احرق رعاك الله رمعات رمعات

[راع الحزم]

لغز وحله يالزميلي على طول = احرق رعاك الله رمعات رمعات
مفتوح للغالين ماهوب منقول = فكره طرت لي واختصرت المسافات
ياويش بنت دونه الباب مقفول = ماينفتح له كود في بعض الاوقات
تاطاه بنت عزك الله بلا نعول = وش هالغنيمه لاتضيع الغنيمات

[راع الحزم]

اخوي سلطان
اي عضو جديد يشرفنا بالخيمة نفرح به
واتعمد أوجه له وللغالين لغز من باب الترحيب يالغالي
اتمنى ترتاح معنا بالخيمة ونسعد بتواصلك

[ناصر العلي]

صح لسانك
هذا المسجد طال عمرك

[راع الحزم]

صح لسانك




هذا المسجد طال عمرك




صح بدنك يالغالي
مالك لوا
انتظر الرمعات القادمة
اللي من دونه الباب مقفول بنت
وتم تعديل البيت الثالث

[سلطان الزميلي]

يامـرحـبـا واهـلـيـن يـاراعـي الـقـول
تسـعـيـن ترحـيـبـة عـلى شـانـكم جآت


لغزك براسي وفكري اللحين مشغول
والـحـل عـنـدي والـنـشـامـا له نصات


وش رايـك بـلـغـز ٍ عـلـيـه الـملا جول
مـايـرمـعـه يـاكـود مـن جـتـلـه اوقات


والـبـنت رمـعـة مـن فـتـل حـبـله فتول
هـات الـغـنــيـمـة يـاكـريـم الـغـنـيـمات

[ابو ماجد 2]

صح لسانك يالغالي وانت سباق على الطيب والزميلي يستاهل
وش تقول باللغز وما تاطا بابه ولا ينفتح الا للرمعة الثاقبه

[ساحووق]

صح الله السااااانك

واعتلى شانك

[ناصر العلي]

سلمت يالغالي
ماتكون الكعبة

[سلطان الزميلي]

ابو ماجد لاتقلدني بالرمعه الله يجزاك الخير

[راع الحزم]

يامـرحـبـا واهـلـيـن يـاراعـي الـقـول

تسـعـيـن ترحـيـبـة عـلى شـانـكم جآت



لغزك براسي وفكري اللحين مشغول
والـحـل عـنـدي والـنـشـامـا له نصات



وش رايـك بـلـغـز ٍ عـلـيـه الـملا جول
مـايـرمـعـه يـاكـود مـن جـتـلـه اوقات



والـبـنت رمـعـة مـن فـتـل حـبـله فتول
هـات الـغـنــيـمـة يـاكـريـم الـغـنـيـمات





صح لسانك على الابيات
اعتذر منك ياسلطان لاني عدلت بالبيت الثالث
كنت اقصد بنت دونه الباب مقفول
يعني المطلوب بنت
صح لسانك وسلم راسك وقافك وفكرك
انتظر الرمعات القادمة

ثالث بيوت اللغز بالفعل معلول
........................عدلت فيه النطق من كل خلات
واللغز جاهز للترمع ومفلول
...................... حلوه ياللي ترمعون الصعيبات

[فهد الهلالي]

صح السانك ياراع الحزم
خيمة الالغاز مفتوحه للجميع
والرمعه
تحياتي

[راع الحزم]

صح لسانك يالغالي وانت سباق على الطيب والزميلي يستاهل


وش تقول باللغز وما تاطا بابه ولا ينفتح الا للرمعة الثاقبه


صح بدنك يالغالي
مالك لوا بالرمعة سبدوا انها تداخلت مع رمعة سلطان
انتظر القادم

[راع الحزم]

صح الله السااااانك

واعتلى شانك

هلا بالحبيب
منورنا يالغالي
صح بدنك
مرورك اسعدني وشرفني

[راع الحزم]

سلمت يالغالي


ماتكون الكعبة


تسلم ياناصر
اعتذر منك عن الخطأ اللي حصل
وتم التعديل الحمد لله
مالك لوا بالرمعة
انتظر القادم

[سلطان الزميلي]

تسلم تسلم ياراعي الحزم


وجاري التفكير

[راع الحزم]

صح السانك ياراع الحزم

خيمة الالغاز مفتوحه للجميع
والرمعه

تحياتي


صح بدنك يالغالي
خيمة الالغاز منوره بوجودك ووجود الغالين الطيبين امثالك
وممتعة بلا شك والحمد لله كل يوم نستقبل عضو جديد رائع

انتظر مرماعك القادم ياغالينا

[راع الحزم]

تسلم تسلم ياراعي الحزم




وجاري التفكير


ومن قال يسلم
ننتظر الرمعات

[ناصر العلي]

صح لسانك
محاولة أخرى
ويش قولك بالروضة الشريفة اذا سمح للحريم للدخول به

[سلطان الزميلي]

وشرايك ببيت من قصيدة عبيد الرشيد اللي يقول :-

الزين لو هو ورا الباب ِ ,,,, لازم عيوني يراعنه .

[راع الحزم]

صح لسانك

محاولة أخرى

ويش قولك بالروضة الشريفة اذا سمح للحريم للدخول به


صح بدنك يالغالي
مالك لوا
انتظر الرمعة القادمة

[راع الحزم]

وشرايك ببيت من قصيدة عبيد الرشيد اللي يقول :-




الزين لو هو ورا الباب ِ ,,,, لازم عيوني يراعنه .


مالك لوا
انتظر الرمعة القادمة

[ابو اسامه 2]

صح لسانك يا راع الحزم

و الضيف له حق وواجب

والزميلي يستاهل

وانت ما شاء الله عليك

دائما راعي مواجيب

_

رمعه

وش رايك في

علامة الفتح في اللغه العربية حسب الكلمة اذا جات منصوبه

تحياتي لك

[ابو ماجد 2]

ابو ماجد لاتقلدني بالرمعه الله يجزاك الخير


هههههههههههههههه
لي الفخر يالغالي اقلدك ولكن لم اشاهد مرماعك
ومرماعي ومرماعك كانن بالفعل قريبات للحل قبل التعديل

[هيل]

السلام عليكم ورحمة الله وبركاته
تسلم ياراعي الحزم ماهوغريب عليك الابداع
واسف كل الاسف لدخولي المتاخر والترحيب
بزميلناالجديد سلطان والخيمه تفتخربانتساب
من هو مثله شاعريته حاضره يامرحبايامرحبا
واكررالاسف لترحيب المتاخر


تحياتي

[فزاع الشمال]

يامرحبا باالغالي راع الحزم
يعطيك العافية
ويامرحبا بالاخ سلطان في هذة الخيمة الموقرة
وياهلا وغلا بكم جميعاً
وش رايك
بسجادة الصلاة
ماتنفتح الا للصلاة
ولك كل الاحترام

[سلطان الزميلي]

ياهلابكم والله كلكم

لي الفخر بالانضمام لهذا الكيان الرائع

لاهنتوا

[راع الحزم]

صح لسانك يا راع الحزم



و الضيف له حق وواجب


والزميلي يستاهل


وانت ما شاء الله عليك


دائما راعي مواجيب


_


رمعه


وش رايك في


علامة الفتح في اللغه العربية حسب الكلمة اذا جات منصوبه



تحياتي لك


ياهلا ببو اسامة
صح بدنك يالغالي
مالك لوا بالرمعة
انتظر الرمعة القادمة

[راع الحزم]

السلام عليكم ورحمة الله وبركاته

تسلم ياراعي الحزم ماهوغريب عليك الابداع
واسف كل الاسف لدخولي المتاخر والترحيب
بزميلناالجديد سلطان والخيمه تفتخربانتساب
من هو مثله شاعريته حاضره يامرحبايامرحبا
واكررالاسف لترحيب المتاخر



تحياتي


عليكم السلام ورحمة الله وبركاته
انت يابو معاذ تنور باي وقت تدخل فيه الخيمة
وعاذرينك لتأخرك يالغالي
كبير يابو معاذ في ماتحمله في قلبك للاعضاء والخيمة

[راع الحزم]

يامرحبا باالغالي راع الحزم

يعطيك العافية
ويامرحبا بالاخ سلطان في هذة الخيمة الموقرة
وياهلا وغلا بكم جميعاً
وش رايك
بسجادة الصلاة
ماتنفتح الا للصلاة

ولك كل الاحترام


هلا بفزاع الغالي
والله اني افرح لاشفتك موجود
صح بدنك
والرمعة مالك لوا
انتظر القادم

[(ممدوح الجهني)]

صح لسانك ياراع الحزم
ويش رايك بالصرافة

[راع الحزم]

صح لسانك ياراع الحزم
ويش رايك بالصرافة

صح بدنك يالغالي
منورنا بالخيمة
سعيد بتواجدك ومرورك
مالك لوا
انتظر القادم

[صاحب الذئب]

ماهي البطاقه
اللي تفتح الباب

[علي العساف]

طيب نقول الزباله اعزكم الله ..اللي توطى وتنفتح ...

[SHQRDI]

صح لسآنك

آتوقع والله آعلم إنها
( الجنبيه )


http://p.vtourist.com/205864-Tourist_Traps-Yemen.jpg

[راع الحزم]

ماهي البطاقه
اللي تفتح الباب
مالك لوا يالغالي
انتظر القادم

[راع الحزم]

طيب نقول الزباله اعزكم الله ..اللي توطى وتنفتح ...

مالك لوا يالغالي
انتظر القادم

[راع الحزم]

صح لسآنك



آتوقع والله آعلم إنها
( الجنبيه )




http://p.vtourist.com/205864-tourist_traps-yemen.jpg


صح بدنك يالغالي
منورنا
مالك لوا
انتظر القادم

[(ممدوح الجهني)]

عدنا من جديد وتحياتي لشخصك الكريم
ويش رايك بعدسة العين

[ناصر العلي]

سلمت يالغالي
محاولة أخرى
ماتكون البنت الثانية الجنازة
والبنت الأولى الثلاجة بالمستشفى أو الطاولة اللي بغرفة التغسيل أو الحجرة اللي توضع به الجنازة قبل الصلاة عليه

[حبيب المساكين]

وش رايك ماتكون آلة البصمه وبارك الله فيك

[راع الحزم]

عدنا من جديد وتحياتي لشخصك الكريم
ويش رايك بعدسة العين

هلا بعودتك
منورنا يالغالي
مالك لوا بالرمعة
انتظر القادم

[راع الحزم]

سلمت يالغالي

محاولة أخرى
ماتكون البنت الثانية الجنازة

والبنت الأولى الثلاجة بالمستشفى أو الطاولة اللي بغرفة التغسيل أو الحجرة اللي توضع به الجنازة قبل الصلاة عليه


تسلم ياناصر
مالك لوا يالغالي
انتظر القادم
الرمعات اللي ذكرت تفتح احيانا مرتين او اكثر في اليوم
وهذه نادرة ربما في السنة او السنتين

[راع الحزم]

وش رايك ماتكون آلة البصمه وبارك الله فيك

هلابك
مالك لوا
نادرا مايتم فتح بابها

[عساف الضاري]

صح لسانك ياخوي
ماهو الابتعاث والواسطه
او تصاريح الاسلحه

[راع الحزم]

صح لسانك ياخوي
ماهو الابتعاث والواسطه
او تصاريح الاسلحه

صح بدنك يالغالي
تفكيرك سليم في الرمعات لكن بعيد مرة
غير الاتجاه قليلا

[فكاك]

صح لسانك ياراع الحزم
وش رايك (بالحاجه) اللي عند رب العباد
والبنت اللي تاطاه (الدعة المستجابه)
ودمت سالما"

[فكاك]

هذى حرف الواو اللي نسيته وووووووووووووو بكلمة
الدعوة

[راع الحزم]

صح لسانك ياراع الحزم
وش رايك (بالحاجه) اللي عند رب العباد
والبنت اللي تاطاه (الدعة المستجابه)
ودمت سالما"

صح بدنك يافكاك
منورنا اليوم بالخيمة
مالك لوا يالغالي
انتظر الرمعة القادمة

[(ممدوح الجهني)]

الله يبيض وجهك يالغالي على ترحيبك اللي يدل على طيب معدنك ولايهونون اخواني
ويش رايك بالخشبة او خلية النحل

[راع الحزم]

الله يبيض وجهك يالغالي على ترحيبك اللي يدل على طيب معدنك ولايهونون اخواني
ويش رايك بالخشبة او خلية النحل


هلابك يالغالي
لاهنت
مالك لوا بالرمعة
انتظر القادم

[علي العساف]

صح السانك أحس انه شي بالكمبيوتر ..
طيب نقول الرساله أو بعض المشاركات اللي تبي تفعيل وتفتحه الفاره ...
أو التعديل على المشاركة وقت وينتهي ..

أو البصمة ..الي تفتح بعض السيارات أو المستخدمه ببعض الدوامات ..

[راع الحزم]

صح السانك أحس انه شي بالكمبيوتر ..
طيب نقول الرساله أو بعض المشاركات اللي تبي تفعيل وتفتحه الفاره ...

أو البصمة ..الي تفتح بعض السيارات أو المستخدمه ببعض الدوامات ..

صح بدنك يالغالي
الرمعات مالك لوا
غير الاتجاه
لاتفتح الا في اوقات نادره ربما تطول سنين يعني وقت الحاجة
لكي تاطاه بنت بدون نعول عزك الله

[علي العساف]

مشكور .. ولكن تاطاه .. الضمير يعود على البنت الأولى و إلا تاطا الباب ؟؟
شاكر ومقدر..

[علي العساف]

وش رايك بالرؤيا إذا فسرت وقعت ولو بعد سنين ..
أو الدعوة أحيانا تبقى بين السماء والأرض بسبب معصية او ذنب ..

[المنصووووري]

عندي رمعه ماتكون بطاقة الصراف الالي

[راع الحزم]

مشكور .. ولكن تاطاه .. الضمير يعود على البنت الأولى و إلا تاطا الباب ؟؟
شاكر ومقدر..

نعم يعود على البنت الاولى

بنت مقفول عليها ويفتح لها في وقت الحاجة علشان تاطاها البنت الثانية اللي بدون نعول اعزك الله

[راع الحزم]

وش رايك بالرؤيا إذا فسرت وقعت ولو بعد سنين ..
أو الدعوة أحيانا تبقى بين السماء والأرض بسبب معصية او ذنب ..

مالك لوا يالغالي
البنت اللي بدون نعول جماد

[راع الحزم]

عندي رمعه ماتكون بطاقة الصراف الالي

هلابك المنصوري
منور الخيمة واللغز
مالك لوا يالغالي
انتظر القادم

[ابو ماجد 2]

صح لسانك ياراع الحزم
وش تقول بشريحة الجوال والبطاريه
او بطارية الريموت وتاطاه البطارية الجديده

[ناصر العلي]

سلمت يالغالي
محاولة أخرى
الرقعة للستك الكفر واللي تاطاه المكينة اللي ترصه علشان تثبت

[راع الحزم]

صح لسانك ياراع الحزم

وش تقول بشريحة الجوال والبطاريه

او بطارية الريموت وتاطاه البطارية الجديده


صح بدنك يالغالي
منورنا يابو ماجد
وبدأ القصف لكن عن بعد
انتظر القادم

[راع الحزم]

سلمت يالغالي

محاولة أخرى

الرقعة للستك الكفر واللي تاطاه المكينة اللي ترصه علشان تثبت


سلمت
مالك لوا بالرمعة
وبدأ القصف يقترب من الحمى
انتظر الرمعات القادمة
هي رمعة ان شاء الله لاتحتاج الى شك
متى ماتوفرت تبين الحل
اضيف الى التوضيح
بنت ليست جماد دونه الباب مقفول
لايفتح لها الا في بعض الاوقات وهي اوقات طويلة ربما تمتد سنوات عديدة
والمقصد منها ان تاطاها بنت جماد بدون نعول

[علي العساف]

نغير الاتجاه ونقول البذره تحت الأرض ..
واللي تاطاه السحابه ...

[راع الحزم]

نغير الاتجاه ونقول البذره تحت الأرض ..
واللي تاطاه السحابه ...

هلابك يالغالي
مالك لوا

غير الاتجاه

البنت اللي بدون نعول وتاطا على البنت هي جماد ومصنوعة

[راع الحزم]

ياويش بنت دونه الباب مقفول=ماينفتح له كود في بعض الاوقات
تاطاه بنت عزك الله بلا نعول=وش هالغنيمه لاتضيع الغنيمات

يالله يالربع لايفوتكم
كل رمعة راح نوضح قريبة او بعيدة
ماودي يبطي اللغز

[ناصر العلي]

صح لسانك يالغالي
مادام البنت الأولى ليست جماد إذاً نقول
هذى العروسة والباب اللي دونه مقفول هو باب الزواج
والبنت اللي تاطاه الطرحة
هاه قربنا وإلا أبعدنا

[مقيّل]

السلام عليكم
ماهي اقمشة الفرامل

[ناصر العلي]

محاولة أخرى يالغالي
طرى على بالي ماتكون البنت الأولى
المياه الجوفية واللي تاطاه المضخة الغاطسة أو المواسيراللي ترفع الماء

[مذيب البرد]

سلام
ماتكون حبه اللوز او البندق والبنت اللي تاطاها هي فتاحه اللوز او فتاحه البندق
او ختم فسح استيراد الاغنام او اللحوم المبرده

[راع الحزم]

صح لسانك يالغالي

مادام البنت الأولى ليست جماد إذاً نقول
هذى العروسة والباب اللي دونه مقفول هو باب الزواج
والبنت اللي تاطاه الطرحة

هاه قربنا وإلا أبعدنا


صح بدنك يالغالي
ابعدت بعيد شوي

[ابوعبدالعزيز6]

خذ عندك رمعة متعوب عليها
ربما تكون الوظيفة هي البنت الأولى ووثيقة التعيين هي البنت الثانية

[راع الحزم]

السلام عليكم
ماهي اقمشة الفرامل

عليكم السلام
منورنا يالغالي
مالك لوا
وابعدت وقربت كلهن

[راع الحزم]

محاولة أخرى يالغالي

طرى على بالي ماتكون البنت الأولى

المياه الجوفية واللي تاطاه المضخة الغاطسة أو المواسيراللي ترفع الماء


مالك لوا وابعدت بعيد
البنت اللي تاطا مصنوعة صناعة
والبنت اللي تفتح يستفزع بها فزعة

[راع الحزم]

سلام
ماتكون حبه اللوز او البندق والبنت اللي تاطاها هي فتاحه اللوز او فتاحه البندق
او ختم فسح استيراد الاغنام او اللحوم المبرده

هلابك يالغالي
منورنا
مالك لوا
وابعدت

[راع الحزم]

خذ عندك رمعة متعوب عليها


ربما تكون الوظيفة هي البنت الأولى ووثيقة التعيين هي البنت الثانية


هلابك يالغالي
منورنا
مالك لوا
والبنتين مشيوفات وملموسات
اللي يفتح لها الباب متحركة
واللي تاطاها جماد

[راع الحزم]

تاطاه بنت عزك الله بلا رجول

[ناصر العلي]

محاولة أخرى يالغالي
ماتكون البنت الأولى
الزحليقة اللي تفتح للطوارئ بالطائرات وماتنزل عليه إلا أنت حافي

[راع الحزم]

محاولة أخرى يالغالي

ماتكون البنت الأولى

الزحليقة اللي تفتح للطوارئ بالطائرات وماتنزل عليه إلا أنت حافي



الله اكبر
ياناصر ياعلي ياغالي
اسمح لي اقول لك انت ضخم بمعنى ضخم ماشاء الله
انت رميت اللغز وانداش واصبح يعرج ومكسور الجناح
اجهز عليه بارك الله فيك اجهز عليه
انتظر الرمعة القادمة

[ناصر العلي]

ماعليك زود يالغالي
ويش تقول بالطيارة إذا جت تنزل للمدرج وما نزلت الكفرات حقاته وحطو له رغوة على المدرج

[راع الحزم]

ماعليك زود يالغالي


ويش تقول بالطيارة إذا جت تنزل للمدرج وما نزلت الكفرات حقاته وحطو له رغوة على المدرج




بسم الله
اما بعد:
ذبح حسب الطريقة المكشاتية (حلال) بضمان الجودة
صح لسانك يالغالي
نعم
هي
رغوة انقاذ الطائرات

ويش الذي من دونه الباب مقفول
في مخزن الرغوة لاتفتح الا وقت الضرورة
تاطاه بنت عزك الله بلا نعول اللي هي الطائرة اللي ماتنزل كفراتها
وش هالغنيمة يعني تفزع وتوطا
لاتضيع الغنيمة انقاذ للطائرة ومافيها

[ناصر العلي]

أخي راع الحزم
قل آمين
الله يخليك لعين ترجيك
ويحفظك من كل شر
يـــــــــــــارب

[علي العساف]

صح السانك راعي الحزم
وصح السان ناصر العلي مليون على الحل ..
ولكن بتوضيحك أخوي ذكرت إنه ما هي جماد البنت الأولى !!
والرغوة جماد !! الصراحة كنت اذور عقب التوضيح بالكائنات الحية ..
هلا بالجميع ..

[سبع الصحراء]

الرغوة ليست جماد

الرغوة سائل

وبيض الله وجهك يا راعي الحزم على اللغز

صحيح لغز مليان ومتعوب علية

[راع الحزم]

أخي راع الحزم

قل آمين
الله يخليك لعين ترجيك
ويحفظك من كل شر

يـــــــــــــارب


امين يالغالي
دعوة من غالي
لا اقول الا
الله يحفظك

[راع الحزم]

صح السانك راعي الحزم
وصح السان ناصر العلي مليون على الحل ..
ولكن بتوضيحك أخوي ذكرت إنه ما هي جماد البنت الأولى !!
والرغوة جماد !! الصراحة كنت اذور عقب التوضيح بالكائنات الحية ..
هلا بالجميع ..

صح بدنك يالغالي
حسب الضن ان الرغوة مثل الصابون وانا ماشفتها مدري والله
حياك الله يالغالي
كسبنا وجودك بيننا ومشاركاتك

[راع الحزم]

الرغوة ليست جماد

الرغوة سائل

وبيض الله وجهك يا راعي الحزم على اللغز

صحيح لغز مليان ومتعوب علية

هلابك يالسبع
منورنا يالغالي
ومنور الخيمة
صح بدنك لاعدمناك
نبي نشوفك معنا بالالغاز والمشاركات يالغالي

[مذيب البرد]

الرغوة ليست جماد

الرغوة سائل

وبيض الله وجهك يا راعي الحزم على اللغز

صحيح لغز مليان ومتعوب علية
اذا الرغوه ماهي جماد اجل مابقي الا ان تكون حيوان او نبات

[ناصر العلي]

الحمد لله على السلامة أخي راع الحزم
اللغز موجود كأنه ماأنحل
ياأخي حط أسم اللي حله زي باقي الألغاز:d

[راع الحزم]

الحمد لله على السلامة أخي راع الحزم

اللغز موجود كأنه ماأنحل

ياأخي حط أسم اللي حله زي باقي الألغاز:d


الله يسلمك يالغالي
وانا استغربت من عدم وضع اسم اللي حله
وهذي خاصية لايستطيع وضعها الا المشرفين
لو بيدي ماتطوفن يالغالي