سديرآوي
18/09/2010, 02:58 AM
السلام عليكم ورحمة الله وبركاته ,,
مساك الله بالخير يالربع ,,
كل عام وانتم بخير ,,
ذكرت لي سالفة صغيره طريفة ذكرها لي واحد من الاقارب بالعيد وحبيت أشارككم فيها ,,
يقول :
كان فيه شايب مليونير وكان بخيل بالحيل ,,
كان عنده محلات ومزارع وخير ,,
وعنده أراضي كبيره تسوى لها ملايين اشتراها من زمااااان وعيا لا يبيعها يبيها تزود ,,
مع انه لو يبيعها تجيله عشرات الملايين ,,
لكن الشايب كااان بخيل بالحيييييل حتى على نفسه وعياله ,,
حتى انه مسكن زوجته وعياله في بيت شعبي قديم جدا بالرياض ,,
وكان ما يهتم ببيته ويعاله لان اسفاره واجد ومايقعد ببيته ولاهي مع تجارته وملايينه ,,
خوينا واحد من عياله كان يدرس بالجامعة مع واحد من الاقارب ,,
وكان معه هايلوكس قديم وكانت ملابسه عاديه جدا ويداوم السنة بشماغ واحد من عرفوه
من شدة بخل أبوه لانه مايعيطهم شي أبد إلا الي يوكلهم ,,
وكان يشتكي لربعه من بخل ابوه ,,
المهم مرت الايام والولد على حالته البسيطة المتواضعة ,,
وبعدها غاب عن الجامعة اسبوع تقريبا ,,
ولا يدرون عنه اخوياه ,,
مر اسبوع ,, ويوم من الايام كالعادة بالصبح وهم عند باب الجامعة واقفين ,,
إلا يشوفون خويهم يالله عرفوه نازل من المرسيدس بانوراما اخر موديل ذيك السنة ,,
على سنقة 10 بالثوب الجديد الي يلصف والشماع والعقال والنظارات الشمسيه ,,
ويجي ويسلم عليهم وهم مستغربين ومنهدشين ,,
ويقولون ماشاء الله وش هالسيارة وهالكشخه وهالخير ياولد !!!!
ويقول والله أبد والله خير الوالد الله يرحمه توفا قبل اسبوع ,,
وترك لنا هالملايين وهالخير والاراضي ,,
وانا قلت اجي اسلم على ربعي وعالمدرسين لاني خلاص تركت الجامعة ,,
وبنشغل بالبزنس والعقارات والتجارة هالحين ههههههههههههههههههه ,,
وعاد الله أعلم ضاقت صدورهم على ابوهم ولا ماصدقو يحترون هاليوم هههههههه ,,
أخوكم : سديرآوي ,, لا تبخلون علينا برد بسيط ياعرب :d ,,
مساك الله بالخير يالربع ,,
كل عام وانتم بخير ,,
ذكرت لي سالفة صغيره طريفة ذكرها لي واحد من الاقارب بالعيد وحبيت أشارككم فيها ,,
يقول :
كان فيه شايب مليونير وكان بخيل بالحيل ,,
كان عنده محلات ومزارع وخير ,,
وعنده أراضي كبيره تسوى لها ملايين اشتراها من زمااااان وعيا لا يبيعها يبيها تزود ,,
مع انه لو يبيعها تجيله عشرات الملايين ,,
لكن الشايب كااان بخيل بالحيييييل حتى على نفسه وعياله ,,
حتى انه مسكن زوجته وعياله في بيت شعبي قديم جدا بالرياض ,,
وكان ما يهتم ببيته ويعاله لان اسفاره واجد ومايقعد ببيته ولاهي مع تجارته وملايينه ,,
خوينا واحد من عياله كان يدرس بالجامعة مع واحد من الاقارب ,,
وكان معه هايلوكس قديم وكانت ملابسه عاديه جدا ويداوم السنة بشماغ واحد من عرفوه
من شدة بخل أبوه لانه مايعيطهم شي أبد إلا الي يوكلهم ,,
وكان يشتكي لربعه من بخل ابوه ,,
المهم مرت الايام والولد على حالته البسيطة المتواضعة ,,
وبعدها غاب عن الجامعة اسبوع تقريبا ,,
ولا يدرون عنه اخوياه ,,
مر اسبوع ,, ويوم من الايام كالعادة بالصبح وهم عند باب الجامعة واقفين ,,
إلا يشوفون خويهم يالله عرفوه نازل من المرسيدس بانوراما اخر موديل ذيك السنة ,,
على سنقة 10 بالثوب الجديد الي يلصف والشماع والعقال والنظارات الشمسيه ,,
ويجي ويسلم عليهم وهم مستغربين ومنهدشين ,,
ويقولون ماشاء الله وش هالسيارة وهالكشخه وهالخير ياولد !!!!
ويقول والله أبد والله خير الوالد الله يرحمه توفا قبل اسبوع ,,
وترك لنا هالملايين وهالخير والاراضي ,,
وانا قلت اجي اسلم على ربعي وعالمدرسين لاني خلاص تركت الجامعة ,,
وبنشغل بالبزنس والعقارات والتجارة هالحين ههههههههههههههههههه ,,
وعاد الله أعلم ضاقت صدورهم على ابوهم ولا ماصدقو يحترون هاليوم هههههههه ,,
أخوكم : سديرآوي ,, لا تبخلون علينا برد بسيط ياعرب :d ,,