الاخوان في الله المري . الصفيتو ولا يهون الباقين تفضلوا أبيكم

[abu saud]

[size=4]بصراحه شريت لي فرخ شاهين وبدأت أدربه .... الحين صار ينقز من على الوكر على يدي لما يكون معي علف.بس لما ما يكون معي علف ما فيه أمل يجي والسوءال هو كيف أخليه ادا دعيته يجي حتى لو ما معي علف .أرجو منكم سرعه الرد وجزاكم الله عني ألف خير

[صوعان]

اخوي ابو سعود اهم لاتستعجل على الطير ....وخلك على ها الطريقه لايعلف الا على يدك وكثر النقل انقله كثير وخاصه في اليل
اهم شي العلف لا يعلف الا على يدك ومع الوقت يتعود الطير ويرتبط العلف بك انت ..فاول مايشوفك يتحرى العلف
وعلى فكره اغلب الطيور ماتطمر على اليد الا اذا شاف العلف
بعدين حاول تبعد المسافه عن الوكر يعني اول مره خلك قريب ونسره تنسير بعدين رجعه على الوكر وابعد شوي ونسره ثانيه وعلى ها الطريقه لين يبداء يجي من بعيد

[لهاب]

بسم الله الرحمن الرحيم،،،،،،

مرحبا اخوي أبو سعود وانا اقول مثل ماقال اخوي ( صوعان )وكثر النقل على الطير يطيح مافي راسه مع النسور.

مع التحيه للجميع،،،،،،،

[abu saud]

جزاك الله خير أخوي صوعان كفيت ووفيت

[abu saud]

أخوي لهاب الله لا يحرمني من الصحبه الطيبه

[المري]

ارحب يابو سعود واسف على الـتأخير لأني ماشفت الموضوع اللي ذا الحين..


الطير اذا تعود على شي واخذ عليه خلاص لو تمد يدك وهو في عااازة العلف طمر على يدك..


أخر طير كان عندنا ندعيه على الدس وندعيه على العلقة ويجي ماعند اخلاف وبعض الطيور

الا حذفت له الدس وهو مار عليك كسر وووقع في الدس وذلك له ماخذ على الدس يعلف عليه..


فالنصيحة مثل ماقالو الاخوان لاتحرص على الطير تو الوقت, وعلى فكرة لاتنقز الطير بدون علف


تراه يخرب طبعه.....


والله يوفقك مع الجبلية وتصيد لك كل الصيد....

وتقبل تحيات اخوك / المري

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا طويل العمر .. الربع ما قصروا . الوقت بدري* والطير قبل 12يوم تقريا
جسارته بطيئه وعقب 12يوم تلاحظ جسارته كل يوم تزيد يخليك كل يوم
تحرى بكره بفارغ الصبر لما تراه من تجاوب .خلاص بعد كذا تبدا
تقصر له بالعلف نصف عشاه الأول تعطيه اليوم.. وبكره
عشاء..وبعده نصف عشاء وعقبه عشاء
تشوف الطير على قولت اهل
مجيرمه( يتلبطك)

والسلام
الفيتو
الحجاز
3-7-1426هـ

[abu saud]

اخواني الأعزاء المري ....الفيتو جزاكم الله خير الجزاء والله يجعلها في ميزان حسناتكم وبصراحه عاجز عن الشكر لكم وللأخوان صوعان ولهاب