اخواني وخاصه اهل النياسين القديمه ...واهل الترهييم ..

[الهجاني]

السلام عليكم ورحمة الله وبركاته...

صبحتم بالخيير...

اخواني اهل الترهيم والنياسين القديمه انا عندي نيسان 94 الموتر يالربع مكينته تنقص زيت
والقير لك عليه والعزم رايحن فيها...وانا احب الانواع القدميه واموت فيها واحب اشيل المكينه والقير واحط مكينة فتك وقير فتك عادي هل هو بيضبط وعارف انه بيكلفني غالي شوي بس انا راضي فيه اهم شي هو يضبط وهل فيه ورش ترهم ترهيم طيب وزين ...
انتظر منكم الاجابه ...

[ابوصالح77]

يضبط إذا كانت الورشة ممتازة
وأنصحك تشتري جاهز أفضل لك
وفيه بالقصيم عدة ورشات منهم الصمعاني والخضير وفيه ناس هاوين
لكن للأسف ما اعرف رقمه

[الهجاني]

مشكور اخوي بس انا ابي الورش اللي تضبط الشغل زين ...

[kmn]

كثير فلوس واجد

[قدر مكتوب]

اخوي حدد قبل نوع الترهيم اللي تبي

تبي ترهيم على مكنيه شد بلده

تبي ترهيم على مكاين الياباني وهذي لها ورش معينه مثل مكينه فتك ومكينه 4500 ومكينه لكزس

تبي ترهيم على مكاين امريكي 8 سلندر بخاخ وهذي لها ورشها

تبي ترهيم على مكاين 8 سلندر امريكي كابريتير وهذا ايضا لها اهلها

[الهجاني]

انا ياخوي ابي ارهم مكينة فتك وقير فتك عادي على موتري 94 وهذه الزبده من الورش اللي تزينها وتضبط الشغل اوكيه

[هويدي]

مافكرت بمكينه اللكزس 400 ؟ نشاط وصرفية بنزين قليله

اذا انت ملزم على مكينة الفتك زي ماتفضل اخونا ابوصالح الصمعاني والخضير

اكتب اساميهم بقوقل وشف وش بيطلعلك ماشاء الله

[قدر مكتوب]

اخوي مكينه فتك وقير فتك ===>فكره حلوه بس تراها مكلفه

احسن مافي مكينه الفتك انها تركب على طول ولكن ماراح تشوف الاداء اللي تشوفه على جيوب النيسان اللي شد بلدها فتك لان راح تحتاج كوارين فتك عشان تعطيك نفس الاداء اللي تشوفه على جيوب الفتك , هذا من جهه ومن جهه آخرى تكلفه المكينه

اخوي مكينه الفتك لمعلوماتك ماراح تحصلها الا من 23 الف وطالع من دون تركيب ومع تركيب يبي لها 2000 ريال (ترى كلامي تقدير والغالب فيه الزود موب النقص)
كمبيوتر موتك سعره تقريبا 7000 الاف ريال مستعمل واذا تبي تشغل على كمبيوتر الوكاله مافيه مشكلة بس ماراح تعطيك الاداء اللي تبيه
تلاحيق اخرى مايقارب 2000 ريال

تصور بعد كل هالخساير لو لا قدر الله لاي سبب خبطت المكينه !!!!!! راح عليك مايقارب 23 الف ريال


فكر بمكينه رخيصه وتعطيك نفس الاداء
فكر مثلا بمكينه الربع التويوتا او مكينه الفكس ار 8 سلندر مكاين كد ومد وارخص من مكينه الفتك بواجد

او فكر بمكينه الكزس 400 القديمه حدها بالسوق 3000 الاف ريال ومع التركيب عشره الاف ريال يعني لو خبطت المكينه راس مالها ثلاثه الاف ريال فقط

فكر بمكاين الامريكي (ياحبي لها بعد) قوه وخفه ونشاط منقطع النظير والكل يسقطها لك

عندك ls1 راكبه على موترك بــ 20000 عشرين الف ريال طبعا المكينه سعرها 5000- 7000 الاف ريال والباقي تحويلة بين القير والمكينه وطرمبة بنزين واديتير ومرواح كهرباء حذاف وكلتش وكمبيوتر وظفيره وبرمجة للسياره وخذ اطلق من مكينه الفتك مليون مره وعلى فكره المكينه المنيوم يعني لو تمشى بلا مرواح بالشتاء ماقامت حرارتها (المكينه بارده بالحيل) ولو خبطت معاك حدها خمسة الاف ريال وقوتها اقوى من مكينه الفتك

فكر بمكينه اليوكون الدينالي او اليوكون العادي , فكر بمكينه الكابرس الجديد (مكينه عنيفه جدا)

الخيارات كثيره انت فكر وقرر ولو فكرت بمكينه الفتك مالك الا الخضير او الصمعاني او كراجات الامارات (افضل 100000000000000 مره واحسن شغل واضمن لك ) وفيه اخونا (كنق التعديل) مركب مكينه الفتك بالامارات ويمدح كراج السهم (اعتقد اسمه كذا ) وله موضوع عن تجاربه مع المكاين بالباترول


اخوي نصيحة اخو فكر بمكينه ماتخسرك كثير لو خبطت او جرت عليها لاي سبب وحصل فيها عطل انها ماتخسرك كثير


وانا عن نفسي ارشح لك مكينه الفكس ار 8 سلندر (مكينه فيها طرب مش معقول) بالخطوط اجرام ومكينه علك وكد ومد
او مكينه الربع التويوتا 4500 مكينه حلوه وفيها تورك حلو اذا انك راعي ملد وعفل

[عاشق البليزرر]

اخوي القير حق موترك يتحمل المكينه اللي بتركبها قوي جدا انااعرف واحدمركب على موتره مكينه لوميناومعدل عليهاوكل اسبوع يروح للشرقيه والمكيف ماينزل عن 3 ماشاءالله تبارك الله والقيرشد بلد

[You Like Me]

والله انا انصحك بـ 4700 مكينة vxr لك وللزمن
واذا تبي الشور خذ لك سياره معدلة وجاهزة وفك نفسك من الروحه والجيه
وتكلفة الجاهزة ارحم بكثير من انك تجهز السياره بنفسك
برضو تفك نفسك انت مرهم يعني يبي لك شهرين وانت من مشكلة لمشكلة
كل يوم بترجع لنفس الورشة عشان كذا خذ لك جاهز وراكبه عليه مكينه من زمان ومجرب
ولا تاخذه الا فاحصه عند كباتن ترهيم وثقة
والله يكتب لك اللي فيه الخير