المساعد الشخصي الرقمي

مشاهدة النسخة كاملة : مشورتكم لطبق للاند كروزر موديل 2010 ؟؟


مروي الظامي
16/09/2010, 06:29 PM
السلام عليكم ورحمة الله وبركاته
مساكم / صبحكم الله بالخير
سؤال لاخواني المكشاتيه ودي
بطبق لموتري لاند كروزر 2010 وش تنصحوني فيه..
طبعا عندي تانكي ماء 80 ليتر من عند السنيدي اللي يجي واقف خلف المراتب..
وش تشورون علي أشتري جاهز .. والا اني افصل تفصيل ؟ إن كان جاهر لاتبخلون علي بالمشوره ..
وان كان تفصيل وين الورشه الزينه؟
ساقان
16/09/2010, 07:08 PM
كل محلات الرحلات بالرياض يتوفر عندهم وكل محل له تفصيله الخاص السنيدي- البريه -برق الحيا- الكشاته - وهو الاقل سعرا
وخل التانكي معك ويكون فاضي وجرب الطبق عند المحل مع التانكي
أبوفاطمة
17/09/2010, 03:02 AM
طبق البرادو حق السنيدي
سليمان 10
17/09/2010, 03:13 AM
لايفوتك تانكي السنيدي الجاهز الالمنيوم 100لتر والطبق على مزاجك 000
ابوصالح77
17/09/2010, 06:03 AM
جرب الجاهز عندهم شف يصلح لك أو رده عليهم
وأنصحك تفصل على مزاجك
لأني اخذت جاهز وفيه عيوب إنه منا طبق صح
لأني حطيت تانكي واقف وحق الجيب مايركب وقال لي العامل خذ حق باث فندر
تقبل مروري
حصحاص
17/09/2010, 06:38 AM
السلام عليكم اخوي
مرووي الضامي
انا معي جيب 2007
انصحك انك تفصل تفصيل ازين لك
لانه صارت عندي نفس المشكله
فصلت تانكي المنيوك واقف
وعجزت القى طبق يركب صح
وفصلته تفصيل ب 250
مع التلبيس بس خلهعم يحطون لك قواعد قويه
واذا انت من اهل القصيم لا تبعد عن عروووق الشمال
احسن واحد يفصل
انشب له لين يفصلك لانه خابر ان عندهم ضغط بالورشه علشان الموسم ومثلك خابر


وانشالله اني افتك
عاشق الكروزر
17/09/2010, 07:13 AM
عند السنيدي ممتاز مخصص للاند الجديد

بس لبسه بلاستك شفاف حتى لايتسخ

سعره: 250 ريال
راكان 11
17/09/2010, 07:17 AM
اخوي ( وجهت نظري )
انا بغيت اركبه وهونت
تراه يمخش السياره من الاجناب
ودام عندك تانكي واقف مثل اللي عندي
رتب اغراضك بدون طبق
محلات الكشاتة
17/09/2010, 01:35 PM
يمكنك زيارة المحل وتفصيل الطبق الذي تريدة وعلى مزاجك
وأختيار القماش الذي تريده

وهلابك
مروي الظامي
18/09/2010, 05:07 PM
بارك الله فيكم يالذيابه وماقصرتوا وبيض الله وجيهكم
مفتون صيد
20/09/2010, 08:01 AM
اخوي خذ مني الكلام

وصدقني راح تدعي لي كلما شفت طبقك :d

لا تفصله مثل اللى عندي السنيدي لانه غير عملي ابد

فصله بالرس يخلونه لك معلق في الهواء بدون قواعد ارجل

شيء فوق الخياااااااااااااااااااااااااال

من جمال شغلهم بيصير مالك شغله الا فتح الشنطه وتسكيرها كل شوي من زين فيه
فتى سواج
07/01/2013, 09:40 PM
اخوي خذ مني الكلام

وصدقني راح تدعي لي كلما شفت طبقك :d

لا تفصله مثل اللى عندي السنيدي لانه غير عملي ابد

فصله بالرس يخلونه لك معلق في الهواء بدون قواعد ارجل

شيء فوق الخياااااااااااااااااااااااااال

من جمال شغلهم بيصير مالك شغله الا فتح الشنطه وتسكيرها كل شوي من زين فيه

السلام عليكم الله لايهينيك أخوي إذا تكرمت وين موقعهم بالرس وان كانه الوادي أبي غيرهم لان عاملهم مسافر ويبيله ثلاث شهور على مائتي وورشة الضويان ماعاد يصلحون
البديع 828
08/01/2013, 08:12 PM
وين محله بالرس لاهنتم