فزعه المكشاتيه تبين هالحين

[الجنوبي007]

السلام عليكم ورحمة الله وبركاته
الموضوع الله يسلمكم اني انشالله معزم للسفر يوم الجمعه للجنوب 1000 كيلو وقبل فترة لاحظت الكفر الخلفي جهة السائق ينسم المهم رحت للبنشر ولقى في مسمار وطلعه وحط رقعه خلاصه الموضوع ان في رجال كنت اسولف انا وياه يقول لاتسفر على كفر مرقوع ابد قلت يابن الحلال رقعه مسمار صغير قال انت بتسافر مع النهار والشمس تاثر المشكله الكفر جديد يعني حرام اغيرة الموتر جيب لاند قلت مالها الا المكشاتيه هم اللي عندهم العلم الوكاد

[502]

السلام عليكم وكل عام وانت بخير يا أخي العزيز أذا كان الرقعه في الكفر على جنب فكه وحطه أسبير وأذا كان الرقعه في الدعسه حقة الكفر مافيه مشكله بس زود الهوى حق الكفر يعني 40 وتوكل على الله وتوصل بالسلامه

[_دربيل_999]

اخوي..سافر وتوكل على الله..
وترى ممشى العصير أحسن..يكون برد البراد..
والرقعة نحطها دايم ونمشي بها بعز القوايل ولا شفنا الا الزين..

بارك الله فيك..

الروقي

[يوسف 206]

اخوي سافر ولاتشيل هم اذا كنت ماتسرع يعني سرعتك بين ١٢٠ و١٤٠
العام الماضي بالرياض ناوي اطلع للقصيم وانشق الكفر دخل فيه موس عريض حق الفرشات ومريت لي بنشر وقال عندي رقعه المانيه ابرقعه لك اذا نقص ارجع لي واركب لك كفر جديد قلت له توكل على الله ورقعه الرجال بشر ثمانيه وجلسن الكفرات بالموتر حتى شهر ٣ حوالي ٧ شهور ولا فيه اي اشكاليه ولله الحمد علماً ان مكان التنسيم كان كبير

[الجنوبي007]

بيض الله وجهيكم والله لا يهينكم عز الله ماقصرتوا
بالنسبه لك اخوي ابو يوسف انا طال عمرك ممشاي دايم 180 ال 160
هل هو عاادي ولا

[أبوصقر]

يارجال توكل على الله أنا طلعت للجنوب ومسرع على الخط وممشاي كان ليل والحمد لله مااشتكيت منه وعفلت الموتر هناك وحصى وجبال.. يوم رجعت مشيت الصباح وعز الظهر وعلى سرعة عالية والحمد لله مع العلم أن الكفر فيه رقعتين..لكن الإحتياط واجب..

[صامولي]

توكل على الله
وفي التأني السلامة وفي العجلة الندامة

[راعي ذرف]

والله اذا كان سنة الصنع ماهو قديم توكل على الله
بالنسبة للرقعة اغلب السيارات كفراتهن مرقعة وخاصة راعين البر
مالك الا المكتوب ولا تهتم

[النتاوي]

يا خوي إذا الرقعة في الجنب .. ركب الاسبير أو خل ممشاك 120 140

لكن ترى يقولون حطو ساهر على الطريق السريع والعهده على سبق هههه

[الجنوبي007]

بيض الله وجيهكم
والله يستر من سااهر
والله الدعسه تشكي ههههههههههههه

[alimuhammed]

ارقعة رقعة حراري من عند الطيار و ريح راسك

ممتازة جدا

[سلكي نت]

توكل على الله


وفي التأني السلامة وفي العجلة الندامة

مثل ما قال الباشا

[الجنوبي007]

الله يحرم وجيكهم عن النار