الله يجعل من يساعدني مثواه الجنه......

[وادي الفقير]

ياخوان كيف حالكم عساكم طيبين وكل عام ونتم بخير الموضوع ومافيه عرض علي واحد من الاخوان ربع سفاري سلوقي موديله 97 وانا ماقيد جربت النيسان دايم على التيوتا وموتره ماشاء الله تبارك الله الرجال ماهو راعي برومدلعه وهو شاريه من عام 2001 وهومعاه وهو ثاني واحد شراه من الوكاله والسياره على الشرط والحين شراله جيب جديد والربع مجنبه بالبايكا له4اشهر وماشي 280 الف كيلووو والمرتر مافيه صدمات وعضلاته على الشرط والمكينه والقير كذالك على الشرط وانا قيد شفته معه والله ماشاء الله عليه وقفته زينه بالحيل مكيف ماشاء الله بارد ومن الداخل نظيف جدا بس فيه المسجل موشغال بس راديووو وقدام دق في شجره بسيطه جدا وغير الكبوت من الوكاله مدري رشه وكفراته طقم جديده وقالي ب35000 الف ويش رايكم تكفوووون شورو على انا مواعد الرجال يووم الجمعه عشان اشوفه واقلبه اشتري او لا سعره غالي واذا سعره غالي بكم يكون مناسب والله يرحم والديكم اجمعيييين

[راعي طفات]

بالشتاء يمكن ياصل 35 لكن هالحين حده دون الثلاثين لأن الممشى واجد والكبوت مغير

إذا إنك محتد وتدور مثل هالموتر ماتفرق معك ألفين ولا ثلاثة كانه يستاهل

وياليت أهل الخبرة يفيدونك

[الحر النداوي1]

وش مواصفاته فل ولا سلق واللون

[وادي الفقير]

يعطيكم العافيه وجزاكم الله خير المواصفات سلق واللون ابيض

[مكشات 505]

شف يالغالي انا بجاوبك على كلامك انت تقول الموتر نظيف والرجال ثاني اسم من الوكاله

يعني من كلامك ان الموتر ماكان حكومي من قبل اذا الموتر مافيه كلام من محركات وانت راغب

هالنوعيه توكل على الله والله يكتب لنا ولك الخيره

[ع السحيباني]

والله حسب خبرتي البسيطة بالسيارات وبالجيوب السلق
فسعره مناسب جداً
اذا كان حسب ماذكرت من نظافة الموتر .
والعلم عند الله هالنوع والموديل وبهالسعر يعتبر جيد
ولاتنسى الشتاء جايك والنوعية هذي مطلوبة كثير .
والله اعلم .

[الصقري2000]

اضن الشباب كلهم يأيدونك على الموتر
وأنا اؤيد معهم
والنوعيه ذي خذ عزم ونشاط و للبر ما يحتاج
خذه والله يبارك لك به
انشاء الله
دمت بود
محبك
الصقر الاشقر

[عاشق الكروزر]

والله اعلم اعتقد ان سعره من ال30 وفيها

بس سعره اعتقد انه غالي نوعا ما وخاصة انه في رش

[كن كن]

والله تبي نصيحتي أفتك من النيسان مررررررررررررررررة
مرة يتفتف ومرة في عله
وفي البرد ما يشتغل على طول يهبلك
تويوتا وبس
وهذا رأيي

[مكسر الشوك]

مثل الجيوب هذي مالها سعر محدد والي يحكم عليها قناعة الشخص ومعرفته فيها
يعني الي يعرف قوه هذا الجيب وصلابته في البر والطعوس وغيرها يدفع وهو يضحك ومراح يهمه السعر

اهم شي تأكد من القير والدبل والمكينه والدركسون اذا كان هوا وحاول تفحصه من تحت لايكون فيه تهريبات
والله يرزقك

[هجود]

أقول باابوالشباب أشتر وماعليك (السيارة على كلامك نظيفة وكانك مالك نظر تراني
أدور سياره )........

[وادي الفقير]

الله يجزاكم الجنه ياخواان جميع والموتر والله وكاله وينصفط للاخوو مو للصديق ومن تحت مافيه شي واذا فتحت الكبوت شرط ماتشوف الزيت وكاله وراعيه زميلي بالعمل والله انه قبل ماينتهي الدوووام يروح يحميه نصف سااعهوالقير والدبل والمكينه على الشرط ومن الداخل وكاله مافيه شي خدوش او تقطيع المقاعد جدد والسقف مافيه شي هاه انشاء الله نتوكل على الله ونشوف وبكره موعدي مع الرجال العصر بقلبه وبعدها نووافيكم بالي صااار

[سوق واقف]

الله يوفقك يارب في السيارة واهم شي الركاده

[almertah]

في الحقبقه لولا اختلاف الانظار بارت السلع وانا والله لو يقال لي بعشرين مااشتريه ربع ونيسان

[نباك]

حقه 30000 اذا انت رغبان به

[قناص تربه]

طبعا أسعارها من 30 الى 37 النضيف ويمكن ياصل الى 38 والله يكتب الخيره لنا ولك

[وادي الفقير]

واللله ياخوان السياره وكاله وانا اذا شريتها بكون ثالث واحد من الوكاله اختلفت الاراء بس عسى الله يكتب الي فيه خيره والله يحرم وجوهكم ووجوه والديكم من النار اميييييين

[ابو عود]

اخوي الغالي

نصيحه اشتر الموتر لا يروح عليك

وشرط بتلقى مكسب فيه في الشتاء

[الناقل1]

شف يالحبيب

الموتر اذا ما فيه الا كبوت بس

والموتر سلقه ابيض

تأكد من ربلاته وكراسي المكينة والقير والبدي تراها تاكل اذا كلها سليمه تمام

الموتر ما فيه حرارة
المكينه ما تنقص ولا تدخن وصافيه حلو
الكفرات جدد

توكل ولا تتردد وأنت وشطارتك حاول تنزل سعره بس لايفوتك ولا فيه خسارة لأن المرشوش كامل يوصل ثلاثين الف

وسلامتك

[العذال]

اخوى اذا السياره حسب ماذكرت توكل على الله والنظيف ماتندم لو زاد عن السوق 2000 او3000 وسياره تعرف صاحبها اخير وافضل والله يوفقك والاستخاره حلوة ويازين الدعوه للمسلمين اجمعين

[وادي الفقير]

الله يجزاكم خير ياخووووان بالنسبه لكراسي المكينه والكفرات جدد والحراره ماتزيد عن الربع ماترتفع بس قالي لازم تحميه تسخنه اول ماتشغل الموتر واذا ماحميته يتفتف معاك الين مايسخن وبعدها تروح التفتفه هل هذا الشي عادي بالنسبه للنيسان

[هجود]

أخوي وادي الفقير تبي السياره ماهب رادك ولا عطنا رقم راعية وصلى الله وبارك (هذا أفضل حل )

[المظيبري]

عليك بصلاة الاستخارة اذا انت متردد


اما على كلامك انا اقولك خذه ولاتشاور اذا انت تعرف الموتر زين

[أبوصقر]

خذ الموتر وتوكل على الله..صحيح أنه في الفترة الحالية أغلى من السوق بشوي بس موتر انت ظامنه أدفع فرق 3000عن السوق وموتر معروف..في الشتاء ماتشده بــ35000والله مثله غالياات..بس أنا أشهد انه موتر توكل على الله..ولاتنسى الإستخارة..

[الهاتف]

اخوي نصيه الشكل الجديد بنفس القيمة انا والله بعته 36 الف موديله 2000 اللون ابيض البدي والمحركات والله نظيفة جداُ والله على ماقول شهيد

[قايد الدمعه]

بعز الشتاء اللي فات حصلت 97 مرشوش كامل ، حق حكومه .. ومايندرى مفصول والا لا .. وكان ممشاهـ 200 ألف وفيها ، كان مسيوم بـ 40 الف ..

يعني توكل على الله ،،،

[هاوي geed]

اخوي وادي الفقير .... انت طلبت مشورة الشباب وهم ماقصروا اعطوك الكلام السليم ..
والأمر في النهايه يرجع لله ثم لك شف اذا انت رغبان الموتر ومرتاح له وتبي تستعمله توكل على الله واذا كنت متردد ارجع وصل الاستخاره وإن ماارتحت له خله عنك ولاتطولها على نفسك كثيير وعسى الله يكتب لنا ولك الخير .,
رأيي/ انه يستاهل انه كفو مثل ماذكرت

[العتيبي 88]

ماإاقصرو الشباب بيض الله وجيهم
والباترول السلقه 97 معروووف وسعره فيه اذا وصل أشتاء ماتشده بـ 40 الف ... أشتر وتوكل على ربك يستاهل الموتر ،،

[طيرvvvشلوى]

الله يكتب مافيه الخيره توكل على الله والراي رايك والله يرزقك

[صامولي]

الله يرزقك أخوي
لكن انا رايي أن سعره مرتفع شووووووووية
هذا رايي بصراحة يعني زي ما قالوا الاخوان انت وشطارتك اذا قدرت تخليه ينقص لك حدود 3000 -5000ريال يكون طيب

[سفاري959]

والله تبي نصيحتي أفتك من النيسان مررررررررررررررررة

مرة يتفتف ومرة في عله
وفي البرد ما يشتغل على طول يهبلك
تويوتا وبس

وهذا رأيي


المصيبه معطينك وسام برونزي ومراسل وهذا كلامك يا عزيزي ولعلمك هذا احسن موتر يمسك سعره في الجيوب كلها كان جديد 48 الف واعرف ناس اشتروا مخزنات ماشيه تحت ال 100 الف وبدي وكاله اشتروها على 50 و52 الف التفتفه على قولتك حلها ديلكو الكتروني حق باترول 4500 وتنتهي المشكله اما كلمه تايوتا وبس ذكرتني بدعايه تايوتا زمان بس ما على بعض الأعضاء شرهه اذا تعصبوا الموتر سعره زين اذا نظيف وراح يكسبك بالشتاء ان شاء الله يا صاحب الموضوع

[ابوصالح022]

عز الله انه موووووووتر الله يووووفقك يارب

انا فرطت بجيبي الاول كان باترول 91 ذهبي سلق اربع ابواب

وعطيته واحد من اخوياي وصدم فيه وضااااااااااق صدري
هالموتر اغليه قلت بالحديد ولا بالعبيد

ونعووج الشاصي حقه وسمكرته ورشيته ويوم جيت ابيعه قلت للي بيشريه كل عيوووبه
قلت ترا شاصيه منعووج ورشيته لكن الرشه زينه مرره قال شرااااي قلت الله يربحك

لكن تبي نصيحتي حاول بخويك قله ب33
ون عيااا خذه عز الله انك بتااخذه وبترتاح والله يوفقك

[ذيب الفاو]

الموتر غالي والله غالي لو اربع ابواب وسفاري يستاهل بس ربع لاوالله حده ان ذبح نفسه 28 الف

[محطم عنيد]

الموتر على كلامك نظيف 97 هالموديل مرغوب كثير خص نص إذا لونه أبيض وش لون الموتر ذا تراك مابينت ؟

بالنسبة لسعره انا أرى إنه غالي وخصوصا إن فيه رش بالكبوت

سعرررره من 27 إلين 29

وإذا مايفرق معك ومعجبك وصله 30

اتمنى أكون أفدتك