المساعد الشخصي الرقمي

مشاهدة النسخة كاملة : شفت بدنياي العجب والعجيب مبتدئ


الوايلي...501
15/09/2010, 05:06 PM
صارالزمن يظهر بوجهن شحيب
مابالزمن غير رمي المصايب
دنيان تكشر انيابها والمخاليب
وتحاول تذذلني ولاني بهايب؟؟
شفت بدنياي العجب والعجيب
ومن طال بدنياه يشوف العجايب
...ليه الحسد والغل والشك والريب
وليه القطيعه من اعز الحبايب
حتا الجفا ياعرب يجي من قريب؟؟
و الفرقا من دون ذنب وسبايب
ضاق صدري عقب ماهو رحيب
والدمع من محجر العين ذايب
اضويت لي نارن بجال الشعيب
ماتنطفي ياكود بقطر السحايب
ارجي حلن من اهل التجاريب؟؟
من قبل ماتروح ايامي ذهايب
التوبه لله قبل شمسي تغيب
ادري انا مخطي ولا كنت صايب
يارب انا تايب وبهالدنيا غريب
وارجع لك يارب يارب تايب
يوسف الخليفة1
15/09/2010, 05:52 PM
حياك الله أخي العزيز الوايلي...501

وهل القصيدة منقولة
صدوق المخاييل
15/09/2010, 10:36 PM
ترى المشرف كاففشك هههههههههههههه
عيسى عبد الله
16/09/2010, 03:05 PM
صح لسانك ومشكووووووووووووور
على الطرح الطيب
وفافيك حيله
تحيياتي
عيسى عبد الله
16/09/2010, 03:06 PM
تصحيح
وفافيك =مافيك حيله
الوايلي...501
17/09/2010, 07:47 PM
القصيده لي وليست منقوله ابداا
ويامشرفنا الغالي ترا الامانه موجوده لومنقوله قلت منقوله صراحه شي غريب
وياصدوق المخاييل قافطني ؟؟؟؟؟؟
يوسف الخليفة1
18/09/2010, 01:40 PM
القصيده لي وليست منقوله ابداا
ويامشرفنا الغالي ترا الامانه موجوده لومنقوله قلت منقوله صراحه شي غريب
وياصدوق المخاييل قافطني ؟؟؟؟؟؟

حياك الله أخي العزيز الوالي

ونحن لم نشك في أمانتك ولكن القصيدة مبهمة لا تعليق عليها ولا توضيح

فاستفسرنا منك حتى لا يلتبس الأمر

والشكر الجزيل
الوايلي...501
26/09/2010, 11:32 PM
هلا ابوعبدالله يشرفني توجيهك على الابيات ومناسبتها
مجرد خواطر تبوح من مواضيع كثيرة تكدست في مخيلتي
فكانت ولادة هذة الابيات بسببها
سبتان
27/09/2010, 12:27 AM
صح لسانك ياالوايلي ولكن أعد النظر في (((( مابالزمن غير رمي المصايب )))
الوايلي...501
27/09/2010, 02:01 AM
سبتان يابعدي والله على نقدك البناء
والله فيه كم بيت مكسور لكن والله كل يوم اقول بعدلها على المنتدى
ولكن قاتل الله الكسل :)
راع الوهيبيه
30/09/2010, 11:05 PM
صح لسانك ياالوايلي
روحي شمالية
02/11/2010, 01:07 PM
صح بدنك ولا هنت
عاشق الحجاز1
02/11/2010, 02:03 PM
الوايلي/ اتمنى لك التوفيق

القصيدة بحاجة الى اعادة نظر وعلى كل حال ما قصرت وننتظر منك

الجديد