مطلوب باترول نظيف على الشرط

[stewrd]

اسعد الله مساء الجميع بكل خير يالربع انا رجال ادور لي على باترول ربع او اربعه ابواب الموديل يكون من2001 ويكون على الشرط ان يكون نظيف لاني يالربع تورطت في ديون مالله بها عليم واسال الله ان لا يبلاكم بما بليت على كل حال اللي وده يعرض موتره يكون صادق معي لاني والله العظيم لو شريت موتر وخرب والله ما راح اقدر اصلحه واني راح ادعي عليه وعلا اهله من تحت ميزاب الكعبه انكان انه يعرف ان فيه عطل ولكم جزيل الموقع الغربيه وهذا الجوال للتواصل 0554655598

[stewrd]

يالربع تكفون اللي يعرف احد عنده جيب نظيف

[ابومشعاب]

صحيح اتقفلت في وجهك أبواب الآرض .. وربي يفتحها عليك
لكن عندك ابواب السماء .. فأقرع ابواب السماء بمفاتيح الدعاء
..
(( اللهم إني أعوذ بك من الهم والحزن والعجز والكسل وأعوذ بك من الحزن والبخل وأعوذ بك من غلبة الدين ومن قهر الرجال ))
..

رددها وأنا أخوك ولاعند الله شي بيضيع
..
الله يفتحها عليك من حيث لاتحتسب .. ويرزقك مطلوبك ويسهله عليك

[شخًااااط]

الله يرزقنا ويااااك من واسع فضله عليك بالدعاء وانا اخوك

[stewrd]

اسال الله الواحد الاحد الفرد الصمد اللذي عينه لاتنام ان لا يبلاكم بما بليت واسال الله يفرج همكم مثل ما فرجتم همي تعم انت لم تساعدوني في طلبي ولكن ذكرتوني دعاء كنت ناسيه الف شكر لكم

[stewrd]

للرفع الله يرفع مقداركم

[stewrd]

للرفع رفع الله مقداركم

[راعي طفات]

لو شريت موتر وخرب والله ما راح اقدر اصلحه
نصيحة مجرب اهرب عن النيسان مادام هذا وضعك

لأن قطع غياره غالية مقارنة بغيره كالتويوتا

وستكون بين أمرين : إما تحمل قطع الغيار المكلفة أو عمل صيانة دورية بمبلغ وقدره !!!!

وفقك الله بالموتر النضيف والرخيص

[سبع الصحراء]

أنت طالب موتر نظيف ما فية أعطال

وهذي والله صعبة وانا اخوك لأن الموتر يمكن اني ابيعك أياه سليم ما فية شي وفجئة يخرب معك
إما بسبب سوء أستخدام منك أو انه تعطل لحالة

يخوي سيارات جديدة موديل 2010 تطلع من الوكالة وفجئة يخرب فيها شي

يعني الاعطال ما هي بيدي ولا بيدك ولا تقدر تحكمها حتى بالإستعمال النظيف

ولا اتوقع احد بيغامر بيبيعك موتر نظيف وبقدرة قادر يخرب معك همن تدعي علية
وهو ماله ذنب لان اعطال السيارات لا يمكن إقافها فهي في الاخير سيارة حديد تستخدم وتتعرض لضروف عديدة

على العمووم الله يفرج همك ويسد دينك ويرزقك بالموتر المبروك اللي يريح بالك