مشاهدة النسخة كاملة : راعي vxrويغير الزيت بعد 12ألف كلم
وادي النوم
19/09/2010, 09:26 PM
خرجت من العمل واركبت أحد زملائي وقلت وش عندك شغل قال ماعندي شيء
قلت السيارة مشت 5000 كلم وش رايك أغير الزيت لأني آخذ حسابي شاري سيفون
قال ياحبيبي أنت مسكين من اللي يلعب عليهم قلت وشلون
قال مايمدح حاضر جيبي فكس آر وماشي 400 ألف
ولاعمري غيرت الزيت إلا بعد 12ألف أو 13
وقلت والسيفون قال يالله بعد 24ألف
لاتصير حبيب وكل يوم بهالوكالة سيفون وخرابيط
قلت يالحبيب مايفيدني إلا الاخوان بموقعنا الدولي
وش رايكم هل فعله صحيح وإلا شغلي أصح الله يعطيكم العافية
Asser9
19/09/2010, 09:27 PM
أنا ولله ما اغير الا كل 10.000 والموتر ممتاز ماشي الان 120.000
rigidman
19/09/2010, 09:44 PM
خويك غلطان
تغيير الزيت مذكور في كتيب الصيانة عند 5000كم الزيت مع السيفون
رساويxp
19/09/2010, 11:07 PM
والله انا ما علي من الممشى كل ثلاث او اربع شهور أغير زيت
اما سيفون واللهـ
من زمان
حاولت اتذكر لاكنـ عجزت :d
بواسامه
19/09/2010, 11:14 PM
فكسار ماشي 130 الف
اغيركل10الاف بالسيفون اشتريه بنفسي من الوكالة
والحمد لله تمام التمام
فطع خويك
مقلع الرمث
19/09/2010, 11:18 PM
انا عن نفسي لا حسيت اني دخل فصل الشتاء وطلع ودخل فصل الصيف حاولت اغير الزيت خخ
ياخوي انا ماغير الا من فوق ال 13 الف وزياده
بعيد الهقاوي6
19/09/2010, 11:25 PM
ياخي كنا نغير على 1500 و 2000 كلم الحين صرنا نغير على 5000 كلم واشوف انها ممتازه جدا
كان عندي هايلكس اغير على 2000 كلم ومشى معي ثلاث سنين مزين منه
يوم عطيته اخوي الصغير ماكمل معه سنه الا والموتر مخبط والسبب انه يسمع اللي يقولون
لاتغير الا على 10 الاف وهذا اكبر غلط لان جونا مايسمح ابد
خذ من الامور اوسطها وغير كل 5000 الاف مع السيفون
تحياتي
باشا الخليفي
19/09/2010, 11:30 PM
سيارتي كرسيدا يعني قديمة ومع ذلك ما غير الا بعد الخمسه الاف
الجنوبي007
19/09/2010, 11:33 PM
الزيت والله مايطريلي اغيرة الا نقدته اوما اغيره كل 1000 او 2000 سلاامااااات
بس الاغلبيه 5000 كيلو
ولد وايل..
19/09/2010, 11:36 PM
ترجع على الإستخدااااام..
الإستخدام الجاير والسفر لا يزيد عن 5000-6000
اما الإستخدام الحليل وداخل الديرة لك الى 10000-15000
ولا تغير الزيت الا مع سيفون ولا لا فائدة من التغيير...
علم199
19/09/2010, 11:36 PM
فكسار ماشي 230 الف وتغيير الزيت ليس قبل 7000 سواء كان على خطوط او وسط الديرة مع العلم ان الزيت لم يفقد اللزوجة ولم ينقص مستوى الزيت وهذا اهم شئ .
طير المحبه
19/09/2010, 11:54 PM
4000-6000
بركه
انا ابفتح موضوع ثاني الا وهو : هونت اشتري مستعمل :D
اثركم كثرتوا يالي ماتغيرون الزيت الا بعد 10 الاف !!!
ياخوان لاتناظرون بلد الاجانب ترا جوهم في الصيف في العشرينات :mad:
يعني جوهم براااد
حنا وصل هالسنه 60 درجه قريبه للغليان
حرام عليكم والله
ترى الوضع: حديد x زيت x حراره = دمار
والله انا بالنسبه لي حاليا لان سيارتي تيربو تشرب زيت طبيعي
ما اغيره الا بعد 10 الاف تقريبا او اكثر علشان السيفون :p
لاني كل اسبوعين تقريبا ازوده علبه فالوضع عادي الزيت يتجدد اهم شيء ويصبح لزج رغم اني استخدم موبيل ون
اما السيارات الي مافيها تيربو والله كل 4 الاف لازم اغير والا ماارتاح نفسيا
حتى سبحان الله اذا غيرت الزيت وطلعت من حقين الزيوت احس بالموتر نشاط وصوت المكينه هادي (يعني فيه اختلاف ملموس)
انصحك اخوي خلك على وضعك غيره كل 5000 لو تحسبها 100 ريال ماتسوى عند راحة بالي وسلامة موتري
تحيتي لكم
مصفق القمري
20/09/2010, 12:13 AM
والله 5000 مناسبه الاحظ العالم اذا جت سياراتهم 5000 يغيرون الزيت وانصحك غير كل 5000
تقبل مروري
ذيب زلفاوي
20/09/2010, 12:37 AM
اخوي معه هايلوكس 2006 ديزل ماشي اكثر من 210 الف كيلو مايغير الزيت الا كل 12 الف كيلو والحين الموتر ماشاء الله لا ينقص ولاشي مع العلم انه يمسك فيه خطوط ويلزخه نوعا ما بس انا ماش عجزت اسوي نفسه اذا الموتر مشى 5000 الاف يضيق صدري واحس اني مقصر مع الموتر والحمد لله اغير كل 5000 او 6000 والموتر ماشي تمام وفكره اني امشية 12000 صعبة والله لان موتري ماركيز وهو هايلوكس والهايلوكس الله لا يضره مايعرف الخراب
ابن عكاش
20/09/2010, 12:50 AM
تبي الحق المواتر مهيب سوى حجم المكينة كمية الزيت الجو حار او بارد الإستخدام جلد في الخطوط اوتطعيس ومراقا وجر النمره كلها في نظري لها تأثير
ومثل ماقالو الأخوان 5000كيلو مناسبة خاصة في الشتاء طبعاً إذا استخدامك معقول ولاانت راعي سرعه وجر على النمره
واعرف واحد معه كامري ومايغير الزيت إلا كل 5000او6000 طبعاً راعي خوط بإستمرار وسرعة الله يحفظنا واياه ماينزل عن الـ200 يوم مشت السيارة 250ألف تقريباً خبطة عليه
تقبل مروري وهذا رأيي الشخصي
مجنون عسل
20/09/2010, 01:06 AM
انا 3000 واغير والا كل شهرين اغير حتى لو ما مشيت كثير
13000 كثير اتوقع ان موتر خويك يا ديزل والا ممشاه ممشى شايب
حتى لو بعد سنه يغير عادي يمكن حتى لزوجة الزيت ماراحت
تخيل سنه وكل ممشاك في الخط ما يتعدى 60 كم / ساعه
الله يوفقنا وآياكم على الطاعة فوق 5000 شنو نبي فيها كذا فيه ضرر على المكينه وننتظر اي مكانيكي يوضح لنا الاضرار اللي تسبب في اطالة الزيت لفترة اطول ولم يتم استبداله الا بعد مدة طويلة
تقبلو فائق احترامي
راعي ذرف
20/09/2010, 01:21 AM
والله يااخوان المشكلة الزيوت وجودتها تختلف
في زيوت ماتنفع بالصيف ودمار على السيارة
وبعدين بالنسبة لي اغير الزيت والسيفون كل شهر مع العلم امشي بالسيارة 1500 كم في ثمان ايام واوقات 14000 في شهرين ونصف
الاهم الزيت لا يكون محروق ياثر في المكينة
غواص وقناص
20/09/2010, 01:50 AM
با النسبة لي اغير على 3000 داخل مدينة او خارجها وايذا اني
طالع بر ومطول اغيره واشيك عليه قبل ما امشي
واللي يقول على 12000 كلم يغير الزيت
سنتين ويبيعها ويا ويل من يطب فيها الضعيف
ابو سليمان 11
20/09/2010, 02:15 AM
انا معي ديزل تيربو
والله الحمد امشيه عشره الف وعلى حسب الفضاوه مرة بالسيفون ومرة بدون
اذا كنت فاضي شريت سيفوون من الوكاله واذا ماكنت فاضي اغير الزيت والسيفون نفسه
قمة افرست
20/09/2010, 03:49 AM
اخوي قبل كل شي لازم نعرف ان هناك زيوت تمشي حتى 20الف كيلو
وزيوت حدها 5000كم
اضافة لنظافة السيارة والجو والاستخدام للسيارة
مثلا لو غيرت زيت لسيارة فيها تبويش ومن الغالي الي يوصل 20 الف راح تلاقيه احترق بالالف كيلو الاولى
ونقص الزيت
ولازم نعرف اخي الكريم ان الزيت دورة الاساسي هو تزييت اجزاء المكينة للحفاظ عليها نتيجة الاحتكاك
واذا فقد لزوجته مع الوقت لن يكون مجدي
نصيحة اذا سيارتك جديده وبتحافظ عليها تابع الصيانة الدورية السليمة
كل 5000كم غير زيت بكذا تتفادى ترسبات الزيت القديم على جدران السرندل
مع ملاحظة ان اغلب الزيوت الان مطورة ويوجد بها مادة تساعد على منع احتكاك اجزاء المحرك
فاذا فقد الزيت خواصة واصبح يشبه الماء مالفائدة منه في تزييت اجزاء المكينة
موضوع صاحبك والتاخير بتغيير الزيت
ممكن يكون لايتجاوز سرعة 100
ممكن يكون يستخدم زيت نوعية جيده
وعموما اغلب الزيوت الان اذا المحرك سليم توصل 10 الاف كيلو ولاكن من اراد الحفاظ على سيارته
ليدوم عمر المحرك دون مشاكل متابعة الصيانة الصحيحة
سفاري959
20/09/2010, 03:51 AM
واحد من الشباب معه باترول 98 ماشي 500 الف الشهر اللي طاف رايح لمكه مرتين ويقول ماشي 9000 بالزيت ولا غيرته بس انا اشوف هذا غلط خل خويك يسحب العيار اذا صار ماشي واجد بالزيت ومسافر عليه بيحصله ناقص لأن الزيت اذا راحت لزوجته صار مثل الماء خفيف اكثر من 5000 يعتبر اهمال تحياتي
ساري 111
20/09/2010, 05:39 AM
انا اغير كل 10 الاف مع السيفون جميع والسياره قربت للـ 200 الف ومافيه اي مشاكل او نقص ولله الحمد
صاحب الكشتات
20/09/2010, 06:04 AM
ياخوي احسب حساب الجو شدة الحرارة تفقد الزيت لزوجته مايصير اذا ودك بموترك اكثر شي 5000 كيلو يتم تغيير الزيت ولاتنسى ان الزيوت الان سيئه خفيفه مرة ماهي زي أول تتحمل الحرارة
اعرف واحد من الشباب يقول اذا غيرت الزيت لاترميه عند البنشر عطنيه بحطه في سيارتي مثل الشباب الي على 10 الاف مو معقول
اي سياره بخاخ مايتغير لون الزيت لوتمشي 8000الف كيلو،بس الزيت يكون خفيف ماهو مثل يوم تغيره بأول مرة ويكون مثل الماء ويزداد الضعف في الشنابر والافضل علي 3000الف كيلو يتغير
باترول 82
20/09/2010, 06:34 AM
انا اغير الزيت لموتري vxr2006 كل 5000 والسيفون بعد 10000 والزيت سوبر موبيل
وكان معي من قبل مرسيدس شبح 320 كنت احطله زيت فرنسي اسمه كفران والله اغير الزيت والسيفون بعد 10000 انه ينزل جديد ولزوجته عاليه
ولد ضبيب
20/09/2010, 06:42 AM
يا اخون السيارات تختلف مثلا عندك الفورد ينقص ونقصه طبيعي اللي يبي يمشي 12الف على الفورد يبوش
عندك الكامري 2003-2006 تنقص ونقصها طبيعي تمشي 12الف تبوش
عندك السيارات القديمة امش 15الف ولايهمك إذا مافيها نقص
جيوب الربع البخاخ يقول واحد انها تنقص وطبيعي نقصها ما يضير 12ألف
إذا سيارتك ماتنقص من وجهة نظري 12الف عادي بس لازم تعاير الزيت باستمرار
ماهو 12الف ماتفك الكبوت
مخطط 2008
20/09/2010, 07:18 AM
تفيير الزيت حسب ممشاك هل هو في طرق سريعة او داخل المدينة اذكانطرق سريعة دايم مسافر لاتعدى 6 الاف واذكنت داخل الميدينة 8 الاف والسيفون كل تغييرتين تغيرة مرة يعني كل 20 الف واذايد من الشعر بيت لون الزيت ولزوجتة واحتراقة يعطيك مؤشر لتغيير الزيت
يريور عيمان
20/09/2010, 08:10 AM
انا اغير الزيت و السيفون كل 3000 كيلو
هذا تقيلد تعلمته من الوالد الله يحفظه
و شوف سيارتنا ما شاء الله مشت فوق 500000 كيلو
و ما اشتكينا من خرابات في المكينة و لله الحمد
مخاوي 2004
20/09/2010, 09:32 AM
والله ياخوي انا انصحك انك ماتنزل عن 8 الآف على الفكسار شي طبيعي بس خلك حريص شوي يعني شيك على الزيت اذا مشيت 5000 كانة مانقص يعني ان شاء الله المكينة ماعليها خلاف وطبعا الزيوت تختلف وانا افضل شل سوبر الاحمر ممتاز وعليه الكلام لان بعض الزيوت الاخرى مثل جتي اكس ماينفع للسيارات كلها اعرف اثنين في الديرة مجيمه عليهم مواترهم من زيت جتي اكس يقولون نعنبوا جدة خفيف ويتبخر ويروح عليك المكينة
اما بالنسبة للكامري خاصه تقريبا من 2003 الى 2006 ينقصن بعضهن مع السرعة و2007 الى 2010 كلهن ينقصن شد بلد نقصن يروع يعني ماتنضمن كل مارحت من الرياض للشرقية وجيت تنقص نص علبه الى علبه على حسب السرعة
وانا انصحك اخوي ماتنزل اقل من 8000 والله كم واحد اعرفة يطامر بموتره ببر وخط والحمدلله الموتر تمام انا كان معي هايلكس 2004 ماغير زيتها الا بعد سته او سبعة وعلب التغيير اربع ونص مع السيفون والحمدلله الموتر ماشي فوق ثلاث مية والموتر تمام ماينقص ولله الحمد مع اني لعنه شوي في خط وفي بر
اجوا اني افتدكم وشكراً
طير جراح
20/09/2010, 09:46 AM
كنت أول أغير 2500 ثم بعد ما عقلت ههههههه صرت 5000 والأن من 10-15 ألف والحمد لله ما فيه أي مشكلة بس لازم السيفون من الوكالة
التعـ King ـديل
20/09/2010, 06:23 PM
انا عن نفسي مواتري كلها اي موتر طالما انه شد بلد اغير كل 7000 واحيانا 8000
اما اذا معدل اغير مابين ال 3000 الى 5000 علشان الحراره بالموتر
You Like Me
20/09/2010, 06:32 PM
والله بالنسبة لي
اشيك على عيار الزيت والزيت نفسه
متى ما انتهت اللزوجه غيرت
وغالباً على 5000 او 6000 يصير الزيت زي الماء بدون لزوجه
فالأفضل التشييك كل مده على الزيت ومنها تعرف اذا يستوجب تغييرة او لا
alsadiq
20/09/2010, 06:34 PM
5000 كلم مناسبه
swead
20/09/2010, 06:48 PM
انا اغير الزيت كل 3000 كيلو والسيفون كل 6000 كيلو
دليلة1
20/09/2010, 06:51 PM
عن نفسي ما أغيره الا اذا وصل 15000 وبعض الاحيان أقل والسياره كورلا 2006 ماشيه حول 300 الف والحمد لله الوضع ماشي على أحسن مايكون وسمعت ان أصحاب الزيوت ياخذون الزيت للمصنع ويعيدون تكريره للزيت اللي ماشي قريب من 5000 وباقي فيه لزوجه.. والله يحفظنا وياكم
قايد تميم 1
20/09/2010, 06:55 PM
هلا بك اخوي الحل عندي انا اداااوم تقريبا 400 كيلو فى اليووم يعني فى الأسبوع تقريبا 3 ايام وتزود
ولا اغيره الا مره فى كل شهر ونص وعليك الحساب والسيفون شهر غير وشهر طنش
لا تقعد تدقق مره والله ان تتعب يعني شغل واعقلها واتوكل .
الربذي
20/09/2010, 08:50 PM
واحد حط زيت عافيه حق الاكل ومشى عليه كثير المهم هو الزوجه دام فيه لزوجه لوتمشي 20الف اهم شي لاينقص ولزوجة الزيت واحد اعرفه معه كامري مشى على الزيت لين خلص وانفقعت اخر نفس الكلام ليه الزيت قليل وصاير مثل الدبس ثقيل بشكل ومايرقى للبساتم والاهم السيفون غيروه مع كل تغييره و5000الاف للدسن و5000للجيب عيا يطاوعني قلبي اكثر من كذا
أبوالمثنى
20/09/2010, 09:30 PM
888
الله يرحم ابنك أسامه ويجعله شفيع لك ولوالدته يوم القيامه
البرتقالي
20/09/2010, 09:57 PM
قسم بالله << شوفوا تراي اقسمت ما أذكر آخر مره غيرت الزيت والسيفون معه
لكن اتوقع انها حروة سنة ونص الى سنتين :)
والله ياهم لاقينا ويضحكون علينا بسالفة تغيير الزيت كل 3000 يورو ;)
مراسل الشرق
20/09/2010, 10:01 PM
السيارة الصغيرة 5000
السيارة الكبيرة 7000
التعـ King ـديل
20/09/2010, 10:48 PM
واحد حط زيت عافيه حق الاكل ومشى عليه كثير المهم هو الزوجه دام فيه لزوجه لوتمشي 20الف اهم شي لاينقص ولزوجة الزيت واحد اعرفه معه كامري مشى على الزيت لين خلص وانفقعت اخر نفس الكلام ليه الزيت قليل وصاير مثل الدبس ثقيل بشكل ومايرقى للبساتم والاهم السيفون غيروه مع كل تغييره و5000الاف للدسن و5000للجيب عيا يطاوعني قلبي اكثر من كذا
وش سوا بالزيت لاتقولي شكشوكه :d < امزح
بروق ساق
21/09/2010, 04:08 AM
أنا أشوف 5000 ممتازة جدا تحافظ على المحرك كذلل يكون عمر المحرك أطول لأن كتلوج السيارة مكتوب كل 5000 تغير الزيت
بالنسبه لي لو يمشي الموتر 5001 على طول وقفت الموتر وزيت وسيفون والحمدلله ما شي زي الحلاوة
لاتكب البيالة
21/09/2010, 04:19 AM
الزيت غيره كل 5000 وريح راسك
انا الوالد ما يغير الزيت الا اذا فطنه احد ممكن سنة يزيد ينقص
عاشق يوكن
21/09/2010, 04:49 AM
السلام عليكم
أنا كان معي سيارة الوالد الله يحفظه المهم جيت عنده قالي رح غير الزيت السيارة قلت كم ميشيت فيه قال تقريبا 9500 او أكثر يوم اني رحت عند الوكالة قالي الفلبيني كم ماشي قلت 3500 قالي حرام انت في امشي شوي
قلت طيب بس غيرالزيت وبعد فترة كنت طالع مع أحد اقاربي شغال في صيانة الطائرات المهم اني سألتة عن الزيت قالي ان الزيوت كلها نفس الخامة بس 3000 أو 5000 أو 7000 كلها واحد الله هم اللي يطول من عمرها اللون
ودمتم سالمين
Abu-Nawaf
21/09/2010, 05:44 AM
انا اغير كل 20 الف مع السيفون جميع
والسياره قربت للـ 400 الف ومافيه اي مشاكل
ابوناصر426
21/09/2010, 05:49 AM
تدرون وش ازين شي بالموضوع
انه يخليني افكر مليون مرة اذا كنت ابي اشتري موتر مستعمل
اجل ماتغيرون زيوت مواتركم الا كل 10 الاف!!
انا اذا مشيت اكثر من 4 الاف وماغيرت الزيت ضاق صدري، ودايم اغيره على 5 الاف
ملك الإحسآس
21/09/2010, 08:37 AM
5 الاف كيلو الأنسب
واللي فوق 5000 أعتقد انه يغامر بموتره
موفقين
مرووووق
21/09/2010, 09:52 AM
شرحك 10000كم
falcon449
21/09/2010, 10:16 AM
تغيير الزيت مذكور في كتيب الصيانة عند 5000كم الزيت مع السيفون
كبسولة2
21/09/2010, 01:54 PM
عندي يوكن 2002 ماشي 300 الف
وصابونة ماشيه 400 الف
وجيب ربع ماشي 350 الف
وكلها أغير الزيت مع السيفون كل 12 الف كيلو
tlk_2003
22/09/2010, 02:02 AM
لايهمك احد انا معي هدد 2008 والله شريت سيفون وكاله كرتون 10 حبات ب 120ريال يعني الحبه ب 12 ريال
والزيت اغير كاسترول كل 10 او 12 الف مع سيفون والحمدالله تمام التمام ..
على فكره الزيت اشتريه من الي يبيعونه عند صناعية العويضه والله فرق يوصل ل 6 ريال لكل علبه
واغيره عند يماني معامله على طريق الدمام ب 15 مع السيفون ..
بندررر
22/09/2010, 03:35 AM
انا اغير الزيت كل 2000 كيلوو مره سيفون مره بدون سيفوون
الزيت عمااااااار الحديد
ماشي موتري ميتين الف ولا فيه اي مشاااكل
يريور عيمان
22/09/2010, 07:02 AM
و الله يا ناس ما ادري ليش تغامرون بسيارتكم
اللي ماشي 12 الف و اللي ماشي 15 الف و اللي ما غير الزيت من يوم ما طلع الموتر
في كتيب السيارة عندي للباترول مكتوب ان الزيت يتغير كل 5000 كيلو
اللي صنع السيارة يوصيك انك تبدل كل 5000 كيلو
هو اللي صنع و هو يعرف شو اللي يظر الموتر و ايش اللي محتاج تبديل مع الزمن
انت ليش ما تسمع كلامه و تحسب نفسك اعرف منه
الا هو مبلغ بسيط لتبديل الزيت مع السيفون
الشنه
22/09/2010, 10:26 AM
انا اغير على 10 الف فكسار ماشي 210 الف
الصارم 444
22/09/2010, 11:01 AM
5000 مناسبة جدا
فارس شمال
22/09/2010, 11:10 AM
انا عندي هونداي 2003 ماشيه 230 والله ماغير الزيت الا كل 10 الى 12 الف كيلو واستخدم بترومين 20-50
واغير الزيت مع كل غيار زيت مع انهم يفكونه يقولو نضيف الفلتر
ماشاء الله تمام
قطب 999
22/09/2010, 04:27 PM
خرجت من العمل واركبت أحد زملائي وقلت وش عندك شغل قال ماعندي شيء
قلت السيارة مشت 5000 كلم وش رايك أغير الزيت لأني آخذ حسابي شاري سيفون
قال ياحبيبي أنت مسكين من اللي يلعب عليهم قلت وشلون
قال مايمدح حاضر جيبي فكس آر وماشي 400 ألف
ولاعمري غيرت الزيت إلا بعد 12ألف أو 13
وقلت والسيفون قال يالله بعد 24ألف
لاتصير حبيب وكل يوم بهالوكالة سيفون وخرابيط
قلت يالحبيب مايفيدني إلا الاخوان بموقعنا الدولي
وش رايكم هل فعله صحيح وإلا شغلي أصح الله يعطيكم العافية
ممكن المكينه ما تكون بقوتها مثل من يغير بانتظام على 5000 الا اذا كان يستخدم زيوت تخليقيه Fully Synthetic Motor Oil
السد الغزير
22/09/2010, 04:31 PM
8000اشوف انها مناسبة
موتري كامري ماشية425الف وزي الحلاوة الحين مافيها الا العافية .
همس الغدير
22/09/2010, 04:51 PM
كلام الاخوة كلهم صحيح لكن الصحيح داخل المدن من 8000الى10000كيلو وفي السفر من 5000الى7000كيلو
دليلة1
23/09/2010, 12:45 AM
8000اشوف انها مناسبة
موتري كامري ماشية425الف وزي الحلاوة الحين مافيها الا العافية .
ماشاء الله تبارك الله ..
.أبوعبدالرحمن
23/09/2010, 12:59 AM
يا أخوان أنتم المفروض اللي تقولونه والمهم عندكم لزوجة الزيت ان شاء الله تمشي السيارة 50 الف كم إذا الزيت لزج خلاص...
عني أغير زيت سيارتي كل 5000 كم والسيفون مرة اغير ومرة ما اغير
طبعا سيارتي باثفندر و سيارة الوالد اكسبدشن وسيارة اخوي هايلكس وسيارة السواق لاند
كلها اذا مشت 5 الالف كم نغير الزيت
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir