سؤال عن حساس الكفرات في الجمس سييرا

[ابوعبدالله8]

لسلام عليكم،

ياجماعه الربع عقب ما غيرت الكفرات جديده صار يطلع لي في الطبولون الكتابه هذي
service tire monitor

ارجو الأفاده وشكرا.

[gm2009]

ممكن ضغط الكفرات مو بضبوط شيك علي الهواء واعتقد هواء الكفر يا 40 يا 35 .

[ابوعبدالله8]

الله يرحم والديك

[google-999-]

الافضل 35
وعلى فكره لغيرت الكفرات جديده

الحساسات دايركت تتبرمج مافي مشاكل ابد

[gm2009]

ووالديك اجمعين بس بشر عسي الامور ضبطت معاك
وبالنسبة ل35 افضل الي اعرف ان السيارة مبرمجه علي رقم يا 40 يا 35 ما اذكر بالضبط ان نقص عن هذا الرقم راح يطلع لك التحذير

[ابوعبدالله8]

والله يالغالي ماتغير شي وضغط الهوا شيكته بين 35 و 40

وماادري وش الحل

[مميز11111]

اعتقد والله اعلم انك لازم تغير البلوف حق الكفرات الأربع لأن فيه حساس على ما اعتقد موجودة عند الوكالة

[فراس المالكي]

والله يالغالي ماتغير شي وضغط الهوا شيكته بين 35 و 40

وماادري وش الحل


أمرك بسيط يا بو عبد الله ومشكلتك محلولة [بإذن الله]

وحل المشكلة يكون عن طريق معرفة موديل السيارة

فإذا كان موديل السيارة 2007 وما فوق [فأعتقد أنها مثل اليوكن]

فعن طريق شاشة المعلومات الموجودة في التابلون
ستجد خيار [إضغط صح لإعادة برمجة الإطارات]

قم بالاستمرا على الضغط لزر [صح]

بعد ذلك ستمع إشارة المنبة [البوري]

قم بتعبئة أو تنسيم الكفر الأمامي اليسار حتى تسمع صوت المنبة مرة أخرى

بعد ذلك انتقل للكفر الأمامي اليمين ... وقم بنفس العملية [التعبئة أو التنسيم حتى تسمع صوت المنبة]

ثم انتقل للكفر الخلفي اليمين وقم بنفس العملية حتى تسمع صوت المنبه

وأخيرًا الكفر الخلفي اليسار وقم بنفس العملية حتى تسمع صوت المنبة ... ولكن في المرة الأخيرة سيكون التنيه مختلف [دقتين بوري]

وهذا مفاده أن جميع الحساسات تم برمجتها

[ملاحظة: لابد من الترتيب في الكفرات كما هو مذكور أعلاه]

بعد ذلك قم بالتأكد من مستوى الضغط الملائم في جميع الكفرات ... وأنصحك بأن تنظر إلى الملصق الموجود في باب السائق والذي يحتوي على الضغط الملائم لكفرات السيارة ... وفي مخيلتي أنه 30

[رساويxp]

ياخي مشكلتك مثل مشكلتي

وهي البلوف

البلف فيه حساس شوف البلف يوم تغير الكفرات

نفسه ولا مغيرينه

اذا كان البلف اسود فهو مغير ,واذا بغيت اللمبه تروح جيب بلوف الوكاله

واذا كانن فضيات او المنيوم فهي حقت الوكاله




اذا كانن حقت الوكاله افصل البطاريه

خمس دقايق ثمن اشبكه مره وحدهـ
اما اذا شبكته ثمن فصل وشبكته فاعتبر نفسك ما سويت شي

لازم مره وحدهـ


أرجو ان اكون افدتك
رساويــxPــ

[ابوعبدالله8]

في البدايه احب اشكر كل من رد على الموضوع واقول الله لايحرمكم الأجر،وبالنسبه موديل السياره 2008 امريكي ومثل ماقال اخوي رساويxp البلوف لونها اسود لكن انا سألت
محل الكفرات(وكيل مشلان) قال ما كان فيها من أول ،بس وشلون ما ولعت المبه الا بعد ما غيرت
الكفرات.

الأخ فراس الضاهر ان جمس سييرا يختلف طبلونه عن اليوكن والله اعلم لإن علامه الصح هذي مادري ونها فيه.

شكرا.

[himaa]

السلام عليكم ....


كيف الحال .؟
لليوكن والتاهو والسوبر بان من موديل 2006 الي 2011


اليوم جايب لكم طريقة برمجة حساسات الكفرات ولا يحتاج ترووح الوكاله ...

الطريقة ...


1- القير يكون في n

2 - ترص على الزرين في الريموت اللي يفتح الأبواب مع اللي يقفلها راح تسمع البوري ...

3- اول ما تسمع البوري ابدأ في الكفر الأمامي الأيسر اللي عند السواق ... طبعا تنسمه او تنفخه لين تسمع البوري ..

وبعدها باقي الكفرات على شكل عقارب الساعه يعني تبدأ من الأمامي الأيسر بعده الأمامي الأيمن وبعده الخلفي الأيمن واخيراً الخلفي الأيسر

ونفس الشي لازم تسمع البوري اربع مرات مره من كل كفر ...

اللمبه راح تظل شغال معاك بس انت عشق القير للـd واتوكل على الله وامش اذا كملت 3 الى 4 كيلو ما طفت اللمبه كل اللي عليك وقتها انك توقف وتطفي السياره وتشغلها ....
(منقووووووووووووووول للفااااااائدة)

[بدوي جنوبي]

ينقل لقسم الاعطال

[alengineer]

اسمع البوري في الأول والثاني
وما يطلع صوت البوري في الثالث والرابع ......................وعدت الحركه ,,,,والعجيب بديت بنفس الترتيب وماطلع صوت البوري في الأول والثاني
بالعكس ... جا صوت البوري بعد الثالث والرابع ؟؟؟ وكتب في شاشه الطبلون أرقام ضغط للكفرات الأماميه
........او اصفار

[beder]

اخي الفاضل انا اسف ان اقول لك أن هناك حساسات في الكفرات خربت عند تغيير الكفرات لأن العمال الله لا يسمحهم بتعملوا بشكل خطأ عند تعيير الكفرات . أنا حصل معاي هذا الأمر وبعد روحه وجاية وكلام كتير اكتشفت أن أحد الحساسات لا يعمل وده من العمال بتاع النشر ورحت وشريت واحد وخلاص كله ضبط