رايكم يالأجاويد عن ثلاجة اندل بي الإيطاليه

[البرميوس]

السلام عليكم ورحمة الله
اتمنى من الله ان تكونوا بصحه وعافيه
مثل ماهو واضح بعنوان الموضوع
انا ابحث لي فتره عن ثلاجه وذفه وتكون اصليه
ودجت السوق ووجدت والله لقطه خطيره عند الرمايه ثلاجة اندل بي صناعة ايطالي كمبروسر الماني حجمها28 لتر وعندهم تصفيه وسعرها مناسب 1300 وقلت والله انها لقطه ارخص من الطمره بواااجد ومشكلة الطمرة انها صارت صيني والوكيل سمعت انه سئ
لذلك انا اريد اعرف منكم من جربها وهل هي تستحق الشراء وجزيتم خيرا

[موراكوت99]

الشباب يفيدونك وتقبل مرورى

[البرميوس]

مشكور اخوي موراكوت على المرور


ماهقيت ان اهل مكشات مايعرفون شي عن ثلاجات اندل بي الرمايه
مازلت متعشم احد يرد علي :(

[محرين باالخير]

شوف اخي ثلا جات الرمايه جدا ممتازه وسبق عملت لها مقارنه مع الي موجود باالسوق ووجدت انها من افضلها جوده بس كان عيبها الوحيد سعرها غالي شوي .
اما ماذكرت فلي عليها ملا حضتين اولا صغر حجمها وثا نيا مسا كة الباب من البلاستك وهي ضعيفه وقابله للكسر حتي انك شوف الي باالعرض شالو يدها حتي لاتكسر من كثر الفتح هذا حسب علمي ومعلوماتي تقبل مروري

[البرميوس]

شوف اخي ثلا جات الرمايه جدا ممتازه وسبق عملت لها مقارنه مع الي موجود باالسوق ووجدت انها من افضلها جوده بس كان عيبها الوحيد سعرها غالي شوي .
اما ماذكرت فلي عليها ملا حضتين اولا صغر حجمها وثا نيا مسا كة الباب من البلاستك وهي ضعيفه وقابله للكسر حتي انك شوف الي باالعرض شالو يدها حتي لاتكسر من كثر الفتح هذا حسب علمي ومعلوماتي تقبل مروري

رحم الله والديك وجعلك في جنات النعيم
انا اقصد الي بدون يد تتبك تبك مالها يد هذا اللي اقصد والصغر انا هذا الحجم اللي مناسبني
شاكر لك يالغالي
وانتظر مزيد من الاراء من الاخوان

[فهدالغيهب]

وعليكم السلام ورحمة الله وبركاته

حياك الله يالبرميوس

ياخوي اطلعت عليها عن قرب

لكن لا علم لي عنها وأنا ودي بوحدة مثلها لكن ياليت أحد الأخوة الكرام ممن جرب هذه الماركة من الثلاجات أن يعطينا رأيه فيها وأعني بالماركة أي ماركة ( إندل بي ) الإيطالية ولا أعني ثلاجات الرماية الصينية ، لأن الرماية تبيع أكثر من ماركة.

الله يسهل لنا من يعطينا المعلومة المفيدة عنها.

وبالتوفيق

[برق 8]

مراحب اخي البرميوس صراحة انا جربتها واجلست معي سنه ماشفت منها الا كل زين وكانت مع الوالد قبلي ثلاث سنوات يمدح فيها بس غيرها بأنجل يقول انها ماتثلج والا تراها حلوه

[هولوكس2005]

السلام عليكم ورحمته الله وبركاته

توكل على الله هي ازين من الي بالسوق بعدين ايطالي وكمبرسر الماني وش تنتظر اشره لا تروح عليكم
بعدين الرمايه معروف بتعامله الجيد وبضاعته العمليه

[هولوكس2005]

السلام عليكم ورحمته الله وبركاته

توكل على الله هي ازين من الي بالسوق بعدين إيطالي وكمبرسر الماني وش تنتظر اشره لا تروح عليك
بعدين الرمايه معروف بتعامله الجيد وبضاعته العمليه

[الهاجر12]

السلام عليكم أنا عندي ثلاجة اندل بي 32 لتر ممتازة خطين على السيارة والبيت بالنسبه للتجميد يبغالك تنظر اشوي بس وإلا حلوه معها قادة تثبيت بالسيارة ماتتحرك

[tabtab055]

يرفع للاهميه

[ناصح]

أنا عندي ثلاجتين اندل
18 لتر و32 لتر كلها ممتازة ولله الحمد

[صخب]

جربتها بالسفر ممتازه جدا مقاس 31 لتر
مانزلت عن -14 شابكها على الطفاية
لكن فيه ملاحظة وهو اختلاف رقم الموديلات الموجود عند الرمايه عن ارقام الموديلات في موقع الشركة الرسمي ويضع علامة استفهام حول المنتج؟!!!

[كايد]

يالربع احد جرب ثلاجة ايفركول !؟
كيف عزلها وتثليجها .....