وتحتسب الاجر وتكبر في عينه ولا تروع العاامل
ولا تروع نفسك
google-999-
21/09/2010, 02:37 PM
في سووق الحمام بالرياض ينباعن
بس مدري على كم لكن
الي اعرفه انهن حقت حراسه واسمها المانيه
الزمان مغبرنا
25/09/2010, 11:47 PM
يا صاحب الحلال احسن حل انك تروح لسوق الحمام وانا شفتها على الطبيعه كلابه حراسه والله لو تطلعلك في الليل والله ان تنهبل من شكلها وكبر حجمها بس تراها غايه لكن ما تغلى على غنمك اذا كانك كثيره وسعر الكلب الواحد من 1500 الى 2000 ريال لكن تراها مهب اي كلاب ولا تخاف من اي واحد يرفع عليها العصا او حصاة ما تخاف الا من راعيها وبس ...

وهلا بك ...
الزمان مغبرنا
25/09/2010, 11:48 PM
ويا ليت تعلمني وين مكانك يمكنك حولي وانا مدري ,,,
العاذر
26/09/2010, 12:21 PM
خل الشبك قريب من الخط العام وحول الناس لاتصد بغنمك بعيد

وشتر كلب حراسه وفعل السبب

ونا جاهز اي فزعه انا مستعد عندي جيب صدامة يهوّل نحشرهم حشر ونخليهم عبره لغيرهم

هذولا مجرمين ماينفع معهم الا القوه والعنف

ونعطيهم درس ماينسونه
أنت تشر أنت
26/09/2010, 12:24 PM
عليك بالكلاب البوليسي
والله مايقربون
بازار شريف
26/09/2010, 01:05 PM
المفروض ان الحلال قريب من راعيه اما الكلاب مامنها الا النجاسه
ان كان حلالك على الطريق ولا له مكان يوزيه اكيد بيطمعون فيه الحراميه حنا بالجنوب وما قد سمعت
بالسرق الا مره ونزل فيه قصاص قبل كم سنه بالنسبه لي عندي فحل ضان مشتريه ب2000ريال نطوح
والله ماحد يقدر يمسك واحده من عنده تدخل تمشي مافيه مشكله لكن تشيل الويل الويل
يقول المثل سكر دارك وصن جارك اي احكم اغلاق المحاويش وتوكل على الله وياويل من شال شي ماهو له
ABO-3BDULLAH
05/10/2010, 09:09 PM
عليك بالكلاب البوليسي
والله مايقربون


هذا الكلام

كنت بقولك عليه

وهذي الكلاب تنباع في سوق الحمام

وهي شرسه بالحيل

وسعرها معقول يعني تقريبا تصل إلى 3000 ريال
ناقل الخير
06/10/2010, 12:15 AM
واالله انهم بهذلوناا وحناا في البويب وكل يوم يجون ويسرقون بس بعد اراده الله في كل شي فزعلناا راعي شركه وطلع شيول وحفد تراب على جميع امراح الغنم وبعده اكثر من 200 متر وبوابه وبعد هذا ومن فضل ربك ارتحناااا والله من هالكلاب اعزكم الله والحين مع الله الامور تمااام وبعدين اخوي حاول ان تنام لك ليله عند الراعي وتبعد سيارتك وتغيبهااا عنهم لكي مايشوفونه وبعدين اذا جوا الى انت عند الغنم وتفاهم معهم بابوعكفه على التماتيك وانفضهم يالذيب
bnhmmad
07/10/2010, 07:29 AM
الله يكفيك شر الحرميه
الغريب 2000
07/10/2010, 09:06 AM
الاخ KSA ياخوي لاتشري كلب شفهم مالين تشاليح الحائر والنظيم تحصل جرو وخذلك 3او 4 وخل الراعي يربيهم وغير مكان غنمك لافيه مشكله ولافزعه ولامحتاجه الامور كل ها الشئ تصيح احسب ان عندك مصيبه لاسمح الله لو كل واحد كل يوم يسرق من حلاله وساكت ان كان ياخوي من شرا الحلال على العموم انا اعتبر ان حل الموضوع بيدك انت ولايحتاج تنتظر راي الناس ارجو ان تتقبل مروري ولك تحياتي
راكان 11
07/10/2010, 09:13 AM
شوري عليك هو إنك تحط لك سلك شايك حول مراح الغنم و تخليه على 3 أدوار مثلاً



و تجيب لك كهربائي يسوي لك فيش و يكهرب لك الشايك بس أهم شي يكون فيه شبك عادي بينه و بين الغنم


و اذا جا المغرب تخلي الهندي يشغل الكهرباء على ذا الشايك



لعل الله يردعهم



والله الشور اللي مهوب مبروك
تبي تورط الرجال
ان مات أحد من الشبك وش بيفكه
سواء حرامي والا غيره
من شاورك دخل في ذمتك
أبو أمين
09/10/2010, 08:00 AM
اخوي المال السايب يعلم السرقه ومسأله كلاب والله ما تنفعك والكلاب الشرسه

ممكن تعود على الغنم ويصير حاميها باليها معليش غيرنا المثل

حاول انك تاخذلك كم يوم عند الحلال وزبن موترك مثل ما قالوا الاخوان وتوسد ابو عطفه يمال الشحم
coffeeholic
09/10/2010, 04:10 PM
والله فك حلالك بيمناك
عاشق الماركيز
10/10/2010, 02:04 PM
اخوي مالك الى تشتري كلب حراسه وفيه له مدربين يدربونه شهرين وانشالله بيريحك عندنا مزرعه قبل نفس حكايتك يطبون ويسرقون التلفزيونات والاجهزه والعامل يخاف ويهج ومن حطينا الكلب تكرمون والحمد الله الين بعناها مانسرقت
سم العدو
10/10/2010, 02:20 PM
الله يعينك
الله ماكثر الكلاب وانا اخوك لا تشتري ولا شي اخذلك اي كلب في الشارع وعطه اكل وخلاص
وان بتسمع نصيحتي قابل انت اغنمك ابركلك
اسير الغضا
10/10/2010, 02:30 PM
اخاف اذا اخذت واحد كبير ياكل غنمك عليك بواحد صغير وربه لمان يكبر

ولا حط شبكين شبك الغنم وشبك برا ووصله سلك كهرب وحط لوحات بهن نور انه مكهرب قاتل
aboraish
10/10/2010, 11:18 PM
اول شي الله يعوض عليك وثاني شي يبيلك تندس وتحتريهم وخل سلاحك معك يمكن يجون وسمع نصيحتي ونا اخوك ان قربو طلقتين با الهوا وبها الوجه ان جو مره ثانيه وبا النسبه للكلب الله يكرمك ضروري لانه يفضحهم والله يستر عليك هاذي وجهت نظري
معدي المرقاب
11/10/2010, 02:36 PM
الله يعينا ويياك
سيل بن سايل
11/10/2010, 02:41 PM
الله يعينك عليهم
ksa1ksa
12/10/2010, 07:32 AM
ابشركم ياشباب واحد من العيال باع

الغنم حقته واعطاني كلبين كل واحد اكبر من الثاني

وكلابه كانت في الصمان حتى الحصانيه تذبحها ذبح

مشكورين على تفاعلكم وردودكم والله يجزاكم خير