اطلب مساعده رز البخاري اين طباخ البخاري

[جدود الحبوب]

بسم الله الرحمن الرحيم

كل عام وانتم بخير

تقبل الله صيامكم وقيامكم

يارجاجيل اليوم طالع للبر على اتويس

وعشانا رز بخاري

ابغا طريقة الطبخ للرز البخاري زي حق حفلات الزواجات ( يجيك اللحم يتقطع بسرعه مستوي عدل ورز طويل وحركات يحبها قلبك )


تكفون فزعتكم يانشامه
دمتم بود

[سلطان المغيري]

عيدك مبارك وكل عام وانت بخير


تجيب زيت وتحط فيه قطع لحم وعظم وتجلس تقلبها لين تشوفها تقمرت


ثم ترمي عليها بصل وتجلس تقلب لين يتغير لون البصل الى ذهبي غامق اهم شىء لاتحرقه


ثم تحط كمون مو مطحون ورق غار وكليل الجبل تحمسه اقل من نصف دقيقه ثم تكب الرز


عليه وتجلس تقلب وتقلب ربع ساعه ثم تحط مويه وملح ولا مرقة الحم الحم خليه على جنت ويكون


مستوي ناضج نرجع لرز تحط المرق وتحط جزر مبشور لا تكثر جزر ملي يدك ثم تحمر زبيب في زيت


لازم تكثر الزبيب اذا شفت الرز بدا ينشف ترمي الزبيب المحمر ثم تصف الحم فوق وتغطيه نصف ساعه


وبالف عافيه احفضها زين الخطوات راح يطلع معك بخاري وراح تدعيلي لون البخاري راح يطلع ذهبي


تبي فيه لون احمر تحط ملعقه كبيره معجون ولا تزيد