يار راعين و خبراء السفاري (الفتك) فزعتكم ضرورررري لاهنتو (عااااجــل )

[نجد داري]

(( تـكـفـون فـزعـتـكـــــم و بــســـرعــه الله لايـهـيـنـكـم ))

ملاحظه هــامه ( الكلام على موديل 2009 فقط ) ,,,

السلام عليكم ورحمة الله وبركاتة , وكل عام وانتم بخير وسلامه .
اخواني الكرام قدر الله علي ونويت اشتري باترول سفاري ( فتك ) مـوديـل ( 2009م ) ولي اسبوعين وانا مطامر من موقع لموقع ومن معرض لمعرض :j والحقيقه دخت بقووووووه لأني انصدمت بكثرة فئات السفاري .

اسـفـسـاراتــــي بإختصار :

ـــ وش الفرق بالشكل الخارجي بين السفاري ( رقم 2 ورقم 1 ) ؟؟ طبعاً حسب علمي ان الجنوط تختلف ولكن ممكن يكون مغيرها راعيها ؟ أو كشافات الضباب وممكن يكون مركبها راعيها ؟ طيب وش الفرق الجذري اللي ممكن اكتشف فيه الفرق بين ( رقم 2 ورقم 1) من الخارج ؟

ـــ وش الفرق بالشكل الداخلي بين السفاري ( رقم 2 ورقم 1 ) ؟ يعني اذا ركبت الموتر وشلون اعرف اذا هو ( رقم 2 او رقم 1 ) ؟

ــ هل صحيح إن رقم (2) يجي فيه ثلاجه بالنص , ورقم (1) ما يجي ثلاجه ؟

ــ هل صحيح إن رقم (2) يجي فيه مثبت سرعه وتحكم بالدركسون , ورقم (1) مافيه ؟

ــ هل شكل المراتب يختلف بين رقم (2) ورقم (1) ؟

ــ هل السفاري رقم (1) ممكن يجي قير ( توماتيك+عادي )؟

ــ هل السفاري رقم (2) ممكن يجي داخليه لون غامق (رصاصي) ؟

ــ هل الفئة تكون مكتوبه بالاستماره ؟ أو هل تكون مكتوبه على الباب من الجمب ؟ أو في أي مكان بالسياره ؟

وأي معلومه إضافيه لاتذخرون علي فيها الله يجزاكم خير ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

معلومه مهمه :
انا لقيت باترول سفاري 2009 ماشي أقل من 30 الف قير (توماتيك+عادي) وتقريباً ممكن اخلص معه على (115 الف) والموتر بوديه نظيف ما شاء الله ومحركاته ولونه فضي وداخليه ( طبلون اسود ومراتب رصاصي ) , هل السعر مناسب ؟ مع ملاحظة إني الى الأن ما ادري هل هو ( رقم 2 أو رقم 1 ) !!!! وش الدبره ؟؟

[العايد999]

يفيدونك الاخوان انا شاء الله

[العابر2222]

والله يخوي فأت السفاري كثيرة وانا معاي فتك ما عرفت نوعه الى قريب شارية قبل 6 شهور

حسب معلوماتي ...

اعلى فئة هي سوبر سفاري (بجنوط 17 + شامووه داخلي شاشة + فتحه + كشافات + .... الخ)

يجي تحتها سفاري 2 (يجي بيج من داخل+ الطبلون من فوق اسود ومن تحت بيج + مراتب شكلها قريب من السوبر التكايات حقت الراس مربعه + يجي فتحه + يجي مثبت سرعه + الطبلون والعدادات ليزر + مساكات نيكل + الزيق الي فوق الأبواب على التندة يجي نيكل+ مكيفين + الجنوط ماني منأكد نفس السوبر ولا لا )

ويجي تحتها سفاري 1 (من داخل الطبلون اسود كله ورصاصي + المراتب رصاصي + القماش يختلف تكايات الراس تختلف مقوسه + مافيه مثبت سرعه +نور الطبلون عادي+مكيفين + الجنوط تختلف مقاس 16 + مافيه كشافات + المساكات حقت الباب نفس لون السيارة )

ويجي تحتها sgl (نفس السفاري 1 بس لون الرفارف اسود+ الصدامات لونها اسود + في الخلف كتابة البترول ماتجي نيكل + جنوط حديد عادية + يجي نوعين مكيف واحد والقطري مكيفين )


كلها تجي ثلاجة في الوسط +كلها تجي تربونيك (عادي+ تماتيك ) كلها تقدر ترهمها سوبر سفاري براحة

الشي الوحيد الي ممكن تفرق فيه لون الطبلون ونور الطبلون

انا معاي سفاري1 مرهمه سوبر سفاري كل شي خطوط وجنوط وكشافات ومركب له مثبت سرعه وشاشه وكل شي بقى شي واحد بلشت فيه لون الطبلون اسود

[راعي الفتك 9]

الفرق بين 1و2 مسجل السياره ومثبت السرعه

[كلاسيكو]

السعودي كل مواصفاته تقريبا واضحه
يبداء حبه حبه على قولتهم
يعني فتك سياحي يجي رفرف اسود داخل اسود مكيف واحد امامي بدون ثلاجه
فتك رقم 1 يجي اسود من الداخل جنوط 16 زي الفتك 2003 شكلها مكيفين ثلاجه بعضهم يجي مثبت سرعه والبعض بدون مثبت انوار اماميه عاديه
فتك رقم 2 داخل بيج جنوط 17 مثبت سرعه
فتك سوبر سفاري داخل بيج جنط 17 مثبت سرعه دفلوك انوار زينون طبلون ونور امامي فتحه حسب الطلب

اما الخليجي هو الي جت فيه اختلافات من حيث انك تلقى سياحي فيه فتحه ومواصفات وهو سياحي
اما السعودي كل فئه له نوعه

تقبل مروري

[نجد داري]

يامال الغناة والله يجزاكم عنا كل خير , وعز الله كفيتو ووفيتو بيض الله وجيهكم ( والحمد لله تم الإستيعاب أخيراً ) .

طلب أخير الله لايهينكم :

سفاري موديل 2009 رقم (1) وارد الحمراني , ماشي حول ( 27 الف ) اللون لؤلؤي والداخلي رصاصي , بوديه ممتاز جداً ولا جاه رش ابداً والمحركات والعضلات ممتازه , طبعاً مكيفين ولكن بدون مثبت سرعه , القير ( توماتيك+عادي ) ..... رايكم ياجماعة الخير , وش يـــســـوى للي يبي يستخدم ؟؟

[عطاالله ناصر]

8 8 8 8 8


اللي اشوفه هذا سعره ومايتعداها ابد



ونصيحتي لك دامك دافع مبلغ وقدره انزل لك موديل او موديلين بس اهم شى النظافه وخذ لك سوبر سفاري وان ماقدرت على الاقل سفاري 2 لان الفتك اللي تقوله مافيه اي مواصفات غير ان مكينته فتك اوما الباقي مافيه يعنى لا مراتبه زي اللي اعلى منه ولا داخليته لونها زين ولامسجل سيدي ولا مثبت ولا دفلك ولا فتحه ولا ليزر ........... الخ


وعلى فكره الخليجي بالسوق ارخص رغم انه انظف واقل ممشى ومواصفاته افضل بمراحل من السعودي ..




وموفق خير يابعدي

[كلاسيكو]

خذ كلام اخونا عطا الله ناصر
لان الفتك السياحي الي داخله رصاصي اسود غير مرغوب بالبيع زبونه قليل
لانه شؤوم من الداخل
يعني تمله بسرعه
لكن البيج من الداخل يعطيك نظره ويفتح النفس
تقبل مروري

[نجد داري]

الأخوان ( عطالله ناصر و كلاسيكو ) حياكم الله , وكلامكم على متمه ... ولكن المشكله اني قلبت معارض الرياض كلها , ومواقع البيع في النت شخلتها شخل وما لقيت اللي يبرد الخاطر .

يعني تلقا سفاري رقم (2) 2008 وماشي فوق 150 الف وطالب فيه ( 110 أو 115 الف ريال ) !!!!!
ولا سفاري رقم (2) 2008 نظيف بقووووووه ووقفته شيخ بمعنى الكلمه وماشي حول 47 الف وحاده بــ 125 الف ... هل يعقل يا ناس ؟
بالله وش رايكم ؟ هل هذا منطقي ؟ مع العلم إن الجميع يعرف ان ممشى الموتر مهم في البيع والشرا خصوصاً في السفاري , يعني الللاند كروزر اهون شوي .

وبيني وبينكم انا ابيه للشايب وهو يبي موتر كــد ومــد ولا فكر بالبيع لأنه بيستخدم اقل شي 4 أو 5 سنوات , وش رايكم يا جماعه ... مع العلم اني احتمال اخلص مع راعي الموتر على 110 الاف , وانا حرصة عليه عشان نظافته ما شاء الله وممشاه البسيط . بانتظار رأيكم لا عدمناكم ,,,

[ALBDRANE]

أشتر الطيب ولو تشريه دينه والردي لا تحطه لك مباري
شف ونا أخوك الزين والنظيف بياخذ حقه وأنت بتستخدم لا يهمك الزود أذا لقيت النظيف وخلك جازم وتوكل على الله والفتك قليل المعروض منه تتعب ما تشوفه في المعارض.
أنا أخبر لك 2009 في معرض سفاري 2 شيخ محدود 145 الف بتقول غالي بس هذا الي شفته قدامي ماشي حدود 30 الف لولؤي أذا تبي عنوانه قلي على الخاص

[طحنون]

خلك على الوسط وخير الامور اوسطها
لي زميل عنده سفاري 2 ... موديل 2009
استخدام حشمه وبدون رش وبدون ملاحظات ولم يدخل للبر سواى مرات معدوده على الصابع لان الرجال اعرفه زين سواقته هاديه جدا
المواصفات
رقم 2
اللون بنفسجي او صخري مااعرف اسمه لاكن يعطيك ثلاثه الوان اخر لون جديد نزل على السفاري
داخليخ بيج
ثلاجه
طاولات طعام
مثبت سرعه
تخشيبه
تحكم بالدركسون للمسجل والسيدي
كشافات هو مركبها من الوكاله بالجبر الدمام
لحيه
جنوط 17
اسيات شامواه
طبعا مكيفين
الموتر شبه جديد وملبس الارضيه بلاستيك والرجال جدا محافظ وممشاه 30 الف اقل بقليل او اكثر بقليل

اذا لك نظر علمني
موقع السياره الدمام

[الهاتف]

اخوي خذ كلام اخونا عطا الله ناصر

والله متندم وبعدين الزين غالي
انا اشتريت 2005 ب85 الف ماشي فوق 160كم

[مقلع الرمث]

الفئات كتالي

رقم واحد يجي مراتب عاديه قماش عادي مكيفين ثلاجه داخليه قريب الرصاصي جنوط 16

رقم اثننين يجي مراتب شاموه بيج مثبت مسجل وسي دي تحكم من الدركسون مكيفين ثلاجه جنط 17 كشافات

رقم 3 يجي الفل لكن يختلف بعض الاحيان تحصل فل بدون جلد وبعض الاحيان جلد

وهذا اغلبه يججي خليجي

الجميع لؤلؤي ويفرق الؤلؤي عن الالوان الثانيه 3 الاف

الاسعار رقم 2 موديل 2009 لؤلؤي ماشي 22- 30 ب 120 الى 22 اذا طق بوزه

رقم 1 2009 سعره راح يكون على نفس الممشى والنظافه ب 105-112

الفل سعره في بحر ال 145 النظيف ممشى قليل

طبعا الاسعار هذي تقريبيه وانت عاد لو شفت لون غير الؤلؤي نزل على السعر

وفرق الموديل 5000 الاف

ونصحيه الموقف لا تجيه دور مع السياره مع راعيها

لان الاسعار اللي وضعتها انت عاليه جدااا

يعني الفضي مايتعدى ال 15 الى 17 فقط

بالتوفيق

[saeeds]

الله ييسر لك الي فيه خير وانت ركز على الالوان الداخلية اتوقع ال2يجي غير الاسود

[راعي السلقه]

تركد ولا تستعجل ويرزقك الله ..
ودام الوالد الي بيستخدم ماانصحك تاخذله لؤلؤي , لأنه هو مهيب فارقه معه اللون الخارجي , بينما راح يوفر كثير لأنه غالي بالحيل هاللون , لكن الله يعينه على بيعته

[الأحترافي]

الله يوفقك