وش رايكم بالكشتات في هذه الايام؟

[راعي السيل]

السلام عليكم ورحمة الله وبركاته

http://img103.herosh.com/2009/09/21/355675117.jpg

اليوم يوافق 16 سبتمبر 2010 ، والفترة مابين 6 الى 20 سبتمبر تسمى بال الجَبْهَة (ثاني نجوم سهيل) وهي أول أنواء الخريف (لاحد يسألني وش معناها :D ) وينهى فيه عن النوم تحت أديم السماء ( منقول من تقويم الجيب-إدارة الارشاد الزراعي) .

اذا تبي معلومات زيادة تقدر تبحث في google.com بالكلمات التالية: سهيل الجبهة

الموضوع وضعته للسؤال عن رأيكم في الكشتات خلال هذه الفترة ، خاصة من بعد صلاة العصر إلى آخر الليل، و عن الدواب والعقارب التي قد تعكر الكشتة.

مع التحية.

[العاذر]

الايام هذي من افضل الايام من ناحية اعتدال الجو خاصه بعد العصر الى آخر الليل

الجو بصراحه جميل جدا ورهيب ويعجبك انشاء الله

بس شفلك حزم نضيف مافيه مشاجير ولا جحور وفرش ونزل العزبه وستانس ولعن الشيطان

وبعد المغرب شب الضو ولا بعد العشاء على كيفك ,, وطبخ ونفخ وعين من الله خير وتعش وتمش على رجولك قبل المغرب


وخذ معك القدوع واللبن الطبيعي والكليجا وفلها وربك يحلها ,, والدنيا فانيه وسع صدرك وستانس

ولاتنسى الادعيه والاذكار

[اسير الغضا]

اشوف الوالد ينام تحت المظله يقول بالوقت يظر تنام تحت السماء((كب العفش**))

والله وانا كاششتين كاشين بالبران سواء صيف ولا اشتاء برد ولا حر مايهم

اللي يهم المطر ولا الجو مايحتاج

لاصار الجو حار اكشت مع الغروب واطلع بعد الشرق ويالله من فضلك لاصارت قمرا وعمجت بالبر تجوف الحبابين((علشان تبلغ عليم) وتشوف المكاشيت وتنفه بعيد عن الديره

[@قرناص@]

ممتازه الكشته ولو يتخللها نصيب من الطيور المهاجره .. (دخل -صفارا -قميري)

والله يجيب المطر والخير ,,

[ابو مرسال]

والله انا قبل يومين طالع يم الثمامة والله براااااد فوق هالطعس
وطبخنا وتعشينا ويالله من فضلك نوووم مادرينا الا الشمس طالعه مادرينا
من هالجو الزينhttp://www.shy22.com/upfiles/4eA95911.jpg

[بندر العمري]

ومن خصائص الجبهه ما يلي:
1) ينهى فيه عن النوم تحت أديم السماء ليلاً.
2) تخرج الحرارة من جوف الأرض وتبدأ بالانخفاض.
3) يبدأ الجو بالاعتدال ليلاً ولا يزال حاراً في النهار.
4) مطره نافع بإذن الله .
5) يبدأ فيه صرام النخيل.
6) تغرس فسائل النخيل وتشتل الأشجار وتزرع الخضار.
7) تهب الرياح فيها غالبا من جهتي الشرق والجنوب الشرقي .
8) تنخفض فيه الرطوبة على المناطق الساحلية .
9) تهاجر فيه طيور القميري ؛ وتبدأ هجرة الكرك الصغير .
قال البعض خطأً إن الخريف يبدأ مع دخول طالع الجبهه.
والله أعلى وأعلم وأحكم.

[بدوي محترام]

:good2:اشكر على موضوعك الرائع


مع التوفيق:good:

[بدوي محترام]

http://www.youtube.com/watch?v=9RTKuClLfWQ&feature=related

[Trailblazer09]

بالنسبة لي أهم شي ء الجو

أما بالنسبة للعقارب وما إلا ذلك

هذه موطنها وإنت رايح لها

لأزم تأقلم نفسك معاها

وشكرا

[ولد قبة]

تبي الجد . والله حررررررررر ....خاصة الصبح والظهر مستحيل تنام زين
..... يارجال يازين المكيييييييييف . تحياتي

[أبوعبدالمحسن.]

تبي الجد . والله حررررررررر ....خاصة الصبح والظهر مستحيل تنام زين
..... يارجال يازين المكيييييييييف . تحياتي

:good2::good2::good2:

[نجم حفرالباطن]

بصراحه العصر حر
لكن بالليل يكون الجو زين ولطيف

[مكشاتي كوكتيل]

الدوامات باكر وأنتم تقولون كشتات؟! >>>>>>>>>>>>>>> يبي ينكّد عليكم :)