مطلوب حل لمشكلة الحراره بجيب شاص

[سلٍيم]

من العيدين والفايزين وكل عام وانتم بخير 0 المشكله ياوجيه الخير اني عانيت الكثير وانا قاعد اشرح معاناتي لكم وصدقوني ان العبره خانقتني . ومشكلتي هي اني غيرت كلتش مروحه صيخنا الاديتر حطينا موية تويوتا ركبنا بلف اصلي ركبنا غطا رديتر اصلي مروحه المويه شغاله . وبعد البحث والتحري لقينا تنسيم بالقزوز وبغيت استفسر هل التنسيم بالقزوز يسبب حراره وفيه سبب ثاني وهو ان راعيه الاول يقول يوم وظبته قالي المكانيكي يحتاج وجه راس مكينه يقولها لي وهو ماهو متاكد والحراره تبدأ مع المكيف وبالتحديد اذا كنت واقف تبدا ترقى بشويش بس اذا وصلت الى النص اطفي المكيف

[العاذر]

مشاكل الحراره كثيره جدا

لكن لو تروح للميكانيكي اللي وضبه وتاخذ العلم من راسه يكون افضل

لاتسوي شي حتى تكلم الميكانيكي براسه نصيحه

[مرجووج]

كلام سليم من اخوي العااذر لانه بعد التوظيب فيه ضمان على الشغل ارجع للورشة وقلهم سالفتك .

[adil33]

غير الرديتر وباذن الله ترتاح

[الصقر999]

من العيدين والفايزين وكل عام وانتم بخير 0
وانت بالف خير
المشكله ياوجيه الخير اني عانيت الكثير وانا قاعد اشرح معاناتي لكم وصدقوني ان العبره خانقتني . ومشكلتي هي اني غيرت كلتش مروحه صيخنا الاديتر حطينا موية تويوتا ركبنا بلف اصلي ركبنا غطا رديتر اصلي مروحه المويه شغاله . وبعد البحث والتحري لقينا تنسيم بالقزوز وبغيت استفسر هل التنسيم بالقزوز يسبب حراره

يسبب رفع بسيط مو ذاك الزود

وفيه سبب ثاني وهو ان راعيه الاول يقول يوم وظبته قالي المكانيكي يحتاج وجه راس مكينه يقولها لي وهو ماهو متاكد

وجه الراس لو فيه مشكله ترتفع الحراره على طول سوا واقف أو ماشي بمكيف ولا بدون

والحراره تبدأ مع المكيف وبالتحديد اذا كنت واقف تبدا ترقى بشويش بس اذا وصلت الى النص اطفي المكيف

موديل الجيب كم ونوعه


اذا الحراره بس مع المكيف شوف دعسة المكيف شغاله ولا لا
ركب لديتر بلد أو ماركه معروفه

شيك لديتر المكيف يكون مقفول

تأكد من ساعة الحراره اللي بالمكينه واللي بالطبلون

[سلٍيم]

بيض الله وجيهكم وردودكم تدل على فعل الخير ومساعدة المحتاجين وانا والله اتوقع ان اصابع الاتهام تتجه نحو المكيف والمكيف ياشباب عندي فيه سدد غبار لان له مده ما اشتغل بحكم انه حكومي والموديل 97 . وحاجه ثانيه ان الغطا البلاستيك اللي بين المروحه والرديتر مشيول تتوقعون الحراره منه . وبصراحه والله اني كرهت نفسي بسبته

[سلٍيم]

تابعو معي تكفون وعلموني خطوه بخطوه ومستعد ادفع كمان اللي بيصلحه لي

[ابوراكان تبوك]

الغطا البلاستيك اللي بين المروحه والرديتر مشيول تتوقعون الحراره منه

هذا اهم شي

[المهاجر انا]

اغلب مشاكل الحرارة من الديتر اذا كان قديم وسيخ اكثر من مرة اونظف افضل لك تغير الديتر ولا تركب الا وكالة نصيحة لا تركب اي نوع غير الوكالة والله يسر امرك ويفرج لك أمين

[المرشوودي]

ركب البلاستيك اللي تقول مشيول ضروري جداجدا (كور المروحه)واذا الرديترنحاس بدله بألمنيوم وتأكدمن اتوماتيك المروحه وطرمبة الماء اللي تركب عليها المروحه واذا مافيه فايده افحص وجه المكينه مع انه مستبعد
هذا متابعه من الاسهل للاصعب والاغلى قيمه
وانا متأكد ان المشكله عندك في كور المروحه والاديتر
وموفق ان شاء الله

[ن م ر]

الهواية اللي فوق مروحة المكينه مهمّة جدّا وقد تكون أحد أسباب الحرارة ركبها وشف النتيجة بنفسك

التنسيم في القزوز يسبب صوت مزعج ولكن تأثيرة من ناحية الحرارة ضعيف

وصول امبير الحرارة في اللاند كروزر - بشكل عام - إلى النصف لا يتعبر مشكلة كبيرة جداً

لا تشيل هم السيارة يا أخي ولا تخنقك العبرة عشان شوية حديد فالأمر أسهل من كذا أعلم يأخي الكريم بمعاناتك وأقدر شعورك [ اللهم لا تجعل الدنيا أكبر همّنا ]


أسأل الله لك التوفيق وأن تنتهي معاناتك في أقرب وقت وبأقل التكاليف

[مركز حراره]

[صدقو الشباب اهم شي كاور المروحه الانه يركز سحب المروحه من الرديتريبي يبرد الموتر والمكيف ان شا الله]

[502]

السلام عليكم ياخي راس المكينه لو فيه شي يعني يبغاله وجيه كان تشوف الحراره على طول ثاني شي شف الاديتر أذا نحاس غير بحق الوكاله المنيوم ثلاثه شف بلف الحراره رابعاً ممكن يكون المكيف ماهو مضبوط خامساً الهواية حقة المروحة ضرورية علشان تركيز الهواء ونتمنى ان الله يخارجك من الي أنت فيه وبعدين يا أخي الخساره خسارة الروح ولا الحديد يروح ويجي وتقبل مروري

[دل البحار]

يا أخي سبحان الله روح لم الميكانيكي الاول الي وضب السياره وريح دماغك لزمت ان هو الي وضب السياره اكيد عارف المكينه مسمار مسمار تروح لغيره يقعد يفتيك على كيفه

[سلٍيم]

اسأل الله لي ولكم العفو والعافيه بالدنيا والاخره

[ابويزيد1]

مساء الخير اخوي الشباب ما قصرو افادو بالمشكلة بس نفس الى صار لك وجميع الى عملته صار معي واخر الخبر طلعت المشكلة من تماتيك المروحة ما يشتغل ولاحضت ذلك عند تشغيل الدبل لاحاله ترتفع الحرارة جرب وشيك على تماتيك المروحة وموفق خير

[مكسر الشوك]

لحم القزوز المكسور
لأني اسمع ان القزوز اذا فيها تنسيم لها دخل في رفع الحرارة

[omar454]

حسب خبرتي المتواضعة امام فطاحلة المنتدى
ممكن فحص الراس او وجة الراس بالطريقة الأتية
إذا كانت السيارة باردة تماما وحط تحت تماما عشر خطوط
شغل السيارة وعلى طول افتح الأديتر اذا بدى يطلع منة فقاعات كئنة يغلي فإحتمال مشكلة في الراس او وجة الراس تكون 80%
وشيك على وزنة الديلكو ممكن ترفع الحرارة إذاكانت مو مضبوطة

[سلٍيم]

الله يرحم والديكم انا ركبت كاور المروحه (الهوايه) والحراره خفت عن قبل وشغلت السياره وشغلت المكيف على الاخير وخليتها ربع ساعه بالشمس قبل اذان الظهر بربع ساعه والحراره كنها خفت عن قبل من الربع وفوقه بشعره والله العالم انها انحلت مشكلتي بفضل الله ثم بفضلكم وانا يوم نصيتكم نصيتلي رياجيل ينشد ابها الظهر وبيض الله وجيهكم والله يرحم والديكم وكل مسلم

[مركز حراره]

الحمد لله مثل ماقلتلك

[اسدهم]

اذامشيت ع 120 وثبت الممشي وقامت الحرارة تدعدا النصف هذا واضح من الراس واذاصرفية البنزين يشرب فوق اطبيعي معروفة هذي وزن بلوف اوزن بلوف وبعدين ركب هواية الوكالة واذاكان الرديتر نحاس غيرة حط الامنيوم وشيك علا حساس الاحرارة سو تجربة حط انبير خارجي تجربة وشوف القراءة يقرا مزبوط او لا

[marry101]

A woman walks up to a little old man rocking in a chair on his porch. "I couldn't help noticing how happy you look," she says. "What's your secret for a long, happy life?" "I smoke three packs a day, drink a case of whiskey a week, eat fatty foods and never, ever exercise." "Wow, that's amazing," says the woman. "How old are you?" "Twenty-six."No money (http://www.igtto.com/) no way in real life,no gold (http://www.igtto.com/gold_game.php?id=2) no way in game!