الفـــــــــــــــــــــــــازعه دفرنس الجمس هبلبي تكفون ابي حل

[الرحال تبوك]

السلاع عليكم ورحمةالله وبركاته
تاهو 99 الدفرنس الخلفي فيه حنه من 60 ال160 المكنيكي يقول اصلاحه يكلف 2300ريال والضمان شهرين ويقول السبب الزيت العادي عيار 90 او140 مع اني مغيره عيار 140 وهو يقول فيه زيت خاص بدفرنس الجمس بالوكاله مع اني سبق وغيرت الدفرنس كامل قبل خمس شهور وكان مكسر التروس من الدخل وانا محتار ابحث عن دفرنس مستخدم مره ثانيه والااصلح وهل كلام المكانيكي صحيح بالزيت وين احسن ورشه بتبوك لدفرنسات .
ابي حل الله يجزاكم خير ومن عنده خبره لايبخل علاينا

[عطيب ومايغيب]

وعليكم السلام ورحمه الله وبركاته

بختصرلك الموضوع
1الحنه تكون من الكرونه بس أذ صوتها ضعيف عادي وأذى كان قوي لازم تغيير
2الدفرنس ترى مشكله ولاحد يضمنه اخرطي يقول شهرين...يحطون مسحوق خشب بدفرنس ولايطلع الصوة الابعدمدة
3بنسبه لزيت غير زيت شل 140 الجلون لونه رمدي اطلاق شي
4بختصار ركب وكاله وريح عمرك ....ولاتصدق المكنيكي وخاصه ابو يمن

[الرحال تبوك]

مشكور اخوي الفعير
لاكن اركب كرونه وكاله وبكم- وشرايك بالزيت تبع وكالت الجميح

[عطيب ومايغيب]

مشكور اخوي الفعير
لاكن اركب كرونه وكاله وبكم- وشرايك بالزيت تبع وكالت الجميح


يابن الاجواد عندي جمس مديل96 خربه فيه الكرونه سعرها4000 ريال غير التركيب

يعني بكلفك حوالي 4500الى 5000 المهم تسلم من هم الدفرنس ونخوك المستعمل والتشليح ماحد يشتري منه دفرنس ولامكينه ولاقير مايضمنهاء ريح عمرك

وركب جديد يقول الشاعر عليك بطيب ولو ذاد مشراه ... ترك بطيب تغلب الرجال


بنسبه لزيت لالالالالالالاتغير من الجميح شل لونه رمادي 140 تلقه عند المحلاات الكبار

ولاختيار لك وناء اخوك بس اناء مجرب ونت اسئل مهي عيب النشدة

وعسى الله يوفق ويسر امورك ومور الشباب ... يارب يارب

[awod]

فيه زيت دفرنس ac delco قيمة العلبة 40 ريال
وتحتاج من 4 - 5 علب
بعدها فيه علبة صغيره يسمونها معاج زيت الدفرنس قيمتها 40 ريال وتصبها مع الزيت حق الدفرنس .
وانشاءالله تضبط .
اذا ضبطت الحمد لله واذا لا غير دفرنس من التشليح بس يكون حق موديل جديد والله يعينك .

[فهد الميهوبي]

فيه زيت دفرنس ac delco قيمة العلبة 40 ريال



وتحتاج من 4 - 5 علب
بعدها فيه علبة صغيره يسمونها معاج زيت الدفرنس قيمتها 40 ريال وتصبها مع الزيت حق الدفرنس .
وانشاءالله تضبط .


اذا ضبطت الحمد لله واذا لا غير دفرنس من التشليح بس يكون حق موديل جديد والله يعينك .

صح عليك كلامك سليم
مر على الجميح او العسسائي اضمن لك وخذ علب زيت الدفرنس اسمه ac delco

وعلبه اسمها معالج الاحتكاك وان شا الله تبي تنسا الصووت كله
انا مجربهاا
عيبها ان العلب غاليه وسلامتك

[الرحال تبوك]

مشكور اخوي الفعير على الايضاح

[الرحال تبوك]

اشكرك اخ awodعلى هل المعلومه المهمه

[الرحال تبوك]

ايضاً اشكر الاخ فهدالميهوبي

[ولد ضبيب]

سكر أذانك بقطن وادعس ولا يهمك إلا إذا الصوت قوي مره غير الدفرنس كامل وريح راسك

أنا عندي فورد 98 الدفرنس له صوت أربع سنوات ولا جاه إلا العافية

أمسك عليه خطوط بالهبل أسافر عليه 1000كم متواصل وزي الحلاوه

وواحد من الشباب معه نفس السالفه وكل يوم فك وركب على هالموال لا هو اللي وفر فلوسه ولاهو اللي صلح سيارته

[الوافي0]

احتمال يكون رومان بلي او صامولة محلولة شيك عليه اول واذا ما فيه شي مكسور او مفكووك امش عليه لين يجاوب معك وبعدها غير

[الرحال تبوك]

اشكرك اخوي ولد ضبيب
لاكن انا اخوك ماتطمن اذا ماصلحت الصوت مثلك عارف سيارة عايله تخاف من العطال وانت مسافر لاسمح الله

[الرحال تبوك]

الله يعطيك العافيه يالوافي
فكيته عند مهندس حصلات ترس الداير منهري شوي مع ترس البنيومه وغيرتهم والحمدلله
لاكن سوالي هل يتعطل مره ثانيه والا لا وارتاح؟

[الرحال تبوك]

السلام عليكم ورحمة الله وبركاته
فكيت الدفرنس عند مكانيكي وحصلات ترس الداير منهري شوي وترس البنيومه بعد
غيرتهم مع الرمنات على الضمان من المكنيكي والحمد لله راح الصوت ورصصت العمود لاني كشفت عليه حصلاته به رجه والحمدلله راحت الرجه الي من اول ترج الطبلون مع الدركسون من سرعت 120 الى 145.
سوالي انا عفت السيارة وماني مطمن تنصحوني ابيعها واريح راسي والااركد انا خايف يرجع مره ثالثه يخرب.
ابي نصيحتكم ياأهل الخير السياره نضيفه وكل شي بها ممتاز معد هالدفرنس وخرباته ونا خسرت عليها حوالي 10 الف اصلاح دفرنس بس.

[الرحال تبوك]

لرفع استشاره

[الوافي0]

اهم شي ما يكون الدفرنس جايته ضربة حجر او شيء من تحت جربه كم يوم وانت ادرى بصوت سيارتك لو لا حظت فرق بسيط او حنه خفيفة الله يعينك غير دفرنس او بيع السيارة
انا ما ني بعيد عن مشكلتك ملقم الكرونة الامامية للدبل تبع الجمس مع الامطار مره يشبك ومره يفك لوحده حاولت اضبطه ما ضبط معي واغلب الكهربائين هنا اول مره يدري فيه ملقم للكرونة كهربة ورفع ضغطي الله يعينا واياك

[الرحال تبوك]

السلام عليكم ورحمة الله وبركاته
الله يعافيك اخوي الـــــــــــــــــــوافــــــــــــــــــي جبت طاري الملقم الي يركب على الكرونه الاماميه عندي كانت نفس المشكله لاكن الحمدلله صلحته بنفسي يسمونه اسوتش الدبل الامامي بلاستيك ابيض مع سنه ومزلاج اسود في بعضه بعد ان تفكه( صح)
اذا عندك خبره في الفك والتركيب تقدر تكشف عليه بس تعيب شوي والا لاتعبط به ابد فكه من الدفرنس وحاول تنضفه بنزين وجربه على الفيش بدون ماتركبه في الدفرنس شغل الدبل وطفه وهو برا
انا اخوك قيمته حوالي (768 ريال )وكاله لاكن هذي طريقت الفك من بعضه البلاستيك الاسود من الابيض بحاول اشرحها باختصار فكه وتلاقي فيه براشيم ثلاث قصهن بالصاروخ وتاكد من الاجهزه الاكترونيه الداخليه لايكون محروق منها شي هو فيه شريحه اكترونيه من الداخل ودنمو وتروس ثلاث صغيره وثنين كبيره شوي اول شي جرب الدنمو بدون ماتركب عليه التروس بعد الفك هل هو شغال طبعاً على نفس فيشه الا ساسي عند الدفرنس وشغل الدبل وافصلاه اذا أشتغل الدنمو المشكلاه في المزلاج او الخابور حاول تحركه بزراديه ايمين اويسار لانه سنه من جهت الدنمو مسمار مضلاع يركب عليه التروس مع البلاستكه الكبيره وطبقه وجرب ه اذا اشتغل الحمدلله واذ ما اصطلاح مالك الاتغيره (بعد التطبيق بدال البراشيم حط مسمار صغير بسنه او اربطهن بسلك بالزراديه( يعني سيم ) .
والله يكتب الي فيه الخير للجميع واعذرني على الاطاله

[الوافي0]

الله يوفقك يا رحال وتسلم على الشرح انا فكيته من الكرونة واشتغل برى بس اوقات يطفي ويشتغل من كيفه مع تحريك السلك جيتك تفلسفت وقصيت الاسلاك وحاولت انظفها من اثر الماء عيت باقي تشتغل ابد ومعلق على التعشيق بس شكلي بكره بافك الدقمة واجرب والله يعين عندي واحد قديم بس شكل شريحته محترقه باحاول اجرب فيه وسلمت على تواصلك وتعاونك والف شكر

[الوافي0]

كيفك يا رحال أنت وجميع المكشاتيين؟
\ المشكله طلعت من الملقم خربان وجبت واحد من ورشة يقول ما ركبه الا لما جربة وشريته منه اصلي ويوم شديته خفيف انكسر في الكرونة الظاهر مكسور من اول وانا مانتبهت له وربك ستر وطلع وحاولت اجيب الجرم القديم واركبة واشتغل بس ثقيل وخفت اوقات احاجة ما يزبط او يسبب مشكله في الحساس قمت فكيته وغيرت واحد تجاري مكسيكي ب320 والا صلي يقول ب560 بس ماشفت فيه فرق بينها وركبت التجاري وان شاء الله يضبط

[الرحال تبوك]

الحمدلله بخير مدمك بخير ياوجه الخير .
انا اخوك المكسيكي والاصلي كلهن واحد والاجهزه الاكترونيه حتى الاصلي ماتضمنه اهم شي يدي الغرض منه
تبي نصيحتي بعد ماركبت جديد اهم شي تسوي له حمايه من الما والاتربه بغير وجهك.
بعدت طرق 1-تغطيه بشطرطون اميركي كامل مع الفيش
2- تغطيه بسلكون اصلي وهو اضمن بالذات للمويه .
تقوم بالتغطيه بعد ماتركبه بالكرونه
بتبوك ماحصلات الابالوكاله المكسيكي وين احصلاه بالقيمه هذي اعتبره رخيص عندنا مافيه الاالوكاله وتقص قص
ويعطيك العافيه على التواصل .

[moafaq999]

بالتوفيق للجميع

[الوافي0]

حياك الله يا رحال وبقية الاخوان
كنت مره اقلب في مكشات ولقيت واحد يقول سعره بالرياض التجاري 190 والا صلي 390
وأنا غطيت الجهاز بعدما ركبته بسلكون بقدر الامكان لانه فعلا يتاثر من ابسط شيء مدري فين عقل الي صممه احسه غبي وهو يعرف في اخفض مكان في السيارة ويتأثر بالماء بسهولة
وأنا حصلت المكسيكي في محل اسمه البدوي جميع المحلات ما حصلت لا أصلي ولا تجاري حتى بالبيد

[الرحال تبوك]

الله يعطيك العافيه محل البدوي بأي منطقه لاسمح الله احتجته مره ثانيه اخذه من عندهم ارخص
انا بتبوك ماعندنا الا الوكاله بمحلات القطع مايعرفوه

[الوافي0]

الله يعافيك فروعه كثيرة جدة خميس مشيط الرياض على كلام المصري الي بالمحل
بس ترى اغلب القطع للجمس الدبل متوفرة بالرياض القصيم الشرقية المدن الثانية ما يجيك الا نادر مع ان اغلبها موجود عندهم لكن يوم تقوله وانتيت دبل يقولك ما فيه أصلا اسم وانيت يخوفهم عندهم عقدة نفسية المقص غيرته وتعبت ادور واقولهم وانيت دبل يقول ما فيه قلت هات مقص دبل سوبر جابه وطلع نفسه انت لا عاد تقولهم وانييت اطلب القطعه على انها سوبر واغلبها ما تختلف وتحياتي

[فارس7]

اخوي غير دفرنس كامل من التشليح احسن لك ولا تحاول تركب كرونه وبنيون لأنها تحتاج وزن دقيق جداً ما تحصله عند الورش وبعد شهرين أو ثلاثة رح تسمع صوت الحنة بالدفرنس إذا ركبتها .
أما بالنسبة للزيت لا تشتريه إلا من الوكالة يجي زيت خاص ومعه تأخذ علبتين (دواء)تمنع الإحتكاك

[الرحال تبوك]

الله يعافيك ياخوي الوافي على الاهتمام اللامحدود منك على المعلومات القيمه ممكن اطلب رقم المحل عن طريق الدليل بس اقولهم البدوي لقطع الغيار (صح)
الله يجزاك خير ويرحم والديك
(سيارتي تاهو 99 )

[الرحال تبوك]

شكراً فارس 7 على النصيحه القيمه والله ارد وصلاحنا الدفرنس وسوينا الي تقوله بالنسبه لزيت وعسى الله يستر ما يخرب مره ثالثه

[الوافي0]

الله يعافيك يا ر حال أكيد أكيد بيكون رقمهم مسجل في دليل 905

[gm2009]

اخوي زيت الدفرنس خذه من الوكاله يجي هو 3 علب ومعاه علبه صغيره وانتبه من الانواع الثانيه وغير كذا تاكد من مقاس الكارون والدفرنس اذا كنت بتغير لان الي اعرفه انه مقاسات فممكن هي السبب في كسره بعد تغيره

[الرحال تبوك]

الله يعافيك اخوي الوافي على التواصل وشاكر ومقدر اهتمامك للموضوع

[الرحال تبوك]

gm2009 النصيحه ناخذها بعين الاعتبار ومشكو ر على النقطه المهم

[الرحال تبوك]

استفسار هل الكلتشات في الدفرنس هي سبب عطل دفرنس الجمس وذلك لان المكانيكي يقول لابد من ازالاتها مضرتها اكثر من النفع افيدوني جزاكم الله خير

[شلة قنوص]

وعليكم السلام ورحمه الله وبركاته

بختصرلك الموضوع
1الحنه تكون من الكرونه بس أذ صوتها ضعيف عادي وأذى كان قوي لازم تغيير
2الدفرنس ترى مشكله ولاحد يضمنه اخرطي يقول شهرين...يحطون مسحوق خشب بدفرنس ولايطلع الصوة الابعدمدة
3بنسبه لزيت غير زيت شل 140 الجلون لونه رمدي اطلاق شي
4بختصار ركب وكاله وريح عمرك ....ولاتصدق المكنيكي وخاصه ابو يمن
كلااااااااااااااااااااااااااااااااااااااااااام صحيح ميه بالميه نصيحـــــــــــــــــــــــــــــــــه غير ولا تصلح والضمان خرررررررررررررررررررطي لا تخسر مرتين اسأل مجرب ولا تسال طبيب