وشلون ارفع الموتر

[ابوعمر00]

السلام عليكم

اخواني انا عندي vxr 96 ودي ارفعه من الخلف

وش احسن ورشه وش اركب يايات ولا كعكات


علمن ان موتري طامن شوي مع ان المساعدات كويسه

[هويدي]

وعليكم السلام ورحمه الله وبركاته

اكيد اليايات افضل خصوصاً الاسترالي اللي عند الرمايه وسعره كانه على خبري 500 ريال
طبعاً يجي مقاسات للحموله حسب الحاجه وارتفاعات من 3 الى 5 سم

واذا منت راعي تحميل ومطامر ركب كعكات المنيوم تلقاها جاهزه ببعض المخارط

[mgs71]

مثل ماقال الاخ هويدي اليايات افضل واضمن لك

[عميد سامودة]

الرفع عن شد بلاده ما ينفع ويجرلك مشاكل انت في غنى عنها

[أبوصقر]

يارجال ركب لك يايات استرالي من عند الرماية..والأحسن أنك تركبها بنفس ورشة الرماية تختار المقاس الي تبي..ويرفع لك الموتر قدامك يقول لك اختر الرفع المطلوب وتختار على هواك..وانصحك خذ لك ظغط 250لاينزل مع التحميل ولايكون قوي في المطب..مجرب

[أ ب و ع ل ي]

اليايات أفضل لأنها تنهض الموتر لو حمل ينزل شيء بسيط
لاكن الكعكات صيحيح أنها أرخص لاكن تنهض الموتر إذا صار بدون تحميل ومع الوقت ينزل الموتر ..

[ابوعمر00]

مشكورين

وكتب الله اجركم وجزاكم الله كل خير


بس سئلت بعض الناس قالولي لازم ينزلون القير


هل هاذا صحيح

الله لا يهينكم

[hsson]

احلى شي يايات ضغط 60 وفيه 65
والمنتشر بين الناس 60 وممتاز
بس لو تحط كل الجهات الامام واليسار احسن من الخلف فقط
ومع التحميل ماينزل
مع اخوي مركبه مركب مقاس 65

[أبوصقر]

بس سئلت بعض الناس قالولي لازم ينزلون القير


هل هاذا صحيح

الله لا يهينكم
إذا أنت مارفعت الموتر واجد مايحتاج تنزل القير..

[مدرس بري]

يالغالي
بعد التحية
انا موتري 97 لاندكروزر مركب خلفي استراليات وزن 120 كيلو رقم 862 اصلي
والارتفاع تقريبا 3 سم والموتر صار ارسى من قبل والمطب ناعم
توكل على الله ومنت خسران ان شاء الله
تقبل مروري

[ابوعمر00]

الله لا يهينكم اجمعين

[ابوعمر00]

هاذي صورت الموتر

http://www.mekshat.com/pix/upload04/images181/mk173669_555555.jpg



احس ان 3 سم شويه عليه ولا لا

لان موتري طامن

ودي انه ينتهض من ورا

[أبوصقر]

لابالله إلا طامن وزد..ركب5سم بس رايح يطلع شاقص..ولاتنسى ترفعه من قدام..شيء بسيط..

[moafaq999]

عليك بالياي الاسترالي وبس وركبه في ورشة الرماية يرفعونه على المقاس المناسب وانت تحكم وتشوف

[صاحب الكشتات]

ياشباب انا عندي نفس الموتر ومركب كعكات وكانت رفعة جيدة بس مع الوقت نزل شوي واحترت من كثرة اراء الشباب الله يعطيهم العافية ودنا من واقع تجربة يفيدونا اليايات الاسترالية او البالونات لأني احس ان البالونات تقدر تتحكم في الرفع بس خايف مطبها قاسي وبالنسبة لليايات الامامية وشلون رفعتها اذا ركبت بالونات خلفية
ومشكورين على الإفادة

[You Like Me]

الا مره طامن بزود ..
اذا انت راعي عفوش وعزب ماكنك سويت شي
وحتى لو ركبت اليايات الاستراليه لحالها صحيح بترفع السياره
بس تراها لينه يعني اي شي سواءً ركبت احد معك ورى او عفش بيطيح الموتر
فالافضل تركب اليايات الاستراليه ومساعدات اذا بتركب مساعدات انصحك بمونرو
هذا اذا ما انت راعي تحميل بتصير رفعته حلوه
امااا اذا راعي تحميل وتانكي وعزب على نزلت سيارتك يبي لك والله اعلم مع اليايات والمساعدات
كعكات 2سم حتى لو تحمل وشو لو طاح بيتواسى مع الوجه
ومن ناحيه تنزيلت القير انا معي ربع نيسان صار له معي اكثر من سنه رافعه من ورى 9سم
ومنزل القير ولله الحمد ما اشتكيت منه ولا فيه الا العافيه ما شاء الله