طرح الطيور

[مخاوي الذيب 305]

السلام كل ما ادخل المنتدى اشوف طرح اطيور الي سعوديه وليبيا الخ

بس طرح بالكويت مافي يعني الطيور تجي الكويت متى

[falcon 1]

طال عمرك طيور تجي الكويت ومن احسن الطيور والحمد لله .. الكويت ما شاء الله الصقارين كثار والطيور قليلة ...فيصير تنافس بين فلان وفلان ..لكن طيور تجي ..انا امس دق علي واحد من الربع قالي شيهانه كبر العقاب طابه قدامي على الليت ..قلت ما شاء الله قلت طيب معك شبكة قال لا قلت معك حمامه قال لا ..قلت وين مكانك قال انا جنب المطار ..قالي لكن الشيهانه داخل الشبك ..قلت الله يرزقه غيري ان شاء الله
فاي الطيور تجي افا عليك ..لكن انت وحظك ,, ممكن تطرح وكرية قيمته 100 وممكن تطرح حر نادر قيمته عشرين الف والعلم عند الله . العام طال عمرك انطرح فرخ هنا وانباع ب سبعة عشر الف دينار كويتي عند اخوي هاشم الصليلي الله يذكره بالخير.

تقبل مروري اخوك فالكن 1

[مخاوي الذيب 305]

مشكور على الرد الطيور موجوده ولا تبي تجي بس كان مكتوب في جريده الوطن مقال حق صالح العجيري العالم الفلكي ان حمام البر والطيور الاخرى تجي 20\9\2010 هو كتب حمام البر والطيور الاخرى بس ما ادري الطيور الاخرى معاهن الصقور وللا ابي تاريخ 25\9\2010 موجوده بكثره والسلام

[فزاعـ]

السلام عليكم
الصقور و الشياهين و الشراييص تجي25/9/2010
و راح يكونون كثار حيييل
الله يرزقك و يرزق الجميع

[أبوفرحان]

والله يا بوعطالله اصبر كم يوم وابشر بالطيور اللي تجي

ترى للحين الموسم على ابواابه ولا تنسى الجو العصر شوي حاار

وانا طلعت للسالمي مالقيت الا عقااب واحد من الشباب صايد له حميميج يعني توهم على الابوااب

والله يرزقك بالناادر

[skeet]

مابقى شي تجيك الاخبار ان شاء الله