مقاس رصاص الساكتون.....يا ناس اعطونا الشور اللي يجمد على الشارب

[حلال المشاكل]

نويت اشتري هوائية موديل 85
لكن متلخبط مرررة من ناحية اختيار مقاس الرصاص
4.5 ولا 5.5
ناس تقول 4.5 (الحبة الصغيرة)اسرع وابعد مدى لكن ما تذبح الطيور الكبيرة
وناس تقول 5.5(الحبة الكبيرة) اقوى وتذبح الطيور الكبيرة لكن الجلدة والسبرنق تخرب بسرعة
دخلت منتديات مصرية تهتم بالصيد الاغلبية هناك يؤيدون 5.5
عندنا في الخليج لقيت الاغلبية تؤيد 4.5
انا لحد الآن متردد اعوذ بالله من التردد

[hunterboy]

الاخ حلال المشاكل...ما تتردد وتوكل على الله وخذ مقاس 5.5 لان الساكتون الي بتاخذه قوي ايضأ مقاس 4.5 غير قوي كفايه لطرح الطير الكبير مثل القميري.كثير اصيب الطير بمقاس 4.5 ويطير بعيد. كذلك 5.5 اثبت خلال اتجاهه للهدف. صحيح 4.5 مداه ابعد لكن ما تحتاج لاكثر من 50 متر وكلهم يوصل هذا المدى....تقبل تحياتيي

[HW80]

اخوي المقاس الصغير اكيد انه راح يبعد اكثر لاكن وش الفايده اذا صار تأثيره على الطير موب قوي يعني مايموت بسهوله اذا كان الطير كبير وانا اتوقع ان الحبه الكبيره ادق مايلعب بها الهواء والي بيقول الرصاص الكبير غير متوفر صحيح ليس بكثره الرصاص الصغير ولكن تحصله في اكثر محلات الرحلات واذا لقيت خذ معك كم علبه

والاختيارالاول والاخير لك الله يكتب لنا ولكم الي فيه الخير

والله اعلم ااااسف على الاطاله تفاعلت مع الموضوع

[أبوصقر]

أنا أقول خذ لك 5.5مثل ماقالوا لك الإخوان..ومن ناحية عدم تواجد الصتم في أغلب المحلات..فهي سهلة خذ لك كم علبة وريح مخك..لأن حتي الحبة الصغيرة راح تشتري من محلات البنادق أحسن جودة..فهي نفس الفكرة..

[حلال المشاكل]

لكن الحبة الكبيرة تعدم الطيور الصغيرة عدام بالمرة
بعض الشباب نصحوني بالصغير لانه يجيب اغلب الطيور من الدخل وحتى القماري

[HW80]

صحيح يمكن تعدم الطيورالصغيره مثل الدخل وتحت وانت اكثر شي بتصيده الطيور المتوسطه
ونشوف ارا باقي الاخوان

[وحش القفار]

كان بندقك قويه خذ الصتم الكبير لأنه المناسب لها وان كانت من ال35 الديانا ونازل عليك بالصتم الصغير لأن لكل قوة صتم له وزن معين وإياك من الماغنوم ذات الصتم الصغير مقاس 4.5

[حلال المشاكل]

البندق حقي هتسان٨٥ تركية
توكلت على الله وشريت الصجم الصغير

[عشقي الاحرار]

حلال المشاكل بالله كيف الهتسان معك وغريب كيف لقيت 85 انا الي اعرفه مافي الا مقاسين 125 و 135

ياليت تدكر موصفات الي معك وسعرها لاهنت

[حلال المشاكل]

حلال المشاكل بالله كيف الهتسان معك وغريب كيف لقيت 85 انا الي اعرفه مافي الا مقاسين 125 و 135

ياليت تدكر موصفات الي معك وسعرها لاهنت

تفضل هذا الرابط نفس اللي معي بالضبط
http://www.hatsan.com.tr/airguns_mod_85.asp

[فتى مرات]

اخووي واحد من الربع معه 5.5 ما هي يم ساالفهجربناها تلعب بالدخله .. والصتم حقها غالي .. انصححك بال 4,5 لا تبعد عنها انا معي فايروخ 85 4,5 وزي الحلاااوه و صتمه بالمحطات تحصله ..

[الستانس]

السلام عليكم

خذ مقاس 4.5 ارخص لك في الرصاص وإذا جيت تصيد شي كبير

استعمل هذي النوعية وبتتذكر نصيحتي ان شاء الله

اهم شي هذي النوعية لا تركب إلا على ساكتون قويه عشان يبين اثرها

على الهدف


http://www.mekshat.com/pix/upload04/images182/mk60272_dscf0803_640x480.jpg


صراحة هذي شي عجيب على الأهداف القويه والكبيرة

تم تجربته على ليمونه خربانه ما بقى منها شي إلا ريحتها ((باب ما جاء في المبالغة))

وإذا عندك ساكتون اشتر هالرصاص وجربه وهو يباع عند الرمييح وقيمته 5 ريال

وماينفع للدخل ابد ابد ابد لانه موب باقيلك منها إلا السيقان ههههههههههه

البندقيه المستعمله من نوع هاستان 55s قوة الطلقه 305

[حلال المشاكل]

وماينفع للدخل ابد ابد ابد لانه موب باقيلك منها إلا السيقان http://sela7.net/images/smilies/cool.gif بطني تقطع من الضحك الله يقطع شيطانك

[البواردي2015]

الناس تاخذ كبير اللي بالدول الي يكثر بها الصيد المتنوع من الطيور
اما عندنا مافيه الا دخل وسمان وتكفيك الصتمه الصغير والقميري ماودك تفرط فيها وترمي بالساكتون
هذه وجهه نظري وتقبل تحياتي

[ابو كشتة]

البواردي تتوقع الرجال صاحب الموضوع حي ولاميت

[عطيه الدوسي]

البواردي تتوقع الرجال صاحب الموضوع حي ولاميت
هههههههههههههه
اضحك الله سنك