ظاهرة (((أطلب و أطلع )))

[AL-OTAIBI]

السلام عليكم و رحمة الله و بركاته




تلاحظون يا شباب ان الايام هذه في جميع المنتديات كثرت ظاهرة ((( أطلب و أطلع ))) حيث صار الناس يسجل في المنتديات عشان مصلحه فقط حيث يطلب طلب من أعضاء المنتدى أو يعرض شي للبيع أو ينزل شي من المنتدى مقاطع و غيرها إلخ.............. وبعد مايحصل اللي يبيه.................(( دوره ما تلقاه )).

و النتيجة طبعا ... كثرة الاعضاء المزيفين في المنتديات و تحميل سيرفرات الموقع على غير سنع ....

و هذه الظاهرة كثير تحصل في المنتديات

لذلك عطونا افكاركم يا أعضاء مشكات................ ودمتم سالمين ..


أخوكم/ العتيبي

[kty]

يوضع مدة معينة للأعضاء الذين لم يتم مشاركتهم في اقسام المنتدى

[AL-OTAIBI]

جزاك الله خير يا kty على المعلومه والله اني توني ادري>>>>>>>>>>> مشكوووووووووووووووور

[الربذي]

فعلا اخوي ياكثر ماتحصل واحيانا طلب ويرد عليه كم شخص وياخذ فايدة ويولي ماحتى يرد والناس اجناس بعضهم نذل جلف مقرف ماتصدق انه من بني البشر حتى وانت مسوي فيه معروف كلمة شكرا مايقولها ومن لايشكر الناس لايشكره الله وهناك اجناس غريبين وترى العجاب من تصرفاتهم ولكن قله ابادهم الله
عاى سبيل المثال
واحد لقيت ولده الصغير بالشارع وعمره لايتجاوز سنه ونصف وبالكاد يمشي وحافي وشارع عام وشلته عشان توصله بيت اهله بعد ماركنت السياره وتطق الباب ويطلع عليك المدعو ابوه وتقول له السالفه ويدخل البيت ويرجف الباب بوجهك بدون اي كلمة !!!!!!!!!
فلا تستغرب من تصرفات البعض !؟

[AL-OTAIBI]

hyacom allah

[rhyb15]

السلام عليكم ورحمة الله وبركاته

مرحبا والله ملاحظة قويه واشوى انك منت مشرف بالمنتدى كان حذفت ثلاث ارباع المسجلين<<امزح معك >>

بصراحة صعبة ان الكل يكون عنده قدره على المتابعة للمنتديات او الكتابه فيها لكن يكون محتاج لشي مافيها شي لو طلبه في اي منتدى وبالمنتدى هذا خاصة اهله راعين فزعات تخيل لو حصلت واحد مغرز بالبر ما راح تفزع له تقول انت ما تطعس معنا <<< تشبيه خفيف دم >>>>>>>
بعدين احيانا سؤاله يستفيد منه الكثير غيره من اجابات اهل الفزعات
مثلا شخص طلب برنامج معين بمنتدى البرامج واحد نزل له البرنامج اكيد غيره يقدر ياخذ البرنامج لانه ما راح ينزل له برساله خاصه

وشكرا


ابوعبدالله

[Khalid AlGhamdi]

يارجال اعمل خير وارمه بالبحر :)

لو الن الاجر من الناس كان محد خدم احد لكن اطلب الاجر من الله :)

[طشي وامطري]

أنا أخالفكم الرأي

ما دام فيه فايدة للمشتركين بالمنتدى خله يسجل ويطلب ويطلع
ممكن أنا مشترك من زمان ويجي واحد يطلب شيء ناشب بحلقي ميخالف لو يسجل هو واهله وخواله؟؟
وجة نظر
كثر نستفيد لكن ما يغثك إلا اللي يبي يبيع شيء ويعلن في المنتدى ثم يهون بعد التي والتيّ

[AL-OTAIBI]

وجهات نظر جيده
بس الحمدالله طمني اخوي ktyوقالي انه توضع مده معينه للمشاركه
مشكوووووووورين على وجهات النظر