نتيجة دعاء الملهوف لك ( شاركنا )

[ملك الفكتوريا]

بسم الله الرحمن الرحيم




طبعا كل انسان حصلت له مواقف مع ناس كانوا ملهوفين


طبعا ليس للفخر او اي شئ من هذا الكلام


لكن المغزى عن امر كنت متوهق فيه وساعدت ناس ورب العالمين وفقك في امرك



(1)


بالدائري الشمالي مره وانا رايح للجامعه بإختبر وانا ما ذاكرت ولا شئ


لقيت عائلة متعطلة وسيارتهم كورلا يعني صغيره وكان يبي المخرج وفيه محطة


المهم وقفت عنده بالعصر ويوم ربوع


انا تذكرت اهلي وهم رايحين استراحة ويصير بهم نفس الموقف لا سمح الله


وقفت عنده وطلع السير مقطوع ومعه سير احتياطي


وقالي ركب قلت ما اعرف وانا خايف اتورط معه والرجال راح للمحطه بس ما رضوا ينزلون ووعدهم بميتين ريال بس ما نفع . غريبه



المهم قالي وش السوات انا لي ساعه هنا


قلت له امش شوي شوي عشان ما ترتفع قال الحراره مرتفعه ما يمدي وقدامي طلعه المخرج


بالاخير قلت له بدفك بالفكتوريا لمحطه


طبعا بالاول خاف على صدامه وانا خايف بعد بس وقفت خلاص ما بدهاش


قال يالله



والله اركب الفكتوريا واشغل الاوفر درايف واعطها عزم وادفه والمشكلة الدركسون ما يلف زين معه وصعب





بعد ما وصلنا نزل يتشكر ومدري وش وبالاخير قلت له ادعلي عندي اختبار وما ذاكرت قال الله يوفقك ويعطيك اللي يرضيك



الاختبار كمبيوتر والنجاح من 75


وجبت نتيجة 95 واقصى طموحي 75





عطونا مواقفكم لا هنتم

[مطنوخ قطر]

بيض الله وجهك وعساك على القوه...وفعل الخير مايجي منه الا الخير.

[بوابراهيم ع]

الله يجزاك خير ويعطيك فوق اللي يرضيك

[جروان]

وفعل الخير مايجي منه الا الخير

[سديرآوي]

عز الله ما قصرت زين ماسويت ,,
ومن فرج عن مسلم كربة فرج الله عنه كربة يوم القيامة ,,