المساعد الشخصي الرقمي

مشاهدة النسخة كاملة : باترول 91 !!


بيتر بن عدوان
20/09/2010, 08:38 AM
سلام عليكم ورحمة الله وبركاته



ياربع استفسار ؟
باتروول 91 ممشاه ماوصل الثلاث ميه للحين وبديه فيه باب الرديف معدل ومرشوش وفيه باطرف الرفارف عقد نص اصبع حلا وسئلت قالوو بالسمكره يزين ويلقط ببويه هل هذاا صحيح ؟؟؟ الموتر وقفته زينه ماشالله يبغاله فحص وتجديد استماره كفرات جديده يبغاله شغلات بسيطه تغيير جنود وتلميع كامل السياره ويبغاله ووجه للكرتير تغيير وش رايكم حدوه علي ب 23وانا اتحمل الفحص وسعي المعرض هل هذاا سعرووه ولا غالي انا مستعجل عطوني رايكم يالربع فزعتكم يالرجاجيل ..
سبع الصحراء
20/09/2010, 09:04 AM
ارسلت لك على الخاص

تقبل تحياتي
lx570
20/09/2010, 09:07 AM
غآآآآآآآآآلي وانا اخوكـ
بيتر بن عدوان
20/09/2010, 09:24 AM
طيب اخوي الي تقول غالي لا هنت تخبر لي شي نظيف مره وبسعر معقول ؟؟؟؟ بس بشرط بالقصيم !!
الناقل1
20/09/2010, 01:37 PM
احسب التصليحات كاملة من كفرات وربلات وكراسي وغيرها وشف بكم راح يطلع عليك

وانا من راي انه عليه الغلا شوي وانت بكيفك
بيتر بن عدوان
21/09/2010, 12:13 AM
صدقت اخوي الناقل حسبته مع القصيمه كامل والشغل بيطلع علي بحدود التسع وعشرين وماقصرتوو للجميع والموتر مع انه شايل لاكن رزقه الله برجال شراي صامل وشراه لاكن عسى الله يرزقنا بموتر هالاسبوع من رمضان وانا ادور وتوبه لو شريت ابيع لو يجيب دبل القيمه عزالله اني ضعت بعد مابعت الاول ههههههههههه
ابو عدي بريدة
21/09/2010, 02:01 AM
اخوي بيتر خابرلك باترول 91 اللون فيراني اربع ابواب

البدي مافيه سمكرة ولا رش فيه تعديله كبر كف اليد بطرف الرفرف

الموتر مجدد ومفحوص
مكيفين_ ثلاجه العداد واقف على 298 تقريبا مغير له بالعشر الاواخر طقم سيور+كراسي مكينه+كراسي قير+مركب له مراوح كهرب ب550ريال المراوح الكفرات عريض الموتر توه مسافر عليه للمدينه وجاي
وحاده راعيه ب26000 والموتر ماضيق عليه يعني معه موتر ثاني ومخلي الجيب للحاجه
وموقعه القصيم بريده
ابوحمدAA
21/09/2010, 07:54 AM
غالي مره حسب وصفك
falcon449
21/09/2010, 10:20 AM
الله يرزقك البيعه الي تسرك
قناصه
21/09/2010, 12:12 PM
خابر لك ربع سوبر سفاري 96 احمر وذهبي شايل رفارفه ونسافاته وجنوطه ومركب جنوط هلل وبوالين ماكسس ونسافات سلق


الموتر مادري عنه ولاركبت فيه اشوفه من بعيد >مهوب لي<لرجال معنا امس بالاستراحه يقول :
البدي لك عليه مرشوش ولايخلو من سمكره
والمحركات ممتازة واذرعته وكهربته ممتازه
لالالاحراره ولا رجه
مكيف ممتاز ومسجله جديد اصل الداخلي بيج وقلبه عنابي تلبيسه والطبلون والديكور بيج
شد بلد لاترهيم ولاشي ويقول انه ممتاز لراعي المكاشيت
ويحتاج بعض التلقيطات

وسيم منه في الاستراحه 16 الف ويقول تعدلو واصملو
شكله يبي 18تبيه ارسلت لك رقم الرجال على الخاص

يعلم الله لاناقة لي ولا جمل بس ادور دعوة طيبه من قلب صادق
عالم المعالي
21/09/2010, 01:27 PM
السعر طيب عندنا وصل 26