ابي مساعدتكم عندي مشكلة بالشوزن

[مكشاتي شمالي]

السلام عليكم ورحمة الله وبركاته
اخواني اصحاب الخبرة في البراوننغ ابي مساعدتكم لا هنتم
عندي الشوزن براوننغ ماترمي الفارغ واحيانا يرجع الفارغ مكانه واحيانا يبي يطلع لكن الفشفة اللي بعده تمنعه
ولا هنتم اللي عنده خبرة في السلاح لا يبخل علينا
ودمتم سالمين

[نديم الخيال]

وانا مثلك سوتها معي البلاك وولف نفس اللي صار معك
لكن اعتقد انها تبي تنظيف بنظفها واشوف

[مكشاتي شمالي]

وينكم ياهل الخبرة

[نديم الخيال]

مافيه احد عنده علم بالمشكله؟

[panorama]

حياك الله اخوي نظف السلاح وان شاء الله تنحل معك المشكله

[شقن بقا]

السلام عليكم ورحمة الله وبركاته
اخواني اصحاب الخبرة في البراوننغ ابي مساعدتكم لا هنتم
عندي الشوزن براوننغ ماترمي الفارغ واحيانا يرجع الفارغ مكانه واحيانا يبي يطلع لكن الفشفة اللي بعده تمنعه
ولا هنتم اللي عنده خبرة في السلاح لا يبخل علينا
ودمتم سالمين

عليكم السلام ورحمة الله وبركاته أخوي مكشاتي شمالي ولا يهون الباقين
تأكد إن هذي المشكلة سببها الفشق ( الرصاص ) بعضه يجي متفخ لأنه قديم شوي أو زايد شوي العبوة وترى الزيادة بالملي أو جزء منه ما تنشاف وعشان كذا تشوف البندق في بعض الأحيان ما ترمي الفارغ أو تلحج في الماصورة وأنصحك قبل لا تروح للقنص وإنت في البيت الله يعينك تجرب تدخل الفشق ( فشقة - فشقة ) في ماصورة البندق وإللي تشوفها تلك معك أو مدخالها فيه مافيه لا تاخذها معك وأتأكد إن إللي بتاخذه معك من الفشق سهل الدخول في الماصورة عشان لا تتوهق ومع ذلك لا تنسى تنظيف البندق وتزييتها وخاصة النادوس إللي يسحب الفشقة ويخرجها وأنصحك بالزيت الأحمر ( زيت علبة الدركسون ) تراه خفيف وطيب - آسف للإطالة وجرّب وبتشوف النتيجة الزينة إن شاء الله

[moafaq999]

افادوك الاخوان
اعتقد يبيلها تنظيف وتزييت وان شاء الله بتزين