كيف نتخلص من مافيا البناشر والمشاحم

[هويدي]

السلام عليكم ورحمه الله وبركاته

كل عام ونتم بخير

لايخفى على الجميع ضحك اصحاب البناشر والمشاحم على الناس كل السنين اللتي مضت
ولكن وعي المستهلك بدا يزيد يوم عن يوم ولله الحمد بسبب طمعهم وجشعهم اللا متناهي

الغالبيه عرف او يعرف ان علبه الزيت تكلف بالجمله 7 ريال ومكتوب عليها من مصنع سعودي 15 ريال !! والمستهلك ياغافل لك الله

والبطاريات والكفرات حدث ولا حرج :mad:
كل شهر رافعين اسعارها وكل فتره تتدبل اضعاف مضاعفه الى متى ؟؟؟؟؟؟

العام الماضي شريت بطاريه 50 امبير يابانيه بـ 110 ريال
اليوم رحت اشتري 40 امبير كوريه بـ 180 واللي يقول بـ 200 !!

وعلى طاري البطاريات اللي بيغير بطاريته لايبيع بطاريته القديمه بأقل من خمسين ريال
لان عذرهم والم اذا قلت ليه ارتفع السعر قالولك الرصاص غالي والمصنع سعودي
الحلال حلال ابونا والقوم حاربونا

انا لا احسدهم على مكاسبهم بس هذه ليست تجاره هذا اكل اموال المسلمين بالباطل
ليه تضيق على اخوك المسلم علشان تشبع طمعك وجشعك ... واللي يزيد الطين بله انهم متفقين على سعر معين علشان تنحد عليهم :(

اتمنى ان تشاركوني بوضع بعض الحلول وكما اتفقوا نتفق نحن المستهلكين كطريقه اصلاح البطاريه او وضع موضوع متجدد بأسعار البطاريات والكفرات الخ

واعذرونا على الاطاله

[صقار شياهين]

بيض الله وجهك ياهويدي وانا معك في كل كلمة قلتها

[ريان2002]

أخوي هويدي مساك الله بالخير وكل عام وأنت بخير
كلامك سليم وحأختصر وأتمنى مقصدي يكون واضح
أنت وأنا وبعض الناس نرى أن هذا أكل لأموال الناس بالباطل حتى لو كنا نملك الملايين لأن لدينا عقول نفكر بها ولكن بعض من أنعم الله عليهم لايفكر بالمنطق تجاه مثل هذه الأمور بل يدفع ويمكن يعطي بخشيش وطالما وجد مثل هؤلاء فلن يتغير الوضع إلا بتدخل حكومي ولن تفيدنا التحالفات لأننا مانفهم لها وتذكر حملة خلوها تصدي وغلاء المواد الغذائيه وقبل كل زياده 5 في الميه في الرواتب يسبقها بشهرين أو أقل إرتفاع في أسعار أغلب السلع وهذا دليل على ضعف الرقابه
وأذكر على سبيل المثال كنت مع أحد الزملاء في مكتب عقار وكان يحاول إستأجار شقه مفروشه سنه دراسيه له ولأهله سبق وأن شفناها بسعر أقل من ماهو مطلوب وفجأه جاء رجل بمبلغ 24000 ريال إيجار لشقه في نفس العماره لبنته المعلمه وأخوها الصغير ولمدة عشرة أشهر
فبعد هذا المشهد هل تظن أن صاحب المكتب سيقوم بخصم من قيمة الإيجار لزميلي ؟
ملاحظه - المشهد ليس مفبرك من صاحب مكتب العقار لأن زميلي أخذ الشقه التي كان يريدها فتره من الزمن وكان يرى ذلك الرجل بين فتره وأخرى في العماره
وختاما إن لم يكن هناك رقابه حكوميه فأرى من وجهة نظري بأن الوضع إن لم يبقى كما هو فسوف يتجه إلى الأسوأ وأعتذر لأني تحدثت بشكل عام وخرجت عن صلب الموضوع وسلامتك

[هويدي]

يعطيك العافيه اخوي صقار اسعدني مرورك وتعليقك

ويعطيك العافيه اخوي ريان على المداخله والمشاركه كلامك منطقي حقين ادفع وبخشش بدون مكاسر وتسعير هم اللي خلو اشكال هؤلاء يتمادون

فلو طبقنا كلامك واستبعدنا المقاطعه اقل شي نسوي لنا موضوع متجدد بمتوسط اسعار البطاريات والكفرات وغيرها من القطع الاستهلاكيه

ونا إن شاء الله اببداها اليوم واسعر بشارع الريل <= غصبن عليك بتشري بطاريه :)

وللأسف بعض تجارنا مثل ماتفضلت اعماهم الطمع واصبح كالنار يأكل الاخضر واليابس ـ يكفانا شره ـ
((ويوم نقول لجهنم هل امتلأت وتقول هل من مزيد ))

[ن م ر]

فعلا شي يقهر

ابو يمن ومن هم على شاكلته ما يرضون الا بدبل السعر أو ربح عالي جداً

أمثله بسيطه لعل القارئ الكريم يعي ما يدور حوله :

- الزيت : سعر الجمله 8 ريال ويبيعه عليك في البنشر 14 أو أقل أو أكثر ياخي حتى تجار المخدرات [ وانتم بكرامة ] ما سووا كذا
- الكفرات : تلقاها في موزعي الجملة مثلا بـ 400 ريال يجيك اللي مانيب قايل في البنشر ويبيعها بـ 480 ريال على الأقل .... ياخي من حدد لك هالسعر ؟ والمشكله انه يحلف انها ربحه بس 10 ريال !!!!!
- السيفونات : تباع في الوكاله بـ 15 واحيانا اذا شريت قطع غيار أخرى يطلع لك خصم 25% أو 30% ويطلع عليك السيفون وفلتر الهواء مجانا وخصم كبير وانت متطمّن انها أصلي بعد والمشكله في البنشر تلقاه بـ 25 ريال والا 30 ريال ويحلف انه الأصلي ومعظم اللي في البناشر تجاري
- البطاريات : تجي البنشر تلقى بطاريات من أيام الدولة السعودية الأولى ويبيعها بأسعار مبالغ فيها وياخذ بطاريتك الأصليه اللي فيها يمكن نص عمر بـ 10 ريال


يا أخوان الوضع يبي له وقفة جادّة من الدولة وشرذمة زي ذولي اللي ما يخافون الله .. الدوله ما هيب عجزانه عنهم ... بس يبي لنا تكاتف ومقاطعة النصابين والجشعين


عذرا على الإطاله فهذا غيض من فيض

[سلومي سار]

هل تعلمون ان هناك جهه رسميه اسمها الاحصاء تمر على المحلات كل شهر وتسعر بعض المواد


ولكن وش هدفها الله اعلم


حصل نقاش بيني وبين موظف الاحصاء

محدثكم : الله يعطيك العافيه
الموظف : الله يعافيك
محدثكم : ممكن تعطيني فكره عن عملك
الموظف : نحن نمر على المحلات ونشوف اسعار السلع هل تغيرت ولا هي نفس السعر
محدثكم : حلو يعني التاجر ما يقدر يرفع الاسعار
الموظف : حنا علينا بس نشوف الاسعار
محدثكم : طب وفي حالة ارتفاع الاسعار من قبل التاجر انتم وش دوركم
الموظف : ابويه الله يرحم والديك انا موظف وبس (بلهجه حجازيه)



يعني في الحاله ذي الله يطول عمر الي بالرياض

[دل البحار]

اصلا المستهلك ماهمه الفلوس وده يخلص ويمشي ولعلمك ابو يمن طغو في البلاد وصار اليماني يمتهن اي مهنه ما هموش حاقه

[alimuhammed]

الجشع ليس من اهل البناشر الجشع من اللي يؤجر المحل للبنشر

الايجار ما ينزل عن الـ 90 الف ريال و بعضها بـ 150 الف

وين يسددها صاحب البنشر الا من جيبك و جيب الثاني و لا سكر محله زيه زيكم ماكول ماكول

انا فتحت بنشر قبل 7 سنوات و الربح نفس الربح اليوم بهذا الفارق لكن اغلقته بسبب جشع المالك و جاء غير و استأجره وشغال

صحيح ان المربح كبير لكن المصروف كبير ايضا

و الذي حدهم على هذا جشع ملاك العقار هم السبب

و اذا منتوا مصدقين انظروا الى السلع الاخرى و شوف كيف ارتفعت اضعاف مضاعفة

لكن الذي يريد التوفير عليه بالتعب
اشتر الزيت من محل الجملة و احفظه عندك و كل مرة تريد التغيير خذ العدد الكافي لسيارتك من العلب و روح للبنشر و قله غير الزيت الزيت معي ما يأخذ على تغيير الزيت الا 5 ريالات و تغيير السيفون 5 ريالات ايضا
يعني اذا غيرت زيت لوحده بـ 5
و اذا غيرت زيت بالسيفون بـ 10
و تجد صاحب البنشر راضي و مبسوط

[هويدي]

يعطيكم العافيه يا اخوان على مشاركاتكم ومداخلاتكم الرائعه

ذكرت في بدايه الموضوع ان البناشر اللي بالحاره قالولي بطاريتك 40 امبير حقت سياره تايوتا صغيره
وقالو قيمته 200 ريال و180 بعد مارحت لشارع الريل ااجمعوا كلهم على انها 60 امبير صغيره

مالكم بالطويله الاسعار 160 ايسي ديلكو و 140 للهنكوك كوريه واخذت اندونيسيه ضمان سنه 120 بعد المكاسر

[بو نوره]

الغالبيه عرف او يعرف ان علبه الزيت تكلف بالجمله 7 ريال ومكتوب عليها من مصنع سعودي 15 ريال !! والمستهلك ياغافل لك الله



اذاً المشكلة من المصنع السعودي ... وش دخل البناشر والمشاحم :(
بختصار شديد : لو لم يكتب على العلبة السعر 15 ريال كان مايحلم راعي المشحمة بأكثر من 9 ريال للعلبة .

[You Like Me]

اذاً المشكلة من المصنع السعودي ... وش دخل البناشر والمشاحم :(
بختصار شديد : لو لم يكتب على العلبة السعر 15 ريال كان مايحلم راعي المشحمة بأكثر من 9 ريال للعلبة .


:good2:

صدقت

[ملقاط بن جمر]

الحين أوفر حوالي 50 ريال في غيار الزيت والسيفونوالفلتر

أخذالزيت من الصناعية بسعر الجملة
والسيفون والفلتر نفس الكلام ..
وأغير عنده بعشرة ريال ..

يوم الجمعة الماضي يقول لي .. تعال وحنا بنسوي لك سعر خاص في الزيت بنخلية لك بـ 14
ومادرى إني آخذه بعشرة ..

قسم بالله نهابه عيني عينك .. بس وين اللي يقواهم ..

[ابو نايف التميمي]

الي المفروض يحاسب اول شي هو من سمح بان يكتب على العبوه 14 ريال وهي تباع ب8 وب9 حتى وصلت الحين الى 10 على ما اظن

وزارة التجاره هي المسؤوله عن هالتلاعب هيا من سمحت لأصحاب البناشر بان يحتالو على الناس بحجه ان السعر مطبوع على العلبة.. الحين شالو الطباعه لكن بقت الطبايع السعر لازال ثابت

[sato4]

امركم غريب يعني التاجر يشتري الزيت بـ7 ريال و يبيعه لك بــ7 ياشيخ تكلمو زي الناس طيب البنشري ماياخد حقه طيب عليه اجار محل وعليها اشياء كثيره انتم فالحين على الصعفاء روحو تشطرو على الي ماكلين الاخضر واليابس تشفون الاشياء التافه هادي وتغمضون على الاشياء الكبيره

[رواق]

أزودكم من الشعر خيمة ام عمودين

حتى لو جبت الزيت بنفسك الآن يبي يلعب عليك

بناشر كنت أغير عندهم بـ ١٠ ريال ، جيتهم يوم من الأيام في نص رمضان قالوا بـ ٢٠ !!!

ومريت ٤ بناشر كلهم قالوا بـ ٢٠

فعلا مافيا وأكيد انهم متفقين لأنهم لاحظوا حركة ان الواحد يجيب الزيت بنفسه !!

في ثالث بنشر مريت عليه عرفت ان الدعوه ليست مصادفة ، وبعد ماتناقشت انا واياه انها كانت بـ ١٠ وش رفعها

انقهرت وقلت وانا راجع بالسيارة : يعني نصب عيني عينك ؟!

قال لي اليماني : الله يسامحك

طبعا يوم شفته مسوي فيها بريء صرت بجيح وقلت له : ياحرامي يابويمن يعني لازم تسرق حتى وانا جايب الزيت بنفسي !

الخامس مريته قال بـ ١٥ ، قلت والله لو ارفع السيارة واغير الزيت انا وماتاخذ هالخمسة

صارت المسألة مسألة مبدأ ، ومابيهم يحسون انهم غلبونا

سادس واحد مريته قال بـ ١٠ وسفطت عنده مباشرة ، و والله العظيم اني فكرت اعطيه ١٥ ريال وأقول له السالفة عشان ابين له ان الفكرة مو فكرة ٥ او ١٠ ريال

[أبوتركي V8]

اه بس حلله لوني مراقب في البلديه كان والله ما غير الصراط المستقيم شي كان اعلمك فيهم

[رفيع المقام]

موضوعك رائع..

الا على طاري البطاريات رحت عند أحد محلات بيع البطاريات وقطع الغيار ورأيت شخص قبلي يبي يغير بطارية سيارته
الشاهد إن الرجال غير بطاريته من المحل وخلى البطارية قدام المحل ((في المواقف)) الزبدة يوم راح الرجال ..والعامل يسارق النظر وأخذ البطارية القديمة...



كنت بأكلم الرجال لكن ما أمداني

[هويدي]

اذاً المشكلة من المصنع السعودي ... وش دخل البناشر والمشاحم :(
بختصار شديد : لو لم يكتب على العلبة السعر 15 ريال كان مايحلم راعي المشحمة بأكثر من 9 ريال للعلبة .


صدقت اخي ابونوره بس تعلم كما يعلم الجميع ان مصانعنا سعوديه بالاسم كباريه موظفي الشركات اجانب ولو كتبلك الله وظيفه متواظعه فيها بتشوف الننون وما يعلمون من عنصريتهم وحقدهم وتطفيشهم للمواطن ـ الا من رحم الله ... والدعوى ونا اخوك ما وقفت على الزيت فقط .

البطاريات والكفرات كل مالها تدبل اسعارها هذا غير السيفون المغشوش اللي يبيعه لك بأعلى من قيمته اصلي بالوكاله


الحين أوفر حوالي 50 ريال في غيار الزيت والسيفونوالفلتر

أخذالزيت من الصناعية بسعر الجملة
والسيفون والفلتر نفس الكلام ..
وأغير عنده بعشرة ريال ..

يوم الجمعة الماضي يقول لي .. تعال وحنا بنسوي لك سعر خاص في الزيت بنخلية لك بـ 14
ومادرى إني آخذه بعشرة ..

قسم بالله نهابه عيني عينك .. بس وين اللي يقواهم ..

وفقك الله وياليت الجميع يحذو حذوك لعلها ترجع اسعار اول ويعرفون ان المواطن مفتح موب كل يوم
دابلين الاسعار ومطلعين لنا نهابه جديده


الي المفروض يحاسب اول شي هو من سمح بان يكتب على العبوه 14 ريال وهي تباع ب8 وب9 حتى وصلت الحين الى 10 على ما اظن

وزارة التجاره هي المسؤوله عن هالتلاعب هيا من سمحت لأصحاب البناشر بان يحتالو على الناس بحجه ان السعر مطبوع على العلبة.. الحين شالو الطباعه لكن بقت الطبايع السعر لازال ثابت

هذا الكلام يالتميمي لكن لاحياة لمن تنادي وزاره التجاره بتقول مب لازم زيت مكينه حطو ودتس :)


امركم غريب يعني التاجر يشتري الزيت بـ7 ريال و يبيعه لك بــ7 ياشيخ تكلمو زي الناس طيب البنشري ماياخد حقه طيب عليه اجار محل وعليها اشياء كثيره انتم فالحين على الصعفاء روحو تشطرو على الي ماكلين الاخضر واليابس تشفون الاشياء التافه هادي وتغمضون على الاشياء الكبيره

عزيزي حنا ماقلنا لا ياخذ مكسب بس مثلك شايف الاسعار كل مالها تزيد .. الى متى طيب ؟
3 ريال مكسب بالعلبه وشغل يد عشره مع السيفون اليست كافيه .؟
انت نظرت للموضوع من منظور البنشري او صاحب المشحمه وهو لايهمنا ولاهو محور موضوعنا
مايهمنا منضورنا نحن المستهلكين : اليس لدينا التزامات اخرى وآجار ومصاريف لايعلمها الا الله
الهدف من طرح الموضوع الحد من مسأله اغيب اسبوع القى كل شي مرتفع خمسين ( بطاريات كفرات)

أزودكم من الشعر خيمة ام عمودين

حتى لو جبت الزيت بنفسك الآن يبي يلعب عليك

بناشر كنت أغير عندهم بـ ١٠ ريال ، جيتهم يوم من الأيام في نص رمضان قالوا بـ ٢٠ !!!

ومريت ٤ بناشر كلهم قالوا بـ ٢٠

فعلا مافيا وأكيد انهم متفقين لأنهم لاحظوا حركة ان الواحد يجيب الزيت بنفسه !!

في ثالث بنشر مريت عليه عرفت ان الدعوه ليست مصادفة ، وبعد ماتناقشت انا واياه انها كانت بـ ١٠ وش رفعها

انقهرت وقلت وانا راجع بالسيارة : يعني نصب عيني عينك ؟!

قال لي اليماني : الله يسامحك

طبعا يوم شفته مسوي فيها بريء صرت بجيح وقلت له : ياحرامي يابويمن يعني لازم تسرق حتى وانا جايب الزيت بنفسي !

الخامس مريته قال بـ ١٥ ، قلت والله لو ارفع السيارة واغير الزيت انا وماتاخذ هالخمسة

صارت المسألة مسألة مبدأ ، ومابيهم يحسون انهم غلبونا

سادس واحد مريته قال بـ ١٠ وسفطت عنده مباشرة ، و والله العظيم اني فكرت اعطيه ١٥ ريال وأقول له السالفة عشان ابين له ان الفكرة مو فكرة ٥ او ١٠ ريال

كفو والله

فعلاًُ شي يرفع الضغط يتفقون علشان تنحد عليهم وزي ماتفضلت السالفه ماهي سالفه دراهم اهم شي المبدأ

اعطيه 50 بنفسٍ طيبه ولا ياخذ ريال غصبن علي

[هويدي]

اه بس حلله لوني مراقب في البلديه كان والله ما غير الصراط المستقيم شي كان اعلمك فيهم


عساك تصير وزير التجاره :) ماعلى الله كايد
وتمشي جميع التجار على السراط


موضوعك رائع..

الا على طاري البطاريات رحت عند أحد محلات بيع البطاريات وقطع الغيار ورأيت شخص قبلي يبي يغير بطارية سيارته
الشاهد إن الرجال غير بطاريته من المحل وخلى البطارية قدام المحل ((في المواقف)) الزبدة يوم راح الرجال ..والعامل يسارق النظر وأخذ البطارية القديمة...



كنت بأكلم الرجال لكن ما أمداني

ومرورك اروع والرجال ظعيف مايدري انها تباع بخمسين وتصلح ويرجعون يبيعونها علينا بـ 100 او اكثر

[النتاوي]

عساك تصير وزير التجاره :) ماعلى الله كايد
وتمشي جميع التجار على السراط



ومرورك اروع والرجال ظعيف مايدري انها تباع بخمسين وتصلح ويرجعون يبيعونها علينا بـ 100 او اكثر


لا تلوم أحد والله انا مرة طلعت معي عامل يكشف على السيارة ..

وطق مني 50 ريال واستلزم الامر تغيير بطارية ..

فرميت القديمة قال (أنا يبغى هذا إذا إنت مايبغى) ..

قلت خذها بعشرة .. والله انهبلت يوم طلع العشرة وأعطانيها ..

لأني قلتها مزحة .. وقلت أكيد فيه سر ..


ومن يومها وأنا أبحث لين لقيت إنها تباع بـ 50 .... وقمت أدور على البطاريات المجدوعات بالشارع ههههههههه